1 1. ጐንጳባን አናሻያ ዛንዛሳ ናሳ እሳ ለጋዮስ፤ 2 2. ሀርያ ሳደኖ ሀሳ ፃል ኮደግያ ሀሳ ብሸኖካሞ ፃል ኮደካናንቴ የሪ ፓይላ ውጣ ኮአጌካናንቴ ሀናንቴ ምስካኔ እምስካይ፡፡ 3 3. ጐንጳንባ ኢድ ገዛሀ ደንቤ ጐንጳንካ ሶጐ ሀደንም ወንድና ናና ወን ናዴ እናንቴ ኬጌያኮ እንተ ጌጴ ዋዝንፄድና፡፡ 4 4. ናና እሳ ጐይን ገዛሮጐ የወያራን ኤሳራሳ አባራ ዋዛ ቆልማሞ፡፡ 5 5. ሀሮያ ኛንቴ ቾችህ ወደናካም ወንደን ናናናንቴ የራ አሽካደንካ ያሀ እድ ገዛና፡፡ 6 6. ኬካሞ ሀሳ ናሳ ማንይንምባር ዬን ኦኖሳ ወትሮጐ ማኝና ጐይን ኪሳሮካሞ ባሪያም ዋዝንሳያ ማድማይሻከና ፃልና፡፡ 7 7. ክሳ ናብናካ ከውታደና ዛርሰን ካለንካ የሪ ካለካሞ ይቻድሞንተካኔ፡፡ 8 8. ታ ናንስ ክንካ ጐንጴን አሻካናንቴ ኤና እግናግያም ናም ወዛራ ግሳማ ዛግሰኔ ኮዛግሰይ፡፡ 9 9. ባርዮን ኦኖንናንቴ እንታ ገያናንቴ ሀይድና ኮደን ካሞ ባሪዮን አኖንም ማንካናንቴ ዛጋያ ዲዮጥራጢስ እም ዛልማሞ፡፡ 10 10. አጋታካ እንታ እንና አፎን ዛርቦካ ዎሳ ናብን ክሴሳይንም ጳልንና እኩለይ፡፡ አጐይካሞ ኮየካድማታካ ወንድናና ናካም ዛግማሞ ዋላማ ክንካ ደሀናንቴ ዛጋይናምካም ማራኔ ኬማራይ ባሪያማ አኖሮካካሞ እይታኔ ከአይታይ፡፡ 11 11. ወሪያ ፃልናም ሶጐ ዛርቦን ሀማሳናኖ ኮደን ኤና ጐይ ገዛን የአይና ፓይላ ባሪያ ጋንትና፡፡ ይን ዛርቦን ጫጋይና እግና ባሪያም ሀፓዶ ማሞ፡፡ 12 12. ድሜጥሮስ ኤድኖ ፓይላ ማኝ ዶኔ ኮደይ፡፡ ጐንጴኖካሞ ይባራንካ ማኝና ኮደይ ወትህካሞ ማኝና ወደይ ማኛምኖ ወስካሞ ጐንጴ ኮደን የትህካም ጰስድና፡፡ 13 13. የሪ ጳፂ ጌየያንቴ ደይድና ይያማንካሞ የናንቴ አፃፋኖ እስክፈርቶንቤ ቀለምን ቤካ ኮደ ካናንቴ እንታ ዛግማሞ፡፡ 14 ቶካሳ እሪ ሀለማ ኬራኔ እኔ ራይ ክሳ ወትህ ሻይንቴ ሀሳ ዋኔ ዎየስዋደ፡፡ 15 15. ፃልኖ ሀናንቴ ኮዴ ሀያሪያና ሀሳ ዎፎ ቻይድና እያርያናም ፓይላ ናብኬሳም ግሳማንቴ ዎፎ ዎፎ ሀማ፡፡