1 2 1.ዋአካ በክርስቶስ ኢየሱስ አነውታ ሁኖዋ ዋአካ ኩነኔ ኤኖዎታ ። 2. በክርስቶስ ኢየሱስ አነዳ አያ ዬቭካ መንፈስ ቅዱስ ተቂጫይ ተቫጢሪ ተውንድ ቂጫቭ ነጣ አዋአይ ። 3 4 5 3. ቂጫ ተቨሰር ኧትረሳ ሃአቭተ ዬቨኩይ አኸረነ ሁዳ ፥ጎይታ ኧገግኋይ ትከ በኛጢረኛ ሰቨ ሱጉ የኤፐን ፥ኧቫጢርተኝ ሰቨ ፈቸት ይኸረኸ ኤፐን ፥በዋ ኧቫአኧሰቨ ባጢር ጎይታ በትከኋይ በሰር ተፍርድ አፈካን 4. እመዳ ኤተፐ በቨሰር ፍቃድ ታይኸር በመንፈስ ቅዱስ ቅዱስ ኧቫረንመኸ ንረቭኔ ኢና ኧውረ ኧኸረ ፥ኧቂጫ ትእዛዝ ይኸኔ ። 5. ኧቨሰር ፍቃድመኸ ይረውርታ ሁኖዋ አአመርሁኖዋአር ይትሜኝዋ፤መንፈስ ቅዱስ ይኮመኸ ይረውርታ ሁኖዋ ኧመንፈስ ቅዱሳአር ይቴንኮዋ ። 6 7 8 6. ኧውጥጥ አመር ቴሜኛት ኧውድ ያሰራ ኧመንፈስ ቅዱስ ቴሜኛት ጭን አያይ ወገሬት ይቭ ። 7. ኧቫጢር ኧትገዛ ቀልብ በጎይታ ኢፊቲ መራክስን፥ኧጎይታ ቂጫ አይገዛካ ፥ኧትጎዦት አይኸነዳ ። ኧቭሰር ፍቃደኸ ይረውርታ ሁኖዋ ኧጎይታ ይሽርኩዳአር ዬዋይ አይኸኖታ ። 9 10 9.አ ሁ ጭን፥ ኧጎይታ መንፈስ ባሁዋ ይረቭር በኸረ በቨሰር ታይኸር በመንፈስንሁዋ ። ማኒሞኋ ኧክርስቶስ መንፈስ ቤነን ሁዳቭ ኧክርስቶስአር አኸረዳ ። 10.ዘንጋ ጭን ክርስቶስ ባሁዋ ቢረቭር ሚሲያሁዋ ተቫጢር ኧትረሳ ኧወዳአር ቢኸር ፥ተጽድቅ ኧትረሳ አያን ። 11 11. ኢየሱስ ክርስቶስ ተውንድ ኧረሳን ኧኹዳይ መንፈስ ባኹዋ ይረቭር በኸረ ክርስቶስ ተውንድ ኧረሳን ፥ባኹዋ ቢረቭርካ ምንፈስኋ ይወንዲ አንዳ ሚሲያሁዋ አያቭ የናኩሴ ። 12 13 12. ባቴ ኧሰማትኞ ግርድ አነቪ፥ኧኽር ባኻሬ ኧቨሰር ፍቃደኸ ንረቭኔ ኧቨሰራአር አኸነዳ ። 13. ኧቨሰር ፍቃደኸ ብትረዉርዋ ትዎጅዋቴ ፥ቡሼእ ኧኸረ ኧቨሰር ሜና በመንፈስ ብቶኦትርዋ ጭን፥ በአያ ትረውርቴ ፥ 14 15 14. በጎይታ መንፈስ ይትሞሮታ ዋኽኖዋ ኧጎይታ ድንጋኖዋ ። 15. ኢናቭ አባ አባ ባነታ ንኸራኔኮዳ ኧዴንግነድ መንፈስ ተጎይታ ቴኤፐነ ። 16 17 16. ኧጎይታ ዴንጋ ኧኸነኸ ኻ ኧጎይታ መንፈስ ገግሞኋ ተገግንራ መንፈስ ኸረታ ይምሰክንረ ። 17. ኧጎይታ ዴንጋ በኸነ ፥ኧሁዳአር ወራሽንረ ክብርሞኋ ንሻከድነዳ ሰቨ ኧኸነመኸ፥በውረቭ በመከራሞኋ ብሻከድነ ፥ኧጎይታ ወራሽንረ ፥ተክርስቶስ መጋ እማትሜ ወራሽንረ ። 18 19 18. በዋ ዘቨር ታነቨንረዳ ስቃይ ተዋ ቀጥወ ይታሺ ታነዳ ኢና ቲኢየንረዳ ክብረጋ ቲያዢዳ አታአር አኸረኸ ኤቬዝርኩ ። 19. ፍጥረት እንዳም ኧጎይታ ዴንጋ ቲታሽዋ ስን በቴሜኛት ይኢየ ። 20 21 22 20. ፍጥረት እንዳም አይረቫአር ቴቨ ፥እመኸቭ በገግኋ ሹፓቸነድ ታይኸር ፥ኧተስፋ ይትገዛኸ ቴፐን ተፍቃድኋ ኧትረሳደኔ ። 21. እም ፍጥረት ገግሞኋ ተውጥጥ ባሬያነድ ነጣ ወኤተታ ኧጎይታ ዴንጋይ ኧኸረ ነጣነቲ ይሰራነኸ ። 22. ዋአካ ስን ፍጥረት እንእ እማተጋ ይቀርስካ መኧኸ በስቃይ ከስ አነኸ ኒኺነ። 23 24 25 23. ቢኸርቭ ይሲካ አንዳቭ ፍጥረት ብቻ ታይኸር ቤተነ ኧመንፈስ ቡስር ኧነከቭነ ኢናቭ ገግመንራ ኧቭሲየንራ ነጣ ኧዋአኔኮ ኧዴግነድንራ ንማጅነድንራ ትንቲኢየነ ተከሲየንራ ንኢየኔ።24. በዋ ተስፋ ተነፍነ ፥ ተስፋ ይትረከቭ በኸረ ጭን ተስፋ አኸረዳ ፥ይትረከቭካ ኹዳኩ ማን ተስፋ ዬኩ? 25. ዘጋ ጭን በዋ ተስፋ ተነፍነ ፥ተስፋ ይትረከቭ በኸረ ጭንተስፋ አኸረዳ፥ይትረከቭካኩ ኹዳ ማን ተስፋ ዬቭኩ? 25. እመኸቭ ስርም አናሸኔአር ተስፋ ብኔቭነ በፍሮኽት ኒኢዬኔዴ። 26 27 26. እመኸቭ ኧተኸ ጠሎት ኦኖት አነቨንረኸ አንሂኤ ኧኸሬ መንፈስ ቅድስ በቂጭናንራ ይኢፕንረዳ ፥ይኢጂ አኸራአር መንፈስ ቅዱስ ይሰኧርንረ ። 27. ኧኺንመንራአር ያዥካ ጎይታ ኧመንፈቅድስ አሳብ ምር ኧኸረኸ ይሂር መንፈስ ቅዱስ ኧጎይታ ፍቃድመኸ ኧጎይታ ሰቨ ይሰኧር ። 28 29 30 28. ጎይታቭ ይረሙጅዋታ ሁኖሚ ኧአሳቡሞኻኸ ኧትቬጤርዋ፥ይቲሄተኮታ ዘንጋ እንእ ኧወኼነድ ሜና ዬቨኮኸ ንኺነ ። 29. እመኸ ኧኸረ ኧጎይታ ትከ በኖኦራ ኧሰማት ግት በኽር ይኸሪ ጎይታ ቤተረ ኤቬጠረኖዋ ኧኧችኋይ መርክ ይዎስርዋኔ ።30. አወተረ አጫመጠኖዋ ኸናኖም ፥ኧኸናኖዋ አጸደቀኖም አጸደቀኖዋ አከበረኖም ። 31 32 31. ባቴ ኧዋዘንጋ ምር ንዠፕነዴ፥ጎይታ ቲና በኸረ ማንተ ይረግድንሬ አንዳ? 32. ጎይታ እእማት ትከኋ ስን ከስ ታይወትኩ እንመንራ ቲይር አዋአ አአይፐረን ሁዳ እንሻአር ተሁዳ ኧተኸ አይቨንረዳ? 33 34 33. ጎይታ ኤቬጠረኖዋ ይከስስኮታ ማንተን? ያጸድካሺ ጎይታን፤ 34. ባቴ ይከስስኮታ ማንተን? ኧዎደ እመኸቭ ተውንድ ኧትረሳቭ፥በጎይታ ቀነአጋድ ኧቸና ክርስቶስ ኢየሱስን ፥ኢና ይሰኧርንረ ። 35 36 35 ተክርስቶስ ንማጅነድ ይቫቲረንረዳ ማተን? ብካና ወይ ስቃይ ወይ ኧሰቶት ወይ ጋጄ ወይእንጭ ኧኾርቲ ፤ወይአደጋ ወይሴፊ? ተክርስዮስ ንማጅነድ አታአር ስርም አይቫትንረዳ ። 36. «አኸ ንማጅነድ ትንነ እን ቀረ የኦትን ያጪዳ ጣየኸ ቧርሙ ኧጣፊመኸ ኸረ 37 38 39 37. አትአር አይቫትንረዳ ፥በዋዳ እንዳም በረመደንረ በክርስቶስ ደረግ ታነኖታ ኹኖዋ እንእ ንረእነ ፤38. እመዳ ኻይተኹዋ ሙድ ቢኸር ኧቦርት ቢኸር መላይካ ቢኸር ዋአካ አነዳ ኹዳ ቢኽር ተዋ ቀጥወ ይቫአካ ኹዳ ቢኸር ደረግ አነኖታ ኹኖዋ ቢኾርሙ፤39. ተሳቫይ ቢኸር ተአፈር በገዳ ቢኸር ኤኛ ፍጥረትቢኸር ተኢየሱስ ክርስዮስ ተጌታንራ ታነንረዳ ተጎይታ ንማጅነድ አታአር አይቯትንረኸ ኻርኹ ።