Chapter 5

1 ಸಹೋದರ್, ಆ ಸಂಗತಿನಾ ಮಹಿ ಚಾಲತೆ ಕಾಲಂಮ ಕ್ಷಣಂಮ ಬೆಷಿನ್ ತುಮ್ನಾ ಲಿಕ್ಕಾವನಾ ಅವಶಂಕೋಯಿನಿ. 2 ರಾತೆನಾ ಕಾಲಮ್ಮಾ ಚುಟ್ಟು ಕಿಮ್ ಆವಾಸ್ಕೀ ಇಮ್ಮಾಸ್ ದೇವ್ ದನರೋಜ್ ತುಮೆಶ್ ಪಶೆನ್ನಿತರ ಮಾಲುಮ್ ಕೋರಾಹಿತಿ. 3 ಸಮಾದಾನಂನಿಸ್ ತರ ಡರ್ಕೋನಿತಿಮಸ್ ರಾಸ್ಕರಿ ಆದ್ಮೀ ಬೋಳುತೆದೇಸ್ ಇವನಾ ಉಪ್ಪರ್ ನಾಶನಂನು ಗರ್ಭಿಣಿನೆ ಪ್ರವಾಸಂ ಅವನಿತರ ಆವಾಸ್, ಇವುನೇ ಕಿಮ್ ಕಿ ಚುಕ್ಕಯಿಲಿಸೆಕೋಯಿನಿ. 4 ಕತೋ ಸಹೋದರೇ ಯೋ ದನ್ಮಾ ಚೋಟ್ಟನಿತಂ ತುಮಾರಾ ಉಪ್ಪರ್ ಕೋ ಆಶೇನಿ ತುಮೇ ಹಿಂದಾರಮಾ ರವವಾಲಾಕಾಹೇ. 5 ತುಮೇಕಾರು ಉಜಾಲಮ ದನ್ಮಾ ರವಾಲಾ ಆಪನೇ ರಾತ್ಮಾ ರವಾಲಾ ಕಾಹೆ, ದನ್ಮಾ ರವಾಲಾಕಾಹೆ. 6 ಹುವ್ವತೆ ಕಾರಣಂಮಾ ಅಪನೇ ಅಮ್ಮಾಸ್ ನಿಂದರ್ನಾ ಲೇನುತಿಂಮ್ ಹೋಶಾರ್ ರಹ್ಹೇ, ನಜೂಕ್ ಥಿ ರಹ್ಹೇ. 7 ಕುವ್ವಲು ರಾತ್ಮಾ ಕುವ್ವಸ್ ನಿಷಾರವಾಲು ರಾತ್ಮಾ ನಿಷಾಮಸ್ ರಾಸ್. 8 ಅಪನೆ ದನ್ಮಾಸ್ ರವಾಮಾ ವಿಶ್ವಾಸಂ ಇಷ್ಟಂ ನಿತರ ವಜ್ರಕವಚನ ಕಾಪಾಡನ ನಾಕಾಪಾಡಿನಿತರ ಹೆಲ್ಮೆಟ್ ನಾ ಗಾಲಿನ್ ಅಚ್ಚಿನಿತರೂನು. 9 ಷೇಕತೋ ದೇವ್ ಅಪನಾ ಇನಿಚಂಡಾನಾ ಗುರಿಹೋನುಕರಿ ಅಪಣೇ ಅಪನಾ ದೇವ್ನಾ ಯೇಸು ಕ್ರಿಸ್ತನಾ ನಿಸ್ತರ ಕಾಪಾಡನ ವಾಕತೆ ಕರ್ರಾಕ್ಯಿಸ್. 10 ಅಪನೇ ಹೋಷಾರ್ನಿತರರಹ್ಯಾತೋ ಕರೇಟ್, ಇನಿ ಜೋಡಾಮಾಸ್ ಜಿವನುಕರಿ ಯೋ ಅಪನಾ ವಾಕ್ತೇ ಮರ್ಯೋ. 11 ಇನವಾಕ್ ತೇ ತುಮೆ ಹಂಕೇ ಕರನಸ್ ಪ್ರಕಾರಂ ಏಕನಾ ಏಕ್ ಆದ್ಮೀ ವಿಚಾರನ್ಕರ್ತಾ ಹುಯಿನ್ ಏಕ್ಜನನಾ ಭಕ್ತಿನ ಗನುಹೋವಸ್. 12 ಸಹೋದರ್, ಕೋನ್ ತುನಾ ಕಷ್ಟಂಕರಿನ್ ದೇವ್ನಾ ಕಾರ್ಯಮಾ ತುಮಾರ ಉಪ್ಪರ್ ಮೋಟಾನಿತರಹರಿನ್ ತುಮ್ನಾ ಬುದ್ದಿ ಬೋಳಾಸ್ಕಿ ಇವನಾ ಗಮನಿಂಕಿನ್ ಇವನಾ ಜೀವನಾಮಾ ಪಾಲ್ಗೋಲಿಹೋಯನ ಇಷ್ಟಂಥಿ ಗನುಥಿ 13 ಸನ್ಮಾನಂಕರ್ನುಕರಿ ತುಮ್ನಾ ಮಾಂಗುಕುರುಸ್ ತುಮಾರ ತುಮಾರಮಸ್ ಸಮಾದಾನಂರಾನು. ಸಹೋದರ್, ಜುಟಿಮಾ ಚಾಲವಲಿನಾ ಬುದ್ದಿಬೋಲ್, ದಿಲ್ಮಸ್ 14 ಬೇಜಾರ್ರವಾವಲನಾ ಧೈರ್ಯಕರೋ, ಶಕ್ತಿಕೋಯಿ ನಿತೆವಲಾನ ಸಪೋಟ್ರಹೋ, ಕಾರವ್ಮಸ್ ಗನು ಶಾಂತಿವಾಗಿರಹೋ ಕರಿ ತುನ ಬೋಲುಕರುಸ್. 15 ಕೋನ್ ಅಪಕಾರಮ ಅಪಕಾರಂನಾಕರ್ನುತಿಂಮ್ ದೇಕಿಲಿನು, 16 ಕೆದೇಬಿ ತುಮ ಏಕ್ನಾ ಏಕ್ ಅಚ್ಚು ನಾಕರ್ನುತಿಮ್ ಕಾರಿನಿತರ ಅಚ್ಚು ಕರನಿತರ ರಹೋ. 17 ಕೇದೇಬಿ ಸಂತೋಷಂರಹೋ, ಬಹಿಕನುತಿಮ್ ಪ್ರಾರ್ಥನೆಕರೋ.ಕಾರವ್ಮಸ್ ಕ್ರುತಙ್ನತಸ್ತುತಿಕರೋ, 18 ಆಸ್ ತುಮಾರ ವಿಷಯಂನಿತರ ಕ್ರಿಸ್ತ ಯೇಸುಮಾ ತೋರಿ ಆಯು ದೇವ್ನಾ ಇಷ್ಟಂ. 19 ಪವಿತ್ರ ಆತ್ಮನ ಹುಜಾವೋನಕೋ, 20 ಪ್ರವಾದಂನ ತಾತ್ಸರನಕೋಕರೋ. 21 ಕತೋ ಕಾರವ್ನಾ ದೇಕಿಲಿನ್ ಅಚ್ಚನಸ್ ಪಸೆನ್ನಿತರ ಕರ್ಲೇಹೋ. 22 ಗನುವಿದಾಲ್ ಕರಬ್ನಾ ದುರ್ ರಹೋ. 23 ಶಾಂತಿಕು ರವಾಲ ದೇವ್ ಯೇಸ್ ತುಮ್ನಾ ಕಾರುಸ್ ಪರಿಶುದ್ದಕರಾದಾ ಅಪನು ದೇವ್ ಯೇಸುಕ್ರಿಸ್ತು, ದೇಕಾವಾತೆದೆ ತುಮಾರ ಆತ್ಮ ಜಾನ್ ನುಶರಿರಂನ ದೋಷಂಕೋಯಿನಿತೆಸ್ ಸಂಪೂರ್ನಿತರ ದೇಕಾವಾನಿತರ ಕಾಪಾಡದ. 24 ತುಮಾನ ಬುಲಾವವಲು ನಮ್ಮಕಂರವಲು, ಯೋ ಇನಸ್ ಕಾರ್ಯಂನಾ ಸಾದಿಸವಳು. 28 25 ಸಹೋದರ್, ಅಪನಾವಾಕ್ತೇ ಪ್ರಾರ್ಥನೆಕರೋ 26 ನಾಜುಕ್ನೂ ಬುಚ್ಚದೀನ್ ಸಹೋದರ್ ನಾ ಕಾಲಂಮ್ಕರು. 27 ಪತ್ರಿಕಂನಾ ಸಹೋದರೌನ ಸದಿನ್ ಬೋಲ್ನು ಕರಿ ನಿಮ್ನಾ ದೇವ್ನಾ ಉಪ್ಪರ್ ಓಟ್ ಮೇಳುಕುರುಸ್. 28 ಅಪನಾ ದೇವ್ ಯೇಸು ಕ್ರಿಸ್ತನ ಕ್ರುಪೆ ತುಮಾರಮರವಾದಾ.