Chapter 11

1 ಮ ಕ್ರಿಸ್ತುರ್ ನ್ಯೆ ಚಾಲೋಜು ತಮ್ ಸದಾ ಮಾರ್ ನ್ಯೆ ಚಾಲೂ 2 ತಮ್ ಸೇ ವಾಟೆಮಾ ಮನ ಮನ ಹಾರದೆಲಾತೇ ಮ ತಮೆನ್ ದಿನೋಜಕೋ ಹರಕೆರ ನ್ಯೆ ಚಾಲ್ರೆಚೊಕನ್ ತಮೆನ್ ಮಾನುಚೂ ಮರದ ಕನ್ , 3 ಕ್ರಿಸ್ತುರ್ ಮಾತೋ ದೇವಕನ್ ತಮ್ ಮಾಲಂ ಕರೆನುಕೆನ್ ಅಸಾಕರೋಚು. 4 ಕುನ್ಸ್ಸಿ ಮರದ್ ಮಾತೆಪರ್ ಘಮ್ಗೋಗ್ಹಾಲೇನ್ ಅರಜ್ ಕೇರುಕೋನಿ; ನತೋ ಪ್ರವಚನ್ ಕರುಕೋನಿಹನು ಕರೆವಆಲೋ ಉ ಕ್ರಿಸ್ಥುನ್ ಲಾಜ್ ಕರೋಚ್ಚ. 5 ಕುನ್ನ್ಸಿ ಬೀರ್ ಮಾತೆಪರ ಘೋಗ್ತೊಟೋ ನವೊದಜು ಅರಜ್ ಕರಚ್ಕೋ ನತೋ ಕರಿಚ ಕಸ್ಸೇನ್ ಕತೋ ಓನ್ ಮಾತೋ ಸಮಾಲಿಡಿಜೇರ್ ಕಾಂಯಿ ಫರಕ್ ಛೆನಿ . 6 ಬೀರ್ ಪ್ಹೊಂಗೋ ಓದತೋ ಓರ್ ಮಾತೆರ್ ಲತ್ತಾ ಸಮಾಲೆನೂ; ಸಮರ್ಲೇನ್ ಬಾದ್ಕೀಮಾತೋರೇನ್ ಬಿರೇನ್ ಲಾರಾತೋ ಉ ಘುಮ್ಗೋ ಓದನ್ ರೇಣು. 7 ಮರಣ ವತ್ತೋ ದೇವೇರ್ ರುಉಪೆನ್ ಮಹಿಮಾ ವೇನ್ ಛ; ಜೇರ್ ವಾಸ್ ಮಾತೆ ಉಪರ್ ಲತ್ತನ್ ನವೋದು ಪಣ್ ಭಿರ್ ಮರದೆರ್ ಮಹಿಮಾ ವೆಂ ಛ. 8 ಕಸೇನ್ಕತೋ ಭಿರ್ ಮರದೆತಿ ಪೆದಾವಿ ಪಣ್ ಮರದ ಬಿರೇರ್ ವಾಸ್ ಪೆದಾವೋಕೋನಿ . 9 ಉಜ್ಜಿ ಬೀರ್ ಮರಧೆ ವಾಸಜ್ ಪಣ್ ಮರದ ಬಿರೆರ್ ವಾಸ್ ಪೆದವೋಕೋನಿ . 10 ಜೆರ್ ವಾಸ್ ದೇವೇರ್ ಸೋಜಾರ್ ಕಾನ್ ಹಾಕಮ್ ಸೇ ಬಿರೆರ್ ಮಾತೆಪರ್ ರೇಣು. 11 ಪಣ್ ಪ್ರಭುಉಮಾ ಬಿರೇತಿ ನಾಲಿ ಮರದಚೆನಿ ಮಾರದೆತಿ ನಾಲಿ ಬೀರ್ ಛೆನಿ. 12 ಬೀರ್ ಮರದೆಮಾಯಿ ತಿ ಕಮ್ ಪೆದಾವಿಕೋ ಹನೂಜ್ ಮರದ ಬಿರೆತಿ ಪೇದಾವೋ ಪಣ್ ಸೇ ದೇವೇತಿ ಪೇದಾವೆ. 13 ತಮಾಮಾ ತ್ಮಜ್ ಸಾಸ್ ಕರೋ ಬೀರ್ ಗ್ಹುಂಗಟೋ ನರಾಜು ದೇವೇನ್ ಅರಜ್ ಕರೆನ್ ಚಾಜೇಯೇ ಕಾಂಯಿ? 14 ಮರದ್ ಲತ್ತಾ ರಕದತೋ ಓನ್ ಲಾಜ್ ಕಣ್ ತಮೆನ್ ಕಲೇನಿಕಾಮ್ಯಿ? 15 ಬಿರೆರ್ ಮಾತ್ರೆರ್ ಲಟ್ತಾರಕಾದೆರ್ ಓನ್ ಸನಗಾರನ್ ಛ. 16 ಕೊಯಿತೋಯಿ ಲಡಾಯಿ ಮಾರೆವಾಲೆರ್ ನ್ಯೆ ದಿಸಾವತೋ ಹಮೆಮಾ ದೇವೆರ್ ಸಭಾಮಾ ಅಸ ಚಾಲ್ ಛೆನಿಕನ್ ಉ ಮಾಲಂಕರ್ ಲೇಣೂ. 17 ತಮೆನ್ ಎ ಹಕ್ಮೆನ್ ದೇತೋ ತಮೆನ್ ಮಾನುವಿ . ತಮ್ ಭಾಳನ್ ಅವೋ ಜಕೋ ಘನ್ ಭುಂದೇನಜ್ ಪಣ್ ಘನ್ ಭಲಾಯಿನ್ ಕೋನಿ . 18 ಅಗದಿರ್ ವಾಟ್ ಕಾಮ್ಯಿ ಕತೋ ತಮ್ ಸಬಾಲೋಚು ಎ ತ್ಹೊದಾಸೆಕ್ ಸಾಸಿಜ್ ನ್ ಮಾನ್ರೋಚು. 19 ತಮೆಮಾ ಅವ್ಹ್ ಆದ್ಮಿ ಕುನ್ ಕೆನ್ ಮಾಲಂವೆವಾಸ್ ತಮಾ ಮಾ ನಾಳಿ ನಲಿ ರೆರ್ ಜರೂರ್ . 20 ಪಣ್ ತಮಸೇ ಭಾಳನ್ ಅವತೆರೋಜನಾ ತಮ್ ಪ್ರಭುರ್ ರಾಟೆರ್ ಖಾನೋ ಖಾಯೇರ್ ವಂಗಾಯೇನಿ. 21 ಕಸೆನಕತೋ ತ್ಮ ಉ ಖಾನೋ ಖಾವಜನಾ ಎಕ್ಕೆತಿ ಏಕ್ ಉನೇರ್ ಅಂಗ್ ಓಜ್ ಓ ಖಾನೆನ ಖಾರೆಚ; ಏರ್ವಾಸ್ ಎಕ್ಲೊಂ ಭೋಕೆ ರಚ್ಚ ಎಕ್ ಪೈಲನ್ ನಿಸಾವಆಲೋ ವೇನ್ ರಚ. 22 ಖಾಯೆ ಪಿಯೇನ್ ತಮೆನ ಘರ್ ಛೆನಿಕಾಮ್ಯಿ ? ದೇವೇರ್ ಸಬಾನ್ ಇಂಕಾರ್ ಕರಣ್ ಗಡಿಬೆನ್ ಲಾಜ್ ಕರಾಜು ಕರೋಚೊ ಕಾಂಯಿ ? ಮ ತಮೆನ್ ಕಾಂಯಿ ? ತಮೆನ ಉಮ್ಚೋ ಪಾಡು ಕಾಂಯಿ? ಈ ಖಬರೆಮಾ ಉಂಚೊ ಪಾಡು ಕಾಂಯಿ? ಈ ಖಬರೆಮಾ ಉಂಚೊಪಾಡುನಿ. 23 ಮ ತಮೆನ್ ಮಾಲಂಕೀದೋಕೋ ಭೋದಾನ ಪ್ರಭೂ ತಿ ಲಿಡೋ ; ಉ ಕಾಂಯಿಕತೋ ಪ್ರಭು ಯೇಸು ಉ ಹವಾಲ್ ವೆಗೊಜಕೊ ರಾತ್ ಏಕ್ ಬಾಟಿನ್ ಪಾಲ್ದೆನ್ ವಿಂತಿಕರನ್ . 24 ಓನ್ ತೊದನ್ ಈ ತ್ಮಾರ್ವಾಸ್ ತೋದೋಜಕೋ ಮಾರ್ ಜೀವ್ ಮನ ಹರ್ದೆಲಾಯೇನ್ ಎನ್ ಕರೂಕನ್ ಕೋ, 25 ಹನುಜ್ ಖನೋ ಖಾಲೆದ್ ಜೇರ್ ಪಚ್ಚ ಕಚೋಲಿನ್ ಪಾಲೆದ್ನ್ ಈ ಕಚೋಲಿ ಮಾರ್ ಳೋಯಿ ತಿ ವೇಗೋಜಕೋ ದೇವೇರ್ ನವೋ ಕರಾರ್ , ತಮ್ ಏರ ಮಾಯಿರ್ ಪಿವೋಜನಾ ಮನ ಹಾರದೆಲಾಯೇನ್ ಎನ್ ಕರೋಕನ್ ಕೋ. 26 ತಮ್ ಇ ಬಾಟಿನ್ ಖಾನ್ ಇ ಕಚೋಲಿಮಾ ಪಿವೋಜನಾ ಪ್ರಭು ಅವಜೆಲಗು ಓರ್ ಮೋತೇನ್ ಫೆವೋಚೊ. 27 ಜೇರ್ ವಾಸ್ ಕೋಯಿತೋಯಿ ಪ್ರಭುರ್ ಬಾಟಿನ್ ಬಣಾ ಚಾಜೆವಾಳೋವೇನ್ ಖಾವಚೋ ಓರ್ ಕಚೋಲಿಮಾ ಪಿಯೇಛಕೋ ಉ ಪ್ರಭುರ್ ಜಿವಾದನನ್ ಳೋನ ಹಲ್ಲೋಕರೆವಆಲೋ ವೆಜಾವಚ. 28 ಜೇರ್ ವಾಸ್ ಹರ್ಯೇಕ್ ಆದ್ಮಿ ಓರ್ ಉಜ್ ಪರಿಚೋಕರೆನ್ ಓ ಬಾಟಿನ್ ಖಾನ್ ಓ ಕಚೋಲಿಮಾ ಪಿನೂ. 29 ಪ್ರಭುರ್ ಜಿವದ್ದ್ ಕಣ್ ವಿಚಾರ್ನ್ನಾಕರುಜು ಖಾಯೆಪಿಯೇವಆಲೋ ಹನುಜ್ ಖಾವಾ ಪಿವಜೆತಿ ನೆವೇರ್ ಸಜಾಪಾಳಚ. 30 ಜೇರ್ ವಾಸ್ ತಮೆಮಾ ಘನ್ ಆದ್ಮಿ ಕಮ್ ಜೋರೇವಾಲನ್ ರೋಗೇವಾಲ್ವೆನ್ ಛ ಘನ್ ಆದ್ಮಿ ಮರ್ಗೆಜಾವಚ. 31 ಪಣ್ ಅಪನೆನ್ ಅನ್ ಪರಿಚೊಕರತೋ ದೇವೇರ್ ನೆವ್ ಲಾನಿಜು ರಚ. 32 ಅಪಣ್ ಪ್ರಭುರ್ ನೆವೇರ್ ಸಜಾರ್ ಮಾಯಿರೆನ್ ಉ ಏನೆನ್ ಜಗತಿವುನೆರ್ ಸಾತ್ ದೊಷೆವಾಲ್ ನಿಯಮ ನವೆನು ಕಣ್ ಅಪನೇನ್ ಸಜಾದಚಚ. 33 ಜೆರ್ ವಾಸ್ ಮಾರ್ ಭಾಯಿಯೋ ಖಾನೋ ಖಾಯೆನ್ ತಮ್ ಭಾಳನ್ ಅವೋಜನಾ ಏಕರ್ ವಾಸ್ ಸ್ಕ ಗಾಸನ್ ರೋ 34 ತಮ್ ಭಾಳನ್ ಆಯೇಜೇರ್ ಕಾನ್ ತಮೆನ್ ಸಜಾ ನಆವಾಜು ಏಕ್ಕ್ಲ್ಮೋ ಭೋಕೆತಿ ರತ್ತೋ ಉ ಓರ್ ಘರೆಮಾಜ್ ಖಾಯೆದ; ವಜ್ಜಿ ಲಾರೆರ್ ವಾಟೆ ಮ ಅವೊಮ್ಜಾನಾ ಸಮೋರ್ ಕರುಚು .