ሁለተኛ ተሰሎንቴ ኡንሣ 3

1 1. ሸጰደና ዎንደናናቶ የንካ ሐማንቴ ከሐማዶንታካ ጌጰሣ አፎናም ዶሪካ ለሊማቴ ኪጌጰዴ ካናንቴ ዎናንቴካም ምስኪማቴ፡፡ 2 2. ሐያንቴካም ኤድ ፋይላ ባሪያም ጫጋሮ ኮደምንታካ ኤና ጃካማን ኤናቤ ኤናዛርቦናቤማ ዎንላማ ኬሣ ዎምስኬ፡፡ 3 3. ባሪያ ጌጰ ካም ፃሊና ኖካም የምፋካለሣና ኪፋካሊሣዶ የርን ዛርበሮ ካም የም ማንካና ኪማካዶ፡፡ 4 4. ውት ዌኤርጋደናከም ታሀ አሸካንቴ እስ ብራንገዶናም ካም የአሸኪና ባሪያ ዎምና ሸናኪናሸዶ፡፡ 5 5. ኢየሱስ ቃቦዎሣም ባሪያሣ ናሽማቤ ኢየሱስ ክርስቶስሣ ጐዶንዛራዎመ ኪቤኤ፡፡ 6 6. እናናቶ ዎድማን ጋራንቴ ዎደንቤ ዎካለንካ የቻደና ታማርንካ ሀማንቴ እንዳናሦን ዳድማካለካ የፌግንጴ ካናንቴ ጌጰ ኢየሱስ ክርስቶስ ናብንካ የመ ኤርገና ዎኤርገዶ፡፡ 7 7. አና ብሪካ ወአሽካደና የራም ሐምንታ ሐማንቴ ኬጫጌካናንቴ ዶትየም ጴሣይዶው የለማኪንካ ወደን ሮሮንካካም ዶትዎድማጋራንቴ ደድምናዶ፡፡ 8 8. ሐያንቴ ካም ውት ኤድሣ ባለሽ ካለካም ኮዶሦ እማ እሣድማም የርካላ ፉሪ የማ ዎንዛራ ካም ደፃን ወገሬ ካናንቴ ሠትንቤ ሮሮንቤ አኪምግያ አሽኪቴና ዎዶ፡፡ 9 9. እግናም ይንታ ሐማንቴ ዎጌያደኖ ቃቦና ዎሣብራናም የጫጌ ኬካናንቴ ሀማንቴና አጋታካ ዎናንቴ ዘግሣዶናም የራም የካለንካ ሐፋናንቴ ጌጰምሃ ኮደን ጴስማትማም፡፡ 10 10. የለማ ኪንካ ዎደን ሮሮንካ አሸካን ደንደያድም እስን ኬገሬ ዎለማደ ቃበና እግናም የናንቴ እማንቴም ዎደኖ፡፡ 11 11. የሣ ዎንካም ዎድማን ጋራንቴ ኬዶን ኤሣርድና ውት ኬካም ዎድማን ገራንቴ ያየና እግና ኤና ቃበሮ ሴንን እርዳይናና እግና፡፡ 12 12. ኤና ሕንታ ሐምቴ ዎቻጰንቴ ዎድማንዶሣም ኬአሽኬ ካናንቴ ባለሽና ይሳም ኬእስካናንቴ ጌጰ ኢየሱስ ክርስቶስ ናብንካ ሐማንቴ አዛናዎአዛይ ኪልናዎከለይ፡፡ 13 13. ዶትካም እናናቶ ዎድማ ፃሊም አሽካናንቴ ካልካም ይት ቃጅማም፡፡ 14 14. ቃቦና ኪናዎሣዛራ ጰለቅና ደናናንቴ አሣርማ ሐውካም ኪዴ አጐንታ ሐምቴ ኤናም ፃሊንካ ጫግማሪ ዎድማን ዶሣካካም ኬበኪን ጴካናንቴ ኬለማኪንካ የደናኖ፡፡ 15 15. ዶንታካም ኮደና እንደናሦ ሐሣግየ ዎጭማ አጐንታ ኮደናካም ኤድ ገሊግየ ሐሼድናኖ፡፡ 16 16. ጌጳ ፃሊን ደንባራዶዳ ዶም የሪ ውሊ ግዶር ሐያንቴ ደሐፃሊን የናንቴ እማናንቴ ጌጳ ዎማኪንካ ኪዴ፡፡ 17 17. ጌሦን ከም የናንቴ አንእሣካና እፃፋደ እንታ ጳውሎስና ሐሣዎና እሣሳ ፋይላቱንስና ኪናናካዳይ ፃፋኖ እሣካም አጐንታና፡፡ 18 18. ጌጰ ዎሣ ኢየሱስ ክርስቶስሳ ናሽማኖ ዎለማኪንካ ኮዴ፡፡