¹ 1. ኢየሱስ ክርስቶስሳ ዋድ ማንኢንቤ ያዕቆብሳ እንደናሳ የሁዳ ግስን ጰዳናቤ ባሪያ አባሳ ናሽጰዳቤ ኢየሱስ ክርስቶስካ መክጰዳና፡፡ ² 2. ሴስንገራንቶንቤ ፋሽንቶዳንታበ ናሽማቤ ከደያያላማ፡፡ ³ 3. እያሪያናቶ ክንዳ ቴወካሻይን ጰቆንገይ እካደን የናተ ጐጰና እዛገዶሆ ይያማይን ካፎ ገዛና ካባናቤ ቱስንዘራ እንጰዳህ ዎቸጰድ ዋቼ ንጰንቴ እካዶና ግድ ማትድና፡፡ ⁴ 4. ፍጉድጴሳ ቢራሮ ኮጰቤንሸንባራ ጽፍጰዳኖ ዋንዋንካሞ ኤና አጰማንቴ የዘራ እሪድና ክካሞ ኩሪትጵድና ባሪያንም ቆልምና ጌጴሳ ናሽማንም ዘሪማራ ሐያንቴ ሸዳይናቤ ክም ሶጐ ጌጴውል ጰባራንዳ፡፡ ዎሳሳጋቤ ጌጰዳህ ኢየሱስ ክርስቶስም ውትጰስማሞ ለማይይና፡፡ ⁵ 5. ካላካም ፍሪ በሳንቴ ከም ፓይላ ይንካየጰሳያ ኮዶንካሞ ጌጴ ዘሪሳን ግሰፅ ፔንባራ ሐሳሐንቴ ክቡላዶን ፍሪ ክንጰሲምናም ክካይሳዶን የናንቴ እጰቅሳናቴ ናሽናካ እናሽና፡፡ ⁶ 6. ጌጰሞን ዋድማንም ዎያንቴ ይካላጵፎ ናዎ ክያማይን ካፎ የሳዴንታንም ጋራዳና ኤሪጐን ኤና ላይካሞ ጰክንዘራ ጌጶንም ጰብፀበፀም ሮራዘራ ስትንካ ካለድና፡፡ ⁷ 7. ይንታካሞ ሰዶምቤ ገሞራቤ በቶሮጉዳና ክሳ ከተማና ቡላምቤ የሪዎጵደሳ ኦባራ ደናም ዘራን ፎትሞናቴ የምሳስካቴ ኬእማዶ ኬካፎ ላይደንታ ኖሮጐ ጰቢንሸንጋሎን ጋልቴን ዳዳሳ ጰይንሶ መትድኖ፡፡ ⁸ 8. ደንታን ኮሻ ክና ሐይማን ሐይማጰይና ዜራንይኖን ጰቢድናቴ ጌጰፎንም ጋሪድና ፓላሮ ጐሽንካ ደናም ፍጀጰጰናም አራና ክእራይ፡፡ ⁹ 9. ኤሪጐ ኤናሳ ጌጴ ሚካኤለ ካውል ሙሴሳ ዋንናቴ ሜሻማላ ክንካ ይዜሪማዳካ ጌጴ ክአሻ ሐም ሐሣዳ ፍራእሪም አለቅ ገየድማሞ ቤሪንሳዳና እንታ ጰቢንሸማሞ፡፡ ¹⁰ 10. ኤና ክና ይያማይን ኬጰሲማ ኤላቅ ፓይለም እሪሞንከአሪማ ማሲካሶ ቆልማጊያዳና ዳስና ጊያ በደመ ሳደ የጰሳደህ አላቅ ካያናኮካያይ፡፡ ¹¹ 11. ሐይቶ ቃየንሳ ጐያኸ ያእድና ከይሳናቴ ግባዘይና በላዓምሳ ሴሶን ዛራ ደንድና ባቆሬሳ ቶዛሞ ንዛራ ካይድና፡፡ ¹² 12. ኤና ክናሳናሽማና ደግሲንምዛራ ዶኖ ካለካሽ ኩሪትሞ የለማክንካ ጸዳንቴ እሳይና ኤላቅን ዘሪቦንካዳና ሐያንቴ ካሞ ይጰሪሶጐ እፅማይና ጊሸሞን ኬናና ኬካሞ ሳደን ይቃይና ዶቦ ቆልምና ሱፍናና ባሪግን አሪፍና አፍንም ካምና ሐፋጲም የሳሲራባራ ጰሳንቴ ለማግያ ጀዳና ሐቃናናና፡፡ ¹³ 13. የሳ ዛሪቦን ዱምን አቼንደንግያ ፍይዳጳዳና ሌኤንቱልማይንም ሶትጺፍድል ላይካላያ ጋሎን ኢዝንና፡፡ ¹⁴ 14. አዳምካ ካሪሳንቴ ፅጴሳ ሄኖክ ኤናክና ጋንታም ይንታ ሐጋታ ሐማንቴና ኬገያዶ ዩትክና ጌጴ ርቆሞኖ ማላክካ ናአናክናአይ፡፡ ¹⁵ 15. ኦጐኖካሞ ኤጅን ፓይለዛራ ጰባምን ካናቴና ኮያማይኔ ካሞ ጋሮንኤና ፓይላ ጐይንቆሮንካ ኬአድካይን ዋድማን ዘሪቦንቤ ወይላምንካ ክዛሪቦ ቃባንቴ ኬገያዶና አሪም ኤላቅን ፓይላ ሴሶንም ኬሳ ይፍ ሐያናቴና፡፡ ¹⁶ 16. ኢና ክና ኬጐንድማይቤ ዋንካም ኤናም ቤሪንሳይናና ዘሪባቃባኬሳምና ከጫጋይ የዘራ ይታበያሉ የለሐፍናቴ ይያምና ዋንካምና ኬቤሪንሳ፡፡ ¹⁷ 17. ይያማይን ካሞ ያሐሪያናቶ ጌጴ ዎሳ ኢየሱስ ክርስቶስሳ የእሲዳናቴ ቢራንቴ ጌይጰዳም ቃቢማቴ፡፡ ¹⁸ 18. ካካፎ ቱንሲሮጐ ቦንሮጐ ዜሪቦን ቃቦን ጨጋይና ዘባቾች ናአናካናአየ ገይድና፡፡ ¹⁹ 19. ኤና ክና ኬካላንካ ለልማንም ባአይ ጴራምራሐንቴ ሳዳን ይቃያ ካንታን ቆልምናና፡፡ ²⁰ 20. ይት ኮደን ዎሐሪያናቶ ጸልሐያንቴ ገዛናም ካዳና ጨግንቴንምና የጰሪ ጨሪኙናቴ ዋቼንጰማ ካንታን ገዛናካም ምሲክማቴ፡፡ ²¹ 21. ቱንዛራ ሳዳንዘራ የምየሲክሳያ ጌጴዎሳ ኢየሱስ ክርስቶስሳ ገሪንቶም ካልቴ የዳካ ባሪያሳ ናሽማኖ የምይጰሪ የምካልማቴ፡፡ ²² 22. ቃጋጰዳና ደናም ቃቢድና፡፡ ²³ 23. ዋንዋንካሞ ኖንባራ ሴራቴ ጰአሸድና ዋንካሞ ሐያንቴ ዘራን ዘሪቦን የቾቃዶን አፍለናም ካም ፍሪ ቶዛጰንቴ ኩሪታሞኸ ገሪንቶን ጰውድና፡፡ ^{24 25} 24.የት ጰደና የምእጰቃን ሪስንጶቆልማቤ ዋዛካ ጐሽካ ዎትሮ እያየካ ደንዳያያ፡፡