¹ ದೇವ್ ದಯಾವಾಳೋನ್ ತಮ್ ಸವಾದ್ ಕರಣ್ ದಿಟ್ಟೆ ವಾತೋ; ² ಸೋಲಿ ಮಾಂದೋ ಗೊನೆನನ್ ಸೋಳಿಟರಾರ್ ಕಪತೆನನ್ ದೋಕೇನನ್ ಅಂಕಿ ಬಲೆರಂ ಸೋಲಿತರಾರ್ ಭಾಮ್ಧಾಲಿನ ಸೆ ಛೆಟಿಕದೆರ್ನ್ , ³ ತಮ್ ರಕ್ಷಣಾಮಾ ವದ್ದೆನ ಪೇಡಾವೇಜಕೋ ನವ್ವ್ ಬಾಲಕೇರ್ ನ್ಯೆ ದೇವೇರ್ ವಾತ್ ಕಜಕೋ ಪವಿಟರ್ ದೂದೇಪರ್ ಅಸಾಕಕೋ. ⁴ ಮನಕ್ಯಾತಿ ಧಾಕಲಾಗೋತೋಯಿ ದೇವೇರ್ ತಲಾಲ್ದ್ಜಕೋನ್ ಮೋಲೇರನ್ ಜಿವರೋಜಕೋ ಬಾತಾ ಪ್ರಭುರ್ ಧಾಂಯಿ ಗೋಲಾವೆಜಕೋ ತಮ್ಸದಾ; ⁵ ಜೀವರೋಜಕೋ ಭತಾರ್ ನ್ಯೆ ಆತ್ಮಾರ್ ವದಿತಿಘ ರೇರ ನ್ಯೆನ್ ಯೇಸುಕ್ರಿಸ್ತುತಿ ದೇವೇರ್ ಖಾಟರೇರ್ ಆತ್ಮಾರ್ ಭೋಕನ್ ಛಡಾಯೇನ ಪವಿಟರ್ ಯೇಜಕೇರ್ ಮಾಳಯೇರ್ ನ್ಯೆ ಭ್ಮ್ದನ್ ಅರೆಚೋ ⁶ ಹನುಜ್ ಇದೆಕ್, ತಾಲ್ಲಿದೋಜಕೋನ್ ಮೂಲಾರ್ ಭತಾ ಮೂಲಾ ರ್ ಭತಾನ ಸೀಯೋನೆಜಕೋನ್ ಮೂಲಾರ್ ಭಾತಾಮೂಲಾರ್ ಭಾತಾನ ಸೀಯೋನೆಮಾ ಮೇಳೋಚು ಓಮಾ ವಿಶ್ವಸ್ ಕರೇವಾಳ್ ಕಣ್ಣಾಯಿ ಲಾಜೇವೆನಿಕನ್ ಪವಿಟರ್ ಗ್ರಂಥೇಮಾ ಲಕ್ಕನ್ ಛ. ⁷ ಜೆತಿ ವಿಶ್ವಸ್ ಕರೆವಾಳ್ ತಮೇನ ಉ ಘನೋಮೊಳೆರ್ ಛ; ಫಣ್ ಬಣ ವಿಶ್ವಾಸಿನ ಮಾತೇರ್ ಭಾತಾ ವೇಗೋ ಛ. ⁸ ಉಜ್ಜಿ ಉ ಅಡಕೆರ್ ಬಾಟಾನ್ , ಅದಕನ್ ಪಡೆರ್ ಬಂಡಾ ವೇಗೋ ಛ; ಬಾಂದೇವಾಳ್ ದೇವೇರ್ ವಾಟೆನ ಮಾನೆಕೋನಿಜೇತಿ ಓ ಅದಕನ್ ಜಾರೇ ಛ; ಹನುವೇನಜ್ ಓ ನಿಯಂವೇಛ. ⁹ ಪಣ್ ತಮ್ ಅಂದಾರೇತಿ ಓರ್ ವಿಚಿತ್ರೆರ್ ವಜಾಳೆರ್ ದಾಂಯಿ, ಬಲಾಯೋಜೇರ್ ಅಚ್ ಕಾಮೇನ ಪ್ರಚಾರ್ ಕರೇನ ತಾಲ್ಲಿದೇಜಕೋ ವಲಾದೆರನ್ ರಾಜೇರನ್ ಯಾಜಕೇರ್ ಮಲಾವನ್ ಪವಿಟರ್ ಜನ್ನನ್ ದೇವೇರ್ ಖಾಸ್ ಜನ್ ವೇನ್ ಚೊ. ¹⁰ ಅಂಗ ತಮ್ ದೇವೇರ್ ಜನ್ ಕೋನಿಪಣ್ ಅಬ್ಬ ದಯಾ ಪಲ್ಡಿ ಚೊ . ¹¹ ಪ್ರೇಮೇವಾಲಾವೋ , ಪರಮಲ್ಕೆರನ್ ಪರದೆಶಿವಾಳೆರ್ ನ್ಯೆ ಚೊಜಕೋ ತಮ್ ಆತ್ಮಾರ್ ದ್ವಷೆತಿ ಯೂದ್ದ ಕರೇರ್ ಜಿವಡಾರ್ ಅಸಾನ ಛೆತಿಕದೆನ್; ¹² ಪರಲ್ ಜನ್ ತಮೆನ ಕೇಮಾ ತಮೆನ ಆಗ್ ಬುಕ್ಕೆರ್ ಕನ್ ದ್ವೇಶ್ ಕನ್ ಕರಛಕೋ ಓ ಖಬಾರೆಮಾ ತಮಾರ್ ಅಚ್ ಕಾಮೇನ ಉಂಡೆರ್ ವಚ್ಚ ತಮ್ ಅಚ್ ಚಾಳ್ ಚಾಲೇನ ತಮೆನ ನೋರಕರುಚು. ¹³ ಮನಕ್ಯಾ ನಿಯಂಕೀದೇಜಕೋ ಹಯೆಕ್ ಅಜ್ನ್ಯ ಪ್ರಭುವಾಸ್ ನವನ್ ರೋ. ¹⁴ ಸೇಪರ್ ಹಕ್ಕ ಮೇರ್ ರಾಜೇನ ವಾತೋಯಿ ಬುರಾಯಿ ಕರ್ಜೆನ ಸಜಾನನ್. ಭಲಾಯಿ ಕರ್ಜೆನ ಮೋಟ್ಟಣ್ ಮಲಜು ರಾಜೆತಿ ಮೋಳೋಜಕೋ ಹಕಂಡಾರಿನಿ ನವನ್ ರೋ. ¹⁵ ತಮ್ ಭಲಾಯಿ ಕರೋಜೇತಿ ಬಗರ್ ಗೇನಿರ್ ಬಣಾಗೇನೆನ ಬುರಾಯೇರೋ ದೇವೇರ್ ಸೇವಕೇರ್ ನ್ಯೆ ರೋ. ¹⁶ ಸ್ವತಂತ್ರಮೇವಾಳೆರ್ ನ್ಯೆ ರೇನ್ ಸ್ವತಂತ್ರೆನ ಮಾಂದ್ ಚಾಲೆತಿ ಬೂರೇನಿಜು ದೇವೇರ್ ಸೇವಕೇರ್ ನ್ಯೆ ರೋ. ¹⁷ ಸೇನ ಮಾಂಕರೋ ; ಬಾಯೂನ ಪ್ರೇಮ್ ಕರೋ; ದೇವೇರ್ ಧಾಕೇತಿರೋ ; ರಾಜಿನ ಘನಂಕರೋ. ¹⁸ ಬಾಯಾವೋ, ಘನೋಧಾಕೇತಿ ತಮಾರ್ ಮಾಳ್ಕೆನ ನವನ್ ರೋ; ಅಚ್ ಮನಕ್ಯಾನನ್ ಶಾಂತ್ ಗೋನೆಲೇನಜ್ ಕೋನಿ ಫಣ್ ಗೋನೆರ್ ಮನಕ್ಯಾನನ್ ಶಾಂತ್ ಗೋನೆವಾಳೆನಜ್ ಕೋನಿ ಫನ್ ಗೋನೆರ್ ತಮಾರ್ ಕೋಯಿ ಏಕ್ ಅನ್ಯಾಯೇತಿ ಭಾವೆತಿಪದಂ ಮೇಲಾನ ಶಾಂತಿತಿ ಖಮ್ತೋತೋ ಉಜ್ ಓನ ನಶಿಬ್ ವೇಜಾಯೇ. ¹⁹ ಕಿಮ್ ಕತೋ ದೇವೇಪರ್ ಭರೋಸೇತಿ ಚೊಜಕೋ ಮಣ್ಣೇರ್ ಗವಾಯಿವಾರ್ಡಿ ತಮೆಮಾ ಕೋಯಿ ಏಕ್ ಅನ್ಯಾಯೇತಿ ಭಾವೇತಿಪದಂ ವೇಲಾನ ಶಾಂ ತಿತಿ ಕಜಮಾತೋ ಊಜ್ ಓನ ನಶಿಬ್ ವೇಜಾಯೇ. ²⁰ ತಮ್ ದೋಷಕರನ್ ಮರಾಖಾವಜ್ಞಾ ದಿರೆತಿ ಖಮತೋ ಓತಿ ತಮೆನ ಕಾಯಿ ಮೋಟ್ಟಣ್ ಮಲಚ? ಪಾನ್ ಭಲಾಯಿ ಕರಣ್ ಭಾವೆತಿ ಪದಜನಾ ಡಿರೇತಿ ಖಮ್ಮತೋ ಉಉಜ್ ದೇವೇರ್ ಅಂಗ ಖಾಟರ್ ಛ. ²¹ ಎವರ್ಸ್ಜ್ ತಮ್ ಬಲಾವ್ ಚೊ ; ಕೀಮ್ ಕತೋ ಕ್ರಿಸ್ತು ಸಡಾ ತಮಾರ್ ವಾಸ್ ಭಾವೇತಿ ಪದನ್ ಓರ್ ಪಾಗೆರ್ ಖೇಮಾ ತಮ್ ಚಾಲೇನ ನಾಮುನಾನ ತಮಾವಾಸ್ ಚೊದೋಛ. ²² ಉ ಪಾಪ್ ಕಿದೋಕೋನಿ ಓರ್ ಮುಂದೆಮಾ ದೊಕೋಯಿ ದ್ಕಾಯೇಕೋ. ²³ ಓನ ಭಾಂದೇತೋಯಿಹೋತೋ ಬಂದೋಕೋನಿ ಭಾವೇಟಿ ಪಡೋತೋಯಿ ಚಮಕ್ಕಯೋಕೋನಿ; ಪಣ್ ನಿಯತೋತಿ ನೆವ್ ಕರ್ಜೆನ ಓನ ಊಜ್ ಹವಾವ್ ಕೀದೋ. ²⁴ ಅಪಣ್ ಪಾಪೇವಾಸ್ ಮರ್ನ್ ನಿಯತೇವಾಸ್ ಬಂಚೇನ ಓರ್ ಜಿವಡಾಪರ್ ಊಜ್ ಅಪನೆರ್ ಪಾಪೇನ ಶಿವಾಪರ್ ಪಾಲ್ಲಿದೋ; ಉ ಪಾಯೋಜಕೋ ಓರ್ ಘವೇತಿ ತಮ್ ವಾರುವೇಗೇ . ²⁵ ತಮ್ ಗಮಾಗಿಜಕೋ ಗೋಲಿರ್ ನ್ಯೆ ವೆತೆ; ಪಣ್ ಅಬ್ಬ ತ್ಮಾರ್ ಅತ್ಮಾವೂನ ಗೋಲಾವಯಾನ್ ಜತನ್ ಕರೆಲೇರ್ ಸಾಮ್ ಫಗರ್ಚೋ.