11

¹ ታ ናንሲ ባርያ ዛርስንም ጋርዲው? ሃማንቴና እኦሳይ፤ ካላኻሞ! እንታኻሞ እባራንካ ብንያም ብዛ፣ ኣብራሃም ብዛስ እስራኤል ኤድና። ² ባርያሳ ብራንቴ ዛርስን ዼሳዻዶንም እንታ ኬም ቶዛዽማሞ። ኤልያስ እስራኤልናም ባርያዛራ ክዻብንሻዶንም፣ ዎርቃቲኖ ክሳ ዬር ኮጌያዶንም ዬቲይ ዼሳዬው? ³ "ጌጳ፤ ኤና ኣና ሃሳ ኣፖን ጌያይናም ኬዴስዲና፤ ሙልዻን ይንግዶር ሃናንቴ ቆሌን ታኻዻይንምካሞ ኬ ኮስዲና እንታ እዻር ሺዽዲና እምካሞ ዴሳናንቴና ኬዛጋይ ክያማዃ። ⁴ ኮዶን ባርያ ሃር ሃማንቴ ክማሳዴ? “ባኣልናንቴ ኤና ኮንፓርሳድምና ሺ ፆጳናም እንታ እናንቴ ሽእሽዲና።”

⁵ ዋዳን ኮኻኻሞ ኦጎንታ ባርያሳ ናሽማንካ ኤና ካማዻዳና ዳይድና። ⁶ ታ ናንሲ ናሽማኻ ኮዳና ዋድማኻ ትማሞ፤ እኒ ዋድማኻ ኮዳና ናሽማኖ እኒ ናሽማ ትማና ኮሽዻይ። ¹

⁷ ታ ናንሲ ሃርቴ? እስራኤልና ዋቻዻንቴ ይዛጋዳም ሃፓድማሞ፤ኮዶን ኤና ካማዻዳና ሃፕዲና፤ኤና ሽዻዳና ኬሳ ዎይላምኖ ሹፕምዲና፤ ⁸ ይንታ ሃማንቴ ኡካዳዳግያ፤

“ኣፕኖ ኬሳ ሃፓን ኮጋሬኻናንቴ፣

ኬሳ ቃሞኖኻሞ ኤሳራን ኮጋሬኻናንቴ፣

ሮራ ካዛራ

ባርያ ኬዛራ ራት ባእዲና።”

⁹ ዳዊትካሞ ይንታና ክያማዶ፤

ኬሳ ዳኣንኖ ኛውኖቤ ዛኒቤ፣

ዱርምቤ ዬር ኬም ዻያቤ ኮማቴ።

¹¹ ፕር ማታቴ ኬሳ ዻቃ ጋራዛራ ኬ ካይድው? ሃማንቴ ፕር ኦይሳናእኦይሳይ፤ይንታ ትማሞ፤ኦጎናንቴ እስራኤልናንቴ ዻዋናንቴ ኬሳ ሴሶንካ ሃማንቴ ዻቆኖ ቶርስናናንቴ ናእዲና። ¹² ኮዶን ኬሳ ሴሶኖ ፔን ናንቴ ዻቆ ኮባኣዳና፣ ኬሳ ጱፃሞኖ ሃሞንታ ዻቆ ጌጲ ባኣያቴ?

¹³ ቶርስናቶ ዬናንቴ ጌያናእጌያይ፤ቶርስናናንቴ ይእሳዻዳ እዶንታኻ ዋድማን እሳም ዋቻዻንቴ ኣሽካእኣሽካይ፤ ¹⁴ ኣጋኻሞ ኤና እና ኬያፔኻናንቴ ዻጳንቴ ኬግዶር ዋኒም ዻኣሻናንቴ ቃባንቴና። ¹⁵ ኬጋራዶኖ ፔንናንቴ ቃሽ ኮባኣዳና፣ኬም ይንካ ቻዻዶኖ ዴንጲባራ ዻጳዻዳግያና ኮዶ ሃንዻያሳ ኦባራ ዳ ሃርቴ? ¹⁶ ቡካንሳ ብራና ጫራጚ ኬዳና ቡካኖ ፓይላ ጫራጚና ሃቃስሳ ጫጭኖ ጫራጊ ኮዳና፣ኣንትናኻሞ ጫራጚና ኬዳይ።

¹⁷ ሃቃስሳ ኣንትና ግዶር ዋኒ ኬኣዳና፣ያኻሞ ዎይራስ ዳራንጋንታ ዳንቴ ኣንትና ዋኒ ማላ ኪም ሃሳኻዳናቤ ዎይራስሳ ጫጭሮኻ ዋኣትና ውታይናም ሃያፓያዳና፣ ¹⁸ እንትና እግናዛራ ሃፖኻርናኖ። ኮዶን ሃፖኻርና ዬር ካላም ዼስማ፤ያ ጫጭን ባስክስማሞ፤ኮዶን ጫጭኖና ሃም ባስክሳይኖ። ¹⁹ ታ ናንሲ ኣንትናሳ ይንናንቴ ኣዻዶኖ እንታ እኣርዴኻናንቴና ኬዳ ሃማይ። ²⁰ ጎንዼና ኬ ይንናንቴ ኬኣዶኖ ኬኣምንድሞንታኻና፤ያኻሞ እምነትንካ ዎይዲና፤ኩርትንዽማ ሃፖኻርናኖ። ²¹ ባርያ ሃቃና ይዎዳዳና እግናናንቴ ይቡርቃዻድምና፣ ሃናንቴኻሞ ቡርቃዽማሞ።

²² ታ ናንሲ ባርያሳ ፃላሞንቤ ዛርባምንቤም ሼድማ፤ክሳ ዛርባሞኖ ኤና ራስዛራ ማታዳናዛራና ኮዶ፤ኮዶን ክሳ ፃላሞኖ ክሳ ፃላሞሮ ሃሳ ዳዛራ ሃናንቴና፤ኤይኤይ ሃምና ሃምካሞ ታኻናታኻዻይ። ²³ ኬኻሞ ይኣምናድሞን ይጋርናይ ማታቴ ኣርዳናኬኣርዳይ፤ ባርያኻሞ ኬም ማሳቴ ኣርሳዻን ቻላናክቻላይ። ²⁴ ዬቲ ዎይራና ቃውሮን ዳና ዳንቴ ዎይራና ሞሮን ጋይና ፃሊና ግዶር ዬኣርዳዳና ሞሮን ጋይና ዎይራና እግና ይሳ ራቅናዛራ ማታቴ ሃርቴ ኬኣርድሞኖ! ²⁵ እንና ናናቶ ውቲ ዬርን ዼስዳናና ሃማንቴ ዬቲ ማይሻና፤ዬራ ሃላ ካም ዼስማ ዬሽዼኻናንቴ እንታ ዛግማሞ፤ቶርስኖ ፓይላ ባርያዛራ ኮሳ ማታዛራ እስራኤልናሳ ባኻላ ካያሞና ኬዳይ። ²⁶ ኣጋታኻ እስራኤልና ፓይላ ዻቃናኬዻቃይ፤ይንታ ሃማንቴኻሞ ኡካዻዳግያ፤ዻኣሻያ ፅዮንባራ ውታናክውታይ፤

ያዕቆብባራኻሞ ዛርባሞን

ቡላናክቡላይ።

²⁸ ኣፖን ሃሊንካ ማንቴ ዬሳ ኬ ጋልና፤ ኮዶን ካምንቶን ጎይንካ ዳና ዎምባናኻ ሃማንቴ ኬ ዎሳ ናሻጲና፤ ²⁹ ባርያሳ እምንቶሮቤ ግስሞንቤ ባራ ዛርቦ ቆልማሞ። ³⁰ ዬቲይካሞ ኣና ብራን ባርያናንቴ ዬኤሳሪማግያ፣ ኬኻሞ ኬኤሳሪዲማኻ ሃማንቴ ባርያሳ ፃለሞን ዬያፓዳግያ ፓይላ፣ ³¹ ባርያ ዬናንቴ ፃልን ክያያዳኻ ሃማንቴ፣ ኬኻሞ ፃልን ³ ሃፓናንቴ ታ ናና ኤሳሪምና ማቲዲና። ³² ባርያ ኤና ፓይላ ውሊናንቴ ፃሊን ሃያናንቴ፣ ኤና ፓይለ ውል ክናንቴ ኤሳራን ኬጋሬኻናቴ ሃይዲና። ³³ ባርያሳ ሃማሞንቤ ክሳ ዼስንታንቤሳ ዎዲማሞኖ ካሎን ⁴ ሃሞንታ ፄርቴ!

ብቶን ክሳም ዬክንሳጲማሞ፤

ጎይን ክሳምኻሞ ኤድ ጫጋያ ቆልማሞ!

³⁵ “ባርያ ማሳቴ ክእሜኻናንቴ፣

ባርያናንቴ ብዲርሳዳ ሃውቴ?”