¹ Bulus, Silbanus, nan Timoti, ama kana nan ikilisiya un Tasolinika innunk a Sirih putuwuri nan Zonzo Yesoh Kristoh. ² Sa mapes man wan nh yhin nan kazon ka marentu ma wori nan Kasirih putuwuri nan Zonzo Yesoh Kristoh. ³ Pichinchini pe vere ti yelli a Sirih u sanghjigyi ko ka rike dhoar awar ka yin, ina koni. Awar ken ina rikwa awar ku rho kotih a yin kuma pirinuwon a gwakane nsunu o tih a yin nma pirunuwom. ⁴ A wuri anatih a wuri tisin vervene a veru zovoh kotih anatih ayin innunk inkilisiyoyi ma Kasirih. Tiseri avere a ritih ru nome ku nasuwu nan ku rho kotih inunk in vura nasang imi nan in sin seze nan marasana mami nan en kwakturwon. ⁵ Arana ani are masuksana ma mateh ma Sirih nan matini. Kudorkoro ko tini ko ni kun kure an zikini ukoh aya wana ayu rara ko Sirih kumi nan in sin vurana awar ka kun. ⁶ An reh matini nan Ka Sirih kan naghari ama vurana mayin nan aya a renini in vura. ⁷ Ka tini a rhoini mavonsono a yini aya in sin vurana nan a wuri kan kha yelli ken nh chinnu u Zonzo Yesoh a wori zho nan anyenku un nirgh'anu uyi. ⁸ Nan rirem ru rha en ka rrise mateh maya a zaku yhao a Sirih nan aya a rhoto ma pokoro va udamu nan maverven ma Zonzo Yesoh Kristoh. ⁹ An ka sezi vura nan u wunzanu aka rava riwuri ten yhen mu Zonzo nan ku zaovao ku nirganu uyi. ¹⁰ En ka rise ara adhaor nan r ruva a tuk kami, awer a yhaor ayi an zokkwo yi, a tini a wana ki kusu ku mamaki nan aya ama rume nasang. Awar u rumenu nan u migh'u uri nan a yini. ¹¹ Awar kara rana ti sere tanzu a jariri awar ka yin, teh tanzana awo Kasirih kan sa in suk u kaghu u yin. Teh tanzana awo kan korone u sunu yin u rise komirih nan u tuma nasang urho ku riti nan unirgh'anu. ¹² Tisin tanzana ken an kusu mu awar kuwo rizayhi ri Zonzo Yesoh rin zokkunowo awar ka yin. Katanzu ka wuri kan kare an zokkwini, awar ka mapes masirih nan Zonzo Yesoh Kristoh.