¹ ባርያ አናካ ካርሳንቴ ዋደ ዋና ዋና ጎይ ዋና ዋናቤካ ባርያሳ ኤና አፎን ጌይይናካ ዋንባናናንቴ ጌይድና ² ኮደን ዋደን ቱንስን ኮካ ውልሞ ዋጳቤካናንቴ ሀያደ ናሳ ክሳ ፔንቤ ፎለንቤ ወደደካ ወናንቴ ጌይድና፡፡ ³ ዋ ባሪያሳ ጎሽን ጳዋያቤ ደንታን ክሳሳካሞ ጎንጴንባ ጳይሶ ደሀንቴ ይሳ ካንታን አፎንሞ ካሞ ፓይለ የድድና ዋሳ ሴሶንካሞ ዋካላንካ ይሻያደሳ ራስባረ ጌጳሳካሞ ምዛቅባራ ደርቅድና ⁴ አጋታካ ናብኖ ክጳለደኖ ባርያሳ ኤርጎን ኤና ናብንካላ ሳማ ኮደግየ ኖካ ካሞ ባርያሳ ኤርጎን ኤና ካላንካ ካሎን ሳግ ማትህድና፡፡ ⁵ ባርያካ ያ እሳ ናሳኔ ሀልታለ እንታሀሞ አጳድ ሀያንቴ ካሞ እንታ እንባኔ አደሀይ ኖካ እሳ ናሳኔ ክደሀይ ክያማደኖ ኤርጎን ኤና ካላንካ ውናንቴቴ? ⁶ ሀያንቴካሞ ባርያ ይሳ ናሳ ቶርደሞ ክይእሳና ባርየያሳ ኤርጎን ኤና ፓይለ ክናንቴ ከጉንስሜና ክያማይ፡፡ ⁷ ይሳ ኤርጎን ኤናሳካሞ ክጌያያግን ኤርጎን ኤናሞ ግባሮና ክያያይ ዋድን ኤናም ካሞ ኖ ሮጱናኔ ክያያይና ክያማይ ⁸ ኮደን ይሳ ናሳሳ ይንታና ክያማይ ጌጳ ሀሳ ጌጳሞን ቦርኮቶኖ ካርስሮካ ሊይ ካርስን ዛራና ኮደይ ገዛሞኖካሞ ሀሳ ጌፓሞንሳ ቦርኮቶኖ ካሪስሮካ ለይ ካርስን ዛራና ኮይ ገዛሞኖ ካሞ ሀሳ ጌጳሞንካ ሴጋና ኮደይ፡፡ ⁹ ገዛናም ናሽማ ዋጭንሞ ካ ቶዛጲማ አጋታካ ጌጳ ሀሳ ባርያ ሀርያነሳ ጳባራ ሀሞ ደአርስድና ዋዛንካ ካሞ ሀሞ ሺትህድና ¹⁰ ሀያንቴ ካሞ ይንታና ክያማይ ጌጳ አእሳ ያ ብራቴንካ ፔንም አስክድና ፎላናካሞ ሀሳ አንኒሳ ዋድማና፡፡ ¹¹ ኬካያኔ ኬካያይ ኮን ያ ዋቻጳሮ ደሀና ሀደይ ፓይለ ውል አቻላግያ ጌቻኔ ከጌቻይ፡፡ ¹² አxፓላግደካሞ ቱፓኔ ሀቱፓይ ኣፓለግያካሞ አስክማኔ ካአስክማይ ኮን ያሀ ያሀና ሀሳ ደንታንካ ቱንስ ቆልማሞ፡፡ ¹³ ባርያ ጋላ ሀሳሞ ሀሳ ራንሳ ጮባራ እሳ ሀያዛራ እሳ ምዛቅባራ ደርቀማ ክያማደዋ ኤጎን ኤናካለንካ ሀውናንቴ ቴ ገ 14 ባርሳ ኤርጎን ኤናካላንካ ሀውናንቴ ቴ? ¹⁴ ባርያሳ ኤርጎን ኤና ፓይላ ኤና ጳቃደናናናንቴቤ ጳለይናናቴ ከዋድሜካናቴ ይእሳይ ዋድማን ኤና ኤኡ ሳምሆ?