1 ಬಾಹುಯಿರೋತೆ ದೇವ್ ಮಾ ಕರ್ತಾ ಹುಯಿರೋತೆ ಯೇಸು ಕ್ರೀಸ್ತು ಮಾ ಚ್ಹಾತೆ ಥೆಸಲೋನಿಕನ ಸಭೆನಾ ಪೌಲ ಸಿಲ್ವ ಉಜು ತಿಮೋತಿ ಹುಯೀರೋತೆ ಹಮೆ ಲಿಕಣು ಶಾತ್ಕತೋ ತುಮ್ನಾ ಕ್ರುಪೆಶಾ0ತಿ ಹುವಾದ. 2 ಹಮೆ ನಂಬಿಕೆನು ಫಲಹುಯಿರೋತೆ, ತುಮಾರು ಕಾಮ್ನಾ ಪ್ರೀತಿಹೂ ತುಮಾರಿ ಮೆಹನತ್ ನಾ ಅಪಣೋ ಕರ್ತಾಹುಯಿರೋತೆ ಯೇಸುಕ್ರೀಸ್ತಾ ನಾ ಪರ್ ತರೀಕ್ಷಾತಿ ತುಮಾರಿ 3 ಅಪಣೋ ಬಾವ್ ಹುಯಿರೋತೆ ದೇವ್ ನಾ ಖ್ಹಾಮನೆ ನಾಮೆಹಲ್ ನು ತಿಮ್ ಯಾದ್ಕರಿ ಹಮಾರಿ ಪ್ರಾರ್ಥನೆಮಾ ತುಮಾರ ಖ್ಹಾಜೆ ಬೆನಜ್ಹ್ ಕರ್ವಾನಿ ವಹತ್ ತುಮಾರಿ ವಿಷಯಂಮಾ ದೇವ್ನಾ ಕೆದೆಬಿ ಕ್ರುತಗ್ನತಾಸ್ತುತಿ ಕರುಕರಿಯಾಸ್ 4 ದೇವ್ ನಿ ಪ್ರೀತಿನಾ ಭಹಿಯೇ ಯೋ ತುಮ ನಾ ಖ್ಹಮಾಲಿ ರಾಕ್ಯೋಸ್ ಕರಿ ಹಮೇ ಬೋಲ್ಯಾತೆ ಸುವಾರ್ತನೇ ತುಮಾರಮಾ ಖಾಲಿ ವಾತ್ ನಾ 5 ಆವುನತೇ ಶಕ್ತಿತಿ ಪವಿತ್ರಾತ್ಮತಿ ಘನು ತಿರ್ಮಾನತಿ ಹುಯಿಕರಿ ಮಾಲುಮ್ ಕರ್ಯಾ ಹಮೆ ತುಮಾರ ಖ್ಹಾಜೆ ಕಿಮ್ ನಾಕರಿ ಬೋಲ್ ಸಾಲ್ಮಾ ತುಮ್ನಾ ಮಾಲುಮ್. 6 ಯೋಕೋಯಂತೆ ತುಮೆ ಜ್ಙಾಹತ್ ವದೆಕಾ ಕಾದಾ ತೋಬಿ ಪವಿತ್ರಾತ್ಮಾ ತಿ ಹೋಯಿತೆ ಖುಷಿತಿ ದೇವ್ ನಿ ವಾಕ್ಯಾನಾ ಪಾಡಿಲಿನ್ ಹಮ್ನಾಬಿ ಕರ್ತಾ ಹುಯಿರೋತೆ ಯೇಸುನಾಬಿ ಕೇಡೇ ಹುಯಾ 7 ಹಮ್ ಮಸು ಮೆಕೋದೋನಿಯಾಮಾಬಿ ಅಕಾಯಮಬಿ ಕ್ರಿಸ್ತನ ಪರ್ ನಂಬಿರ್ಹವಾಲಮಾ ಮಾದರಿ ಹುಯಿರೋಸ್ 8 ದೆವ್ನೀ ವಾಕ್ಯಾ ತುಮಾರ ಥೀಸ್ ಮೆಕಥೋನಿಯಾಮಾಬಿ ಅಕಾಯಮಬಿ ಪ್ರಚಾರ್ ಹುಯಿನ್ ಬಿ ದೇನ್ ನ ಪರ್ ತುಮೆ ರಖಿ ಮೆಹಲ್ಯತೆ ನಂಬಿಕೆಥಿ ಖ್ಹಾರಸ್ ಜಬೋಮಾ ಪ್ರಸಿದ್ದ ಹುಯಿ, ಇನ ಖ್ಹಾಜೆ ಆ ವಿಷಯಂಮ ಹಮೆ ಶಾದ್ ಬಿ ಬೋಲಾನಿ ಕೋಯಿನಿ. 9 ಹಮೆ ತುಮಾರ ಕಾನ ಆಯಿತೋ ತುಮೆ ಕೆಲ್ ಕನ ದಿಲ್ ಥೀ ಹಮಾರಿ ಬೋದನನಾ ಹಮ್ ಜಾತ ಇನ ಬಗ್ಗೆ ಇಜ್ಜಾನ ಆದ್ಮೀ ಇವುನೆಸ್ ಬೋಲಾಸ್. 10 ಯೋಬಿ ತುಮೆ ವಿಗ್ರಹನಾ ಮೆಹಲಿದಿನ್ ದೇವ್ ಭನಿ ಫರಿನ್ ಜಾನ್ ರಹಾಲೋ ಖ್ಹಾಜೆ ದೇವ್ ನಾ ನಂಬವಾಲ ಹಯಿರೋಸ್ ಕರಿ ಯೋ ಮರಿ ಹುಯಾಮತೋ ಉಟಿಯತೆ ಆಸ್ಮಾನ್ ಮಾತೋ ಆವಾಲೋ ಹುಯಿರೋತೆ ಇನ ಚಿಯಾನ್ ತರಿಕ್ಷಾ ಕರಾವಲ ಹುಯಿರೋಸ್ಕರಿ ಕರೀಸ್ ಬೋಲುಕರಾಸ್ ಯೋ ಯೇಸುನಿ ಕಾಮ್ಸೇ ಅವಾಶ್ಯತೆ ದೇವ್ ನಿ ಛಂಡಾಲ್ಥಿ ಅಪನಾ ಭಚಾವವಾಲೋ.