1 እናንቴ የፃፈደና የራናንቴ ኤድ ሜናሦካለ ከየሰካድምና ፃሊና ከደደ፡፡ 2 የርከለካሼ ኤድ ፋለውሊ ሴሦንባራካ ደም ማንቴካንቴ ሜካ ኬደያ ፃሊና ማና ፋይለካም አንጌ ኬሣ ኬዴ 3 አንገንካም ማናዶሣናቴ የራ ኬዘጋይና ፋይለ ኬአሽቤ ሜናካም አንጌና ዶሣናንቴ አጎንታ ኬዘጋይናም ኬሐዬ፡፡ 4 ሜኖካም ብሸኖ ኮሣ ኮንትሦጎ ትማም አንጋጋንትካና ሐያንቴካም አንጋሣ ብሸኖ ኪንት ሦጎትማም ሜንገንትካምና ከደይ፡፡ 5 ፃሎትንካም ኪንካ ፃሊያናንቴ ኪሣ አፎም ናሽንቴ ሮሮቄታ ከደድሚና ዶት ካለና ኪሚ የማርናኖ የሚ ሜሽና ኬፋታናይናቴ ፉርካም ኪን ደሀማቴ፡፡ 6 ኪና ይንታ ዎማይና ካም ትዝግያ ትማም ምክርግያና ኮይደ፡፡ 7 ኤድ ውሊ ፋይለ እግያ ኬደና ጻሊና ኮደደ ሐያቴ ፉር ኤድ ውሊ ፋይለ ባርያ ካለ ደቻደናም ኬናንቴ እማጰደ እሚንቶ ደይድና ዎካም ዋለማ ኪንካ ሐይናት ካለና ዎካም ፉር ዎካለንካ ሐይናት አብና እሚንቶና ደኖ፡፡ 8 ኬማ ድሚናካም አንጌሣ ጀደና ሜናናንቴ ኬግያ ደንታና እማያደ እግያ ኬምማ ኬደና ጻና ኮደይ፡፡ 9 የር ካለፉር ይም ማንካናንቴ ኬደንደያድምና ኬኬሜ እንግርማንካ ይአታዶናንቴ ኬሚና ጻሊና ኮደይ፡፡ 10 ኬማደናናንቴ ትዛዝና ኪናም እማደ ኪናካም ትዛዝና ጌጰጋትና ሐንጲና አንትትማ ሜኖካም አንጋካለንካ ዎና ደንኮጋሬ፡፡ 11 ዎና ይደናካም ኬማጲማ ከዴ አጎንታ ከደድምና አንጋለማ ኪንካ ከቃሽሜ አንገካም ማንናም ቡለን ኪገሬ፡፡ 12 ዎንካም ፉር ይንታና እያማዶ ኪናም ደንታ ጌያያ እንታና ጌጰትማም ባርዩን ቻድምኖ ሜንካ ደሀ እንደናሣ ኪደና ማኖካ ኪለማኪንካ ደናንቴ ኮናሻያ ደና ኮም ቡለናንቴ ደንደይማም፡፡ 13 ባርዩን ችማ ደኖ ኤኖ አንጌን ካደኖ ይደናካም ኖሆ ከለማ ኪንካ ደናንቴ ኪዘጋደና ኮም ቡለናንቴ ደንደይማም፡፡ 14 ባርዩን ቻድማ ኤያ አንታ ሜን ዶሣካ ጫራግምድና ባርዩን ቻድሚኖ ሜኖካ አንገ ዶሣ ደአምና ያካጫራግምድና ሐያንቴካም ናና ኬሣ ዘሪቦ ከደናና አጎንታ ኮደይ ታሀ ፉር ጫራንግና ኬደይ፡፡ 15 ባርዩን ጎደን ጫጋያ ኤደስ ኬካልንካ ውታናንቴ ኪዘጋድሚና አንደናሦካላ ወይካም አንደናኖ ዴንታን ኮሣ እሮጎ ትማም ኬደ ባርያ ዎም ኪግ ስማደኖ ፃሊንካ ዎዴካናንቴና፡፡ 16 ያሀ ኤስኖ ኮኖ ሐሣ አንጋም ጰእሽናቴ ሐር ሐጴ ሣዴ ወይካም ያሀ ኤያካ ሐሣ ሜንናም ጰአሸናንቴ ሐደኖ ሐር ሐጴሣዴ፡፡ 17 ይት ኤድ ዎንሦጎ ጌጰሣ ቃባጰደግያ ዎንካም ባርያሣ ግሰንጰደግያ አጋካ ኬማቴ አብያተ ክርስቲያናካም እግናምን ኬሐሣዎደ፡፡ 18 ኤድካ ቃማን ታካጳንቴ ደንቴ ኤድ ታካጰድማ ግያ ደን ኪገሬ ኪታካጲማ ኪሚ ግስን ጰደና ታካጰን ኪገሬ፡፡ 19 ታካ ጰካም ኮዴ ኪታካጲምና ከዳናካም ጥቅም ቆሊማሞ ጴላቃሣ ዎናስ ኪሣ ባርያሣ ትዛዝን ቱንሣ ዎጎና ፃሊኖ፡፡ 20 ኤድ ዎንዎንካም ይናንቴ ግሰንጰደ ጳለቃካም ዎቻጳንቴ ኬዴሃ፡፡ 21 ዎም ግሰንጰዳ ዎደስካካም ውት ዎድማ ኤድተና ዎደ አጎናንቴ ሐቃብምና ጋሎንባራካ ውታናንቴ ሐዛጋደና ጋሎን ባራ ውታናንቴ ዘግማ፡፡ 22 ሐይጳካና ዎድም ኤድ ዎዳካ ጌጰ ዋሚ ኪግሰማደ ጌጰሣ እንታ ኤድ ጫራንግና ሐያንቴካም እም ግሰንጰንካም ጫራንግ ኤድቴና እአ ኢየሱስ ክርስቶስሣ ዎድማ ኤድና አንታ፡፡ 23 ብሽን ይሣካ የሚ ሽንድና አጋታካ ኤድሣ ዎድማኤድ የትማኖ፡፡ 24 እናናቶ ኤድ ካላካለ የሣካም ደናቴ ግስንጰደ ቃባምካም ባርያ ለማ ኪንካ ዎቻጰንቴ ደሀማቴ፡፡ 25 አንዛና ዱድሣ ጴለቅ ጎጰካለ እቻደ ትዛዝ ቆሊማም ደንታ ኮደናካም ጌጰሣ ፃለምንካ ሐማንቴ ኤድ ገዘግያ ምክርን እማና እማይ፡፡ 26 ታሀ ቻግርን ኮካ ሐማንቴ ታሀ የደ አጋሮ ደንቴ እናንቴ ፃሊና ኮደይ፡፡ 27 ኬማንቴ ሀደና ቡለናንቴ ሀዘግናኖ ሀኬሚድሚና ካም ካም ሜሄ ኬማናንቴ ሀዘግናኖ 28 ሐኬምናካ ሴሦ እንታ አሽኪማም ዱድኖካም ደኬማጲናካም ሴሦ ከአሽከድምና ኤና ኬማይና ካም ፌን ኮሮ የርጰፂና ከዛራ የስኪቴን ደኖ እንታካ አጎኖ የዛራ የስካን ከጋሬካናንቴ የም ናሽና እናሸደ፡፡ 29 እናናቶ ቃበና እሣ እግናና ፈኖ ኮኖ ፄድና ከደ አጋታካ ተሀ ማንካ ደናካም ሜሄ ቆሊማግያ ደንቴ ኬዴ፡፡ 30 አፈፉደንካም ኤፉማግያ ዎዘን ኤናካም ዎዝንጰን ኬጋሬ ከዶሦን ኮምካም ኬሸደና የራካም ኬንት ከዳድማግያ ኬሼዴ፡፡ 31 ፌን ኮሣ የርም ካም ጠቅማይናካም ጣቅማግያ ኬዴ ፌንኮሣ ዴንታኖ ካም ከሣጋደንታካ፡፡ 32 እንታ ቃቦ ቆሊማ የዴካናንቴ ናሽና እናሽዶ ኬማድማ ኤያካም ጌጰም ዎዝንሣናንቴ ጌጰሣ የርናንቴና ኪቃባዶ፡፡ 33 ኬማደ ኤያካም ሜንዶሣም ዎዝንሣናንቴ ፌን ከሣ የርምና ኪቃባደ፡፡ 34 የርን ኮካ ሐማንቴካም ወይለምኖ ኪሣ ቃና ማትድና ኬማጲምኖ ኤስኖካም ዲድኖካም ጌጰሣ የር ናንቴ ቃቦ ካቃባዶ ቃበኖ ከሣካም ዶሣ ብሽናንቴቤ ካታንቤናቴ ጌጳካለ ጫራንግ መታው ኬማጰ ደኖ ኤስኖ አንገም ዎዝንሣናንቴ ፌን ኮሣ የርናንቴና ኮቃባደ፡፡ 35 ፌን ኮምካም የናንቴ ዎደጰደኖ የርም የቃቤካናቴና ሐንጲና የም ቃብንሣናንቴ ትማም አለማኖ እሣካም ወይለምኖ ዎናደንጋራንቴ ጌጰለማ ኪንከቀ ዎቻጰንቴ ኪንካ ፃሊንካ የዴካናንቴና፡፡ 36 ኤድካላ ደያራሣደን ናን ዱድን ፃሊንካ ኪየደድሚና ናካም ቦንና ኮሣ ጵፃጵደቴ ኮደና ኬማ ጰናንቴ ከቃባደና ደናሽደም ኮአሽኬ ሴሦ ኮሣ ቆሊማም ኮኬማጴ፡፡ 37 የርካለካም ይንታ ቃባንቴ ሐሣዎደ ካካ ሐማንቴ ወይለም ሌንሣንቴ ይም ቃብንሠማ ዶሚ ይሌንስና ዱድነ ኬማናንቴ ቃባደ ኤያ የርፃሊና ኬያያደ፡፡ 38 አጋታካ ዱድን ኬማደ የርፃሊና ኪአሽካደ ኪማድማካም የርፃሊና ኪቃባደ፡፡ 39 ሜ ካላ ሣደንካ ዶሣ ደዘራ ከሣ ኪለማ ኪንካ የድማንቴና ከደይ አንጋ ከሣ ኪጅናካም ይዘጋደም ኤያም ኬማጳናንቴ ናፃና ከደይ ኤያካም አጎ ባርያለማ ኪንካ ኪዴ፡፡ 40 እግያ ከደና ካም ኦጎንታ ኮደና ዎዛራ ኮደይ አንታካም ፉር ባርያሣ ካንታኖ እዛራ ኮደግያና እሼደደ፡፡