1 ಆದ್ಮಿರ್ ವಂತೆತಿ ನ್ ದೇವೆರ್ ಸೋಜಾರ್ ವಾಟೆತಿ ಮ ವಾಟೆಕರುತೋಯಿ ಪ್ರೇಂ ಛೆನಿಜಕೋ ರುತೋ ಮ ವಜಜಕೋ ಖ್ಮ್ಸೋನ್ ಜ್ಞ ಜ್ಞ ವಾಜಜಕೋ ಜ್ಹುಮ್ಜೆವೇನ್ ರಾಚು , 2 ದೇವೆರ್ ಅತ್ಮಾತಿ ಭಾರಾನ್ ವಾಟೆಕರೇರ್ ವರಮೆರನ್ ಸೇ ಬೇಡೆನ್ ಸೆಗೆನೆನ್ ಮಾಲಂ ವೇನ್ ರುತೋಯಿ ಗತ್ತನ್ ನರಾಜು ರುತೋ ಮ ಕಾಂಡುನಿ ಜಜಕೊಜ್ . 3 ಗರಿಬೆ ಪಾಲೇನ್ ಮಾರ್ ಧನ್ ಸೇ ದೇಡುತೂಯಿ ಬಾಳ್ ನಾಕೆನ್ ಮಾರ್ ಜಿವೇದಂ ಹವಾಲ್ ಕರಡು ತೋಯಿ ಪ್ರೇಂ ನರಾಜು ರುತೋ ಮನ ಪಾಯಿದೋ ಕಾಮ್ಯೋ ಛೆನಿ . 4 ಪ್ರೇಂ ಘನ್ ದಾಡ್ ಖಮ್ಮ ಛ ; ದಯಾ ದಕಾಳೆನ ಪ್ರೇಂ ಕಸರ್ಕರೆನಿ , ಪ್ರೇಂ ಪೆಟ್ ಪೆಟ್ ಬಾಲೆನಿ ಉ ಪೂಲೇನಿ; 5 ಮಾನ್ ಚೇನಿಜು ಚಾಲೇನಿ , ಓರ್ ಫಾಯಿದೋ ಉಜ್ ದೇಕಳ್ನಿ ಜಲ್ದಿರಿಸ್ ಕರೆನಿ ಕೆಡ್ ದಲೆಮಾ ರಕಾದೆನಿ; 6 ಖರಾಪ್ ವಾಟೆರ್ವಾಸ್ ಖುಷಿ ನವಜು ಸತೆಮಾ ಖುಷಿ ಕರಾಚ. 7 ಸೇ ಸಮಾಳಚ, ಸೆನ್ ವಿಶ್ವಾಸ್ ಕರಾಚ, ಸೆಪರ್ ಭರೋಸೋ ರಕಾದಚ. ಸೆನ್ ಖಮ್ಮಚ. 8 ಪ್ರೇಂ ಹಮೇಶಾರಚ್ಚ ; ಅತ್ಮಾರ್ ಪ್ರವಚನವಅಟೋ ಯಿ ಛೆನಿಜು ತಂ ಜಾಯೆ ; ವವ್ವ ವಾಟೆ ಥಮ್ ಜಾಯೆ ; ಸೀಕ್ ವಾಲೀ ಚೆನಿಜು ವೇಜಾಯೇ. 9 ಪೋರೋಮಾಲಂ ಕರ್ ಲಾಚ , ಔರೋ ಪ್ರವಚನ ಕರಚಾ 10 ಪಣ್ ಭರ ಪುಉರ್ ಛಜಕೋ ಅವಜನಾ ಪುಉರೋ ಚೆನಿಜಕೋ ಟಾಲ್ ವೇಜಾವ ಛ. 11 ಮ ಬಲಕ್ ರಾಜನಾ ಬಾಲಕೆರ್ನ್ಯೆ ವಾತೆಕಿದೋ ; ಬಾಲಕೇರ್ ನ್ಯೆ ಸೋಚೋ ಅಬ್ಬ ಮೊಟೊವೇನ್ ಬಾಲಕೇರ್ ಕಾಮ್ ಚೋಡ್ ದಿನೋ . 12 ಅಬ್ಬ ಕಾಚೆಮಾದೇಕಜು ಹಂ ದುಮ್ದಲರ್ ನುಯೇ ದೇಕರಚಾ ; ಜನಾ ಎಕೆರ್ ಸಮು ಏಕ್ ದೆಕಾಚಾ, ಅಬ್ಬ ರ್ಹೊದ್ಸೆ ಸೆಕಜ್ ವಲಕೂಚು; ಜನಾ ದೇವ್ ಮನ ವಲ್ಕಾತ್ರಾ ಮ ಪುರೋವಳಕೂಚು 13 ಹನುರೆರು ವಿಶ್ವಸ್ , ಭರೋಸಾ ಪ್ರೇಮಾ ಎ ತಿನ್ ತೇರಚ; ಎಮಾ ಸೇತಿ ಮೋತೋ ಪ್ರೇಮಜ್.