1 1 ኢየሱስ ክርስቶስሣ ጳኪንኤያ ጳውሎስቤ ሐርያስ ኪሣ ጢሞትዮቤ ወናሽይና ዎርያና ዎለማኪንካ ዎድማን አሽካይ ፋሊምናንንቴ፡፡ 2 እናናንቴ አፋብያ ናንቴ እለማ አና ኪንካ ዎታደርቴ ደናንቴ አርክጰ በቤትህም ግደር ደኖ ባርዩን አኖንናንቴ 3 ባርያ ወንባ ጌጰ ኢየሱስ ክርስቶስሣ ፀጋንቤ ፃሊንቤ የናንቴ ኮዴ፡፡ 4 ሐም ሮሮውሊ ፃሎትንካ እቃባያ ዎደስካካም ባርናንቴ ጎሽን እማይ፡፡ 5 ሐያንቴካም ጌጰ ኢየሱስ ዛራ ዎሣ ደኖ እምናትኖ ጫራግናናንቴ ካ ፋይለ ናሽማን ዎሳደናም ኤሣርድና እንታ፡፡ 6 ኢየሱስ ክርስቶስባራ ደኖ ሮሮ ፃሊኖ ውሊካ ኪኬሊሸይንካ ሐማንቴ እምነታን ሐሣካም ዎንናንቴ ዎካሽይንታካ ኪአሽኬካናቴካም ፃሊያና እፃሊያደ፡፡ 7 እናናሣቶ ኤና ጫራግናሣ ወይለምም ቃጅሽድና ናሽማንካካም ዎዛ ጌድቤ ሌምንታቤና እያፋደ፡፡ 8 አጋታካ አሽካናንቴ ሐቃባደናካም አሽኪማ ሐማንቴ እአዛንካ ሐማንቴ ኢየሱስ ክርስቶካ እሣ ድፋራት ከደና ፃሊን ኮደይ፡፡ 9 ሐም ፃሊንካ አምስካይ ሐያንቴካም ኤናጌቾናቤ ታሀ ፉርካም ኢየሱስ ክርስቶስካ ሐማንቴ ጳካጰደ እንታ ጳውሎስ፡፡ 10 12 ጳኪን አኖሮ እደካ ኬአጰደ ናሣ ካም ኪናንቴ ሐማንቴ አኒሲምስም ምስካና እምስካደ፡፡ 11 ብርሣንቴ ካም ጠቅማያ ካም ኪም ማሣቴ ሐዛራ ደሣና እደሣደ፡፡ 13 ወንጌሊንካ ሐማንቴ እጳካጰደን ዎደንካካም ራቃ ሐንታሮ ደንቴ ኪግሊግሌካናንቴ እንታ እባራንካ ዛግድና ኪም፡፡ 14 ሐያንቴካ ያሀ ሐአሽካኖ የሮ ፃሊኖ ውሊም ኮሣካም ፃሊንካና ኸአሽካይ ግድካትማም ሐም እኪሊማካም የር ካለካ አሽካናንቴ ካም ያሀ ዛጋድማሞ፡፡ 15 ምናሊባት ሮሮ ቄታግሮ ሐካለንካ የአዳም ማሣንቴ ለይ ኪዴካናንቴ ሐንካካ ሐማንቴ ኪም ሐካፋሲካናንቴና 16 አጋካ አራ ካስግያ ደንቴ ትማም ካስናሣ ጳባራ ደንቴ ናሽጲ ሐርያና ኖሆ እሣካም ናሽጲናኖ ሐናንቴ ፉር ብሽይሣካም ጌጰሣ ካሎን ናሽጲና፡፡ 17 ሐያንቴካ እምካም ይሣ ባስኪናሦግያ ሐያንቴ ኬሼያደና እም ሐቻያግያ ሐያንቴ ካምካም ቻማ፡፡ 18 ሐም የር ይንካ ኪጨቃዳ ኮደናካም ሐሣ ብድር ኪዛራ ኮናካም እዛራ ማስማ፡፡ 19 እንታ ጳውሎስ ኪናም እንእሣካ ፃፈና እፃፋይ ደንግደር ኪደንናንቴ ካም እንታ ካሽና ኢካሻደ፡፡ ያሀ ሐባራንካም እንት ሐደናካ እንታ ካለካ ጴለቅስማም፡፡ 20 እናናሣቶ ባርያካ ሐዴካናንቴ ካም እንታ ዘጋና እዘጋደ ኢየሱስ ክርስቶካ ወይለም ሐሣካም ቃጂሽማ፡፡ 21 ታዛጅ ሐደንካም ታማምናንቴ አይሣን እጋሬ አጎሣ ጳባራ ጴሣናንቴካም ፃፋና እፃፋደ፡፡ 22 አገሣ አብካም ፀሎትኖ እሣ ማሊስ ከሐፋደና የዛራ ናአናንቴካም እቃባደንታካ ደንግደር እውድማያ ራቅካም እናንቴ አሽኪማቴ፡፡ 23 እለማ ኪንካ ኢየሱስ ክርስቶስናቴ ሐማንቴ ጰኪሮንደ ኤጳፍራካም የሣ ሆፎ ቻይድና፡፡ 24 ሐያንቴካም እማኪንካ አሽከይናም ማርቆስቤ አስጥሮከስቤ ዴማሰቤ ሉቃስቤ ካም የሣ ሆፎን ቻይድና 25 ጌጰ ኢየሱስ ክርስቶስሣ ናሽማኖ መንፈስን የሣለማኪንካ ኮዴ፡፡