ሁለተኛ ተሰሎንቄ ኡኩንሳ 1

1 1. ጳውሎስቤ ሲልስናቤ ጢሞቴዎስቤ ባሪያ ሆንባካ ጌጰ ኢየሱስ ክርስቶስ ካዳና ቴሰሎንቄ ባርዶን አኖጋዶና፡፡ 2 2. ባሪያ ጌጰ ኢየሱስ ክርስቶስካ ናሽማንቤ ፃሊንቤ የለማኪንካ ኮዴ፡፡ 3 3. እናናቶ ምስከኖ የሣ ሮሮና ውሊም ጌጰደቴዶቴ ኮደንታካና ሸማኖ የሣካም አጋዳቴንቴ ኮደንታካ የናንቴ ሀማንቴ ባሪያ ሮሮውል ሊክካ ጐሸናንቴ የዴ፡፡ 4 4. አጋታካየዛራ የስካደኖ ዎዛቤ ገሎንቤ ፋይላ ዎቻጰንቴ ውትዋባራን ካዎደን ሽደናቴ ዎሣ ምስከኖዎሣካም ካሪያሣ አኖና ካሀምደ፡፡ 5 5. ከም ፋይላ ባሪያሣ ብቶን ሮሮራ ኮሼ ደነታካና አጐንታ ኮደንታካ ገሎን ቻናንቴ ባሪየ አኖናንቴ ሊኪ የደንናንቴ ሀማንቴ ፋይደካና የዳዶ፡፡ 6 6. ባሪያ ጫራንግ ኪዶንናንቴ ሀማንቴ ጋሎኖ የዛራ የስካይን የናንቴ ዎንም ቻናኪቻዶ፡፡ 7 7. ጋሎን ቻደናንቴ ካም የናንቴ ካም ዎናንቴካም ፉሪ ኡስዌቼካናንቴ ኪእማዶ ኦጐኖ ኮሀማይኖ ጌጰ ኢየሱስ ጰሊቃታይኖ ኖኖ ጌጵና ኤርጐን ኤናለማ ኬንካ ፎላንባራ ከሐፉን ጳያ ሮራካና፡፡ 8 8. ዎደን ኣጐካ ባሪያም ጴሣደናቤ ጌጰ ኡየሱስናንቴ አፎን ኤሣርምናም ጰብሽና ጰብሸጰዶ፡፡ 9 9. ኬካም ጌጰሣ ወትሮቤ ካንታንሣ ጌጰምዛራ ሀማንቴ እዳንቴ ሣደን ለይደንዛራ ብቶን ታካጰዶ፡፡ 10 10. ይንዛራ ብቶን ታካጰይናካም ኤና ጫራግናካ ሀማንቴ ኮደንታካና ኬጐሽጴካናንቴቤ ኬምስካንደ ካሐ ሀማንቴ ፋይላ የራ ይንካ ኮናአያና ኦጐካና ኮዳይ ይትካም ምስካይናሣ ኤናሣ ባኪሮና የዳማኝምን ዎሣካም የቻዳንታካ፡፡ 11 11. እግናም ቃብቴ ጌጰዎሣ ዎም ግስማደናንቴ ወቃባደናም አሸካንቴ የናንቴ ፋይደናዎ ፋደዳተ ፃሊን አሽካናንቴ የደን ቃበዎሣቤ ምስክንባራ ደና ዎድማና ፋይላ ካንታንካ ቱንሣዴ ካንንቴ ሮሮወሊ የናንቴ ምስካና ወምስካዶ፡፡ 12 12. ሀያንቴ ካም ዎሣ ጌጰግያቤ ፋሪካም ጌጰ ኢየሱስ ክርስቶስ ናሽማንካ ሀማንቴ ጌጰ ኢየሱስ ናብንካ የንካ ሀማንቴ ኪም ጐሽጴካናቴ ይትካም ኪንካ የጐሽ ጴካናንቴ ምስካናዎም ሶካዶ፡፡ *ጋሮ ኤድ፡፡