1 ቤ/ክርስቲያን መልእክ ኢኩ በልም ጸፍ ፡- ‹‹ ኢሂሚ ሰብተሚ በቀኝት ቢንዜይዋ በሰብቲ የወርቂ መቅረዘዙ ግት ቢይትግረገበሌይ የወለሄይው፤ 2 ብለሄይ ጥረተሄይ ዩፍረከሄይ ዬችልነሁ በዱይ ሊይትፈርኮም ያልፈጪሄይሁም ሐወሪያት ተይሆን ሐዋርያትነኑ ዬቡለሌይ መርምር ዎርዱቴኛ ሆኑም ያገኚሆሙይ ዬችልነሁ፤ 3 ቦፍረክ ቦቀነንሄይ ስለ ስሚያይ ኢፈት ተተን መከረ ዩቄበለትህ ዬችልነሁ፤ 4 ዬሁን በቀረኒ ሀድ ዬቅርብሁሎሂይ ስናን አሌኞ፤ ኢሂሚይ ዬቀደሜይ ፍቅረ ሄይ አደከማ፤ 5 ቦውደቅህ ቀደም በኚ ዬነርሄይሁም ኤክስ፤ንስሐ ግብ፤ ለቀደም ትስኔይ ዬነርሄይይ ብለሄይ ሰን፤ ኢሂኔይ ሁለምኒ በሰን አህሚ ዬሀተነት ዬመጠሁ፤ ንስሐሚ በልግበህ መቅረዘሄይ በውደይ ያነቀሁ፡፡ 6 አህሚ ያትሚሲገነህ ሀድ ስናን አሎ፤ ኢሂሚ ኤያ ዬጠለይያሎሂይ ዬነቆለውያኔይ ብል ጠለሀማ፡፡ 7 መንፈስ ለአብየተ ክርስቲያነቲ ዬብለሌይ ዬሰመል እዝን ያሌይ ዬስሙ ! ዮጦኛት ብግዜር ገነት ውስጥ በሌይ በሕይወቲ ህንጤት ፍሪ ዬበለሌይሁም ዬስኒየሎሁ፡፡ 8 ቤ/ክርስቲያን መልአክ ኢኩ በልም ጸፍ ‹‹ ኢሂሚ ዬቀደሜይ የመጨረሸይ በሀኔይ ሙተን ለነሬይዋ ሕያው በሀኔይ ዬትወለሀኑ፤ 9 መከረሄይዋ ድህነቺሄይ ዬችልነሁ፣ ዬሁን በቀር ድመምነሆ፤ ይሁደዱ ተይሆን አይሁደዱነኑ ዬብለል፤ ዬሴይጠን ሀድነት ዬሆን ስመምሄይ ያጦፊይሁም ዬችልነሁ፤ 10 ለቀደም ዬጂጅብሀሌይ መከረ አፍር፤ ዩህ ሊቱፎቶን በሀቱም ሀደደኖም ዲያብሎስ ይግዳት ጋር ኦገን ያገበሁማ፤ ዐሥረሚ ቀኒ መከረ ቲቂቦሎሁሞ፤ እስከ ሞተሚ ድረስ ታማኝ ሁን፤ ዬሕይወተሚ አክሊል ዩበሀሁ፡፡ 11 መንፈስ ለአብያተ ክርስቲያነት ዬብለሌይ ዬሰመል እዝን ያሌይ ዬስሙ ! ‹‹ ዩጦኛት ዬሀነኒ በሆይቴኛይ ሞት አይትጐዱ፡፡ በቀቺይጊ ደጉ ቤያ ዩመንሄይ አልደግሆ፡፡ 12 ለጴርገሞን ቤተ ክርስቲያን መልእክ ኢኩ በልም ፃፍ፡- ‹‹ ኢሂሚ በሆይት አገን ስለቲ ያሌይ ሰይፍ ቢንዜይይ ያወለሄይው፤ 13 አተ ዬሴይጠን ዙዳን በለቢይ አውደ ዩንበረሄይ ዬችልነሁ፤ ዬሁን በቀር ሰማይ አጠበቅሀንም ኢንዝሀማ፤ ሃይመኖተሄይ አልከድሆ፤ ታመኝን ምስክረይ ዬነሬይ አንቲጰስ ሴይጣን ቢይነብርቢያሌይ በሀቱሙይ ከተማ 14 ዬሁኑ አህሚ ዬቅርብሀሌይ ሀደድን ስናን አሌኛ ፤ ኢሂሚይ የበለዓምኔይ ትምህርት ይንዚይ ሀደድ ሰብቸ በግቱም ኦሉማ፤ ኢሂይ በለዓም ይስረኤል ኡመት ለጠዖት ዬትጉሬይ ቦብልትዋ ዝሙት ቦሰን ዬሱኖኮ ለልሁም ባላቅን የመኸሮ፡፡ 15 ኢኩም ዬኒቆለውያነኑይ ትምህርት ይንዚይ ሰብቸ በግትኑሁም ኦሉማ፤ 16 ለሀኔይ ንስሐ ጉቡ ለልሀነሚ ቦፍጠን ዬሀተን ኦገን ዬመጠም በአፈይ በዩጠሌይ ሴይፍ ያጆሁማሁ፡፡ 17 መንፈስ ለአብያተ ክርስቲያነኑ ዬብለሌይ ዬሰማል እዝን ያሌይ ዬስሙ! ዮጦኛት ለሀነኒይ በሺሚይ መና ዩቤይሎሁ፤ ወይረ ስም ዬፀፈቢይ ጐመረ ኡሙን ዩቤይሎሁ ፤ ቢይቲቂበለሌይ በቀር ኢሂኔይ ሲለ ሀደምኒ አይቹሉ፡፡ 18 ቤተ ክርስቲያን መልአክ ኢኩ በልም ጸፍ ኢሂሚይ ያጂረ ልብልበት ዬሞሱለል ኢን ቦሊይዋ በጂረ ስቀሰቀም የነጠር ነስ ዬሞሱለል እንግርቸ ቦሊይ ብግዜሪ በው ዬትወለሆ፤ 19 ብለሄይዋ ፍቅረሄይ እምነተሄይዋ አገልግሎተሄይ ቦፍረክ ዩጥበበቀሄይ ዬችልነሁ፤ያንጪይ ብለሄይ በቀደሚ ዬበልጠሌይሁም ዬችልነሁ፤ 20 ዬሁኑ አሚ ሀድ ዬቅርብሀሌይ ስናን አሌኞ፤ ኢሂሚ ነቢይት ኖሁ ትብለለቲይ ሴት ኤልዘቤልና ችለ በሀም ፈረከመ፤ ኢት አገልጋይያይ ዬሴሱነሌይሁምዋ ለጠፆቴይ መብል ዩቦሊያሌይሁም ቦዋትማር አሰሰቶሙ፡፡ 21 ንስሐ ትገበለቲይሁም ጊዜ አፐው፤ ኢት አህሚ በዝሙትዋ ንስሐ ዩግበትን አልፈጨቱ 22 ኢሂይ ለሀኔይ በሥቃይ አልጋ ደር ዬጥለሎሁ፤ ቴይት በድ ተሦሪይ ተበዱይ ብልኖሚ ንስሐ በልጉቡም በልጉሮጐብ በቀር ቴይት በድ ያምኖዞሪሚ ሁለምኖም ጠበቁ ሥቃይ ያመጠቦሙሎሁ፤ 23 ቢያቸምነ በሞትን ዬቀጠሁ፤ አብያተ ክርስቲያነትሚ ሁለምኒ የሰቤይ ሐሰብም ዬቆለጥ ዬምረምረሎህ ኤያ ዩሐነይ ዬቹሎሎ፤ ለያንደንድኖም ዬብለኖምሁም ዩቦሙሎሁ፡፡ 24 በትያጥሮን ለሎሁሜይ ኢሂኔይ በዱ ትምህርት ለልቲቂበልሁሜይ ሉምሁም ኢኩም ሀደድሁም ያሴይጠን የሺም ሚስጢር ዩቡለል ለልቲሂተልሁሜይ ሊለ ዮጦረት አልጥንቡሁም፤ 25 ቢይሀንሚ ኤያ ሊልመጠጊ ድረስ ያሎሁሜይ አጥቡቁም ኤንዞ ዬብሎሁማሁ፤ 26 ዩጦኛት ለሀነኒይ በብልሚያይ ደር እስከ መጨረሸ ለቀነኔይ በኡመቲ ደር ሥልጠን ዮቤይሎ፤ 27 በብረትሚ በርት ዩቦሙሎ፤ የሸህለ ዕቃሁም ዬቅጠቅጥም ያጠሆሙሎ፤ ኢሂሚይ ሥልጣን ኤያ በአበያይ ዬቂበልሂ ዐይነቱ፤ 28 ዬዘኛተሚ ኮከብ ዩቤይሎሁ፡፡ 29 መንፈስ ለአብያተ ክርስቲያነት ዬብለሌይ ዬሰማል እዝን ያሌይ ዬስሙ!