^{1 2 3} 1. ኸ አትሂርታዌ? ኢያ ጳውሎስ ኧክርስቶስ ኢየሱስ ባሬያይ ኧኸሪ ኧትኧናሁ ኧጎይታ ወንጌል ኢኢዲ ሜጠረ ኧናይ፤ 2. እእም ወንጌል በነቢያት አጋድ በቅዱሳን መጣፍ አወተረሞኃ አወናን ቃርን። 3. ሁድቨ ኧጎይታ ትከ ተቨሰር ተዲት ጥቭ ኧቶኦኝትኋ ይኢድካናአር ፤ ^{4 5 6} 4. እመኸ በቅዱስ መንፈስ አትቭ ተውንድ በተሾትኋ ኧጎይታ ትከ ኧኸረመኸ በደረግ ኧትረከቨ ሁዳ ጌታንራ ኢየሱስ ክርስቶስን። 5. በክርስቶስ ሽው ሰቨ እንእ ያአቭሪ ይታአዘዚ ኤፐታ በሁዳ አጋድ ኧክሽረኝነድ ጠጋ ቴኤፐርሁ። 6. አሁም ኧክርስቶስ ሰቭ ትኾርዋይ ኧጎይታ ኧትቬጠሁዋ ሰቭንኋዋ ። ⁷ 7. እም ኧኽረ ጎይታ ኧረመደናሁዋ ኹዳ ሰቨኋ ትኾርዋይ ኤቬጠረናኹዋ ኧእሮሜ ሰቭ እንማኹዋ ፤ ታአቦንራ ተጎይታይ ተጌታንራ ተኢየሱስ ክርስቶስ ጠጋይ ወገሬት አኹዋአር ኧኽር ። ^{8 9 10} 8. አኹም በክርስቶስ አመርኹታ ትረውርዋኸበአለም እንእ ኤትኼሬ ኧኸሬ ትንአር ኢፍቲ በኢየሱስ ክርስቶስ አጋድ እንማኹዋ ኧጌታንራ ሽኩርት ኢኩ ። 9. እንእ ግዝየ በጠሎትኛ ኧዘግድኹኸ ኧችኋአር ይኢድካ ወንጌል ትኒኢድካ በውረምነኛ አጌክርኩዳ ጎይታኛ ይኺኒ ። 10. በጠሎትኛ እን ግዝየ አጫምጥኹዋ ዋአካቭ ኧቀጥወ በጎይታ ፍቃድ አኹሜ ኧቫአይ መያ ይከፍቲኒኸ ኧጠልኬ። ^{11 12} 11. ኢያ አኹዋይ ሜኤተሁታ ትቬተሁዋ ትሾኮዋኸ ዬቭካ መንፈሳዊአር አሻግትኹዋሜይ አሹሁዋሜ ኧሲእ ። 12. እመኸ ኧዋርትኛ ኢያ በአታትንራ እምነት ገግ በገግንራ ንትቁሟመነኸ ትንን። ^{13 14 15} 13. ኧሰማትኞ ኧተማትኞ ኢያ በኤኛ አረማዊ ሰቨ ኧኸርኒመኸ በአኹዋም ግት ኖኦራ መንፈሳዊ ቡስር አነዎታ ሰቨ ኧረኽቪይ ኖኦራግዝየ አኹውይ ኧቫአይ ትዥቭ ባነኾ ፤ዋአካ ስን ኧትኸናኹኸ ትኺርዋይ ኧሲ። 14. ኢያቨ በትሟርዋይ ባትሟርዋ ሰቨ ቢቬስርታይ ባይቬስርዋ ሰቨ ግት ኧክርስቶስ ወጌንጌል አስተምሪ አደራ አነቪ ። 15. ብእም ኧቫአ በሮም ትረውርታ አኹዋ ኧክርስቶስ ወንጌል ኢኢትኹዋይ ኧዥቭካ ኧዋትነዳ ። ^{16 17} 16. ኢያ ኧክርስቶድ ወንጌል በአውትኛ አቅቨጭካ ፤እመዳ አወተራቸ ኧአይኹድ ሰቨ ተኽም ቀጥወ ኧአረማዊ ሰቨ፤ አአሞርዊ ሰቨ እንእ ያተርፍካ ኧጎይታ ደረግን ። 17. ጻዲቅ በእምነት አያ ይኸር ቧርሙ ኧጣፊመኽ ተጎይታ ይረኹዊዳ ጽድቅ ቲኢፊቲ ቆኖሹም ኧቀጥወ ስን ኧወርአርኸረኸ ኧጎይታ ቃር ይኢድ ^{18 19} 18. ሰቨ በሙጥጥነትኋ ኧውረአር አይኺሪኸ ኤፎምታ ኧጥቦጭዋይ በሬጢርኹነዋ በውሼእነትኹነዋኧቫአ ኧጎይታ ማአት ተሰቫይ ይወትወቴ 19. ይቀጣኮይ አንዳአር ቢኺሪ አይኺሪአር ገግኋ ያትኼርኮይ ኧኸረዴ ፤ኹኖም ይኺር ^{20 21} 20. አይትረከቭ ጎይታ አፈረ ተሳቫይ ተትኽለቀወ ቀነሰ በፈጠረኖአር ኧትኼሬ ኧኸሬ ሰቢያአፋኩዳ ኢፋድ ያሳብብወዳአር ኤነነዳ 21. ኹኖም ኧጎታ ይሂሪመኸ ባዃሪትኹነዋ ህበጀይ ሽኩት አናቴኤነውነዳ ዘንጋ ጭን አሳብኹኖዋ ዋጋ ቢስ ኸረ ፤አይኼስርዋኸ ሂንሁኖዋ ጠነዃ ኧረ። ^{22 23} 22. ኻነ ቢዩሩም ጋዋ ኾርሙ ፤ 23 ኧዘላለም ኧጎይታይ ክብር ቼኦምምታ ይወንዲ ባንዳ ሰቪይ በሳቫይ ቢዎርርታ አፊይ ፤በዋጋይ በአፈር ፎር ቢሻውታ ፉጥር መርክ ሸጎርሙ ። ^{24 25} 24 ባቴ ጎይታ በቫጢር በትቬና ኧኺንኹኖዋ ቴሜኛት ገግ ተገግኹኖዋ ኧገግኽኖይ ሚሲየ ያሰኒኽዋኸ ኧውጥጥ ቴሜኛትኹኖዋ አዋኣ አአይፔረኖም ።25 ኧጎይታይ ኧውረኹዳ በኻሰታአር ሽጋጎርሙ ፤በፈጠረ ኹዳ ሟሪ ኧትፈጠራአር ይሰጉጅዋሜ ኧትጎዦታነዋአር ፤ ኹኖዋ ጭን ኧትከበረዳናአር አሚን። ^{26 27} 26 እም ሰቨ ኧቬናኹኖኸ ቢያትቅቨጭካ ተሜኛትኹኖዋ ይትጎዦዋኸ ኧጎይታ ያትቅቨጭካአር ዬዋኸ አዋአ አአይፔረኖም ። 27 እመኸቨ ገማኽናም ቲኢስቻኹኖዋ ታይኸ ኹኖም ተኹኖም በተመኛት ዣሾም ፤ገማ ተገማ ውጅር ተዳሞጁምታ ያቅቭጭካአር ኤፖም ፤ ኧውረ ኧኸረ ሜያ ኧጎፎርዋይ በገግኹኖዋ ፎር ቅጣት አዎኦም ። ²⁸ 28 ሰቨ ጎይተ ይኺርዋ አንሴኤዋይ ኧኸሬ ያቅቨጭካአር ዬዋኸ ጎይታ ኧውጥጥ ቴሜኛት አዋአ አአይፕረኖም ። ^{29 30 31} 29 ብእም ኧቫኣ ሁኖም በቫጢር፤ በበደል በውጥጥነድ፤ በውጥጥተመኛት፤ በተንኮል በምቀኝነድ፤ ኧሰቨ ደቨ በኋት፤ በመራክስቭ ባታሉልት፤ ደባ እንዳም ሜናዎም ፤እመኸ ኦዋደኝ ኾርሙ፤ 30 ኧሰቭ ያኦዎታ፤ ይረምድኮታ ጎይታ ይጠሮታበቂናወ ያትዋርጅዋታ፤ ትኢቢተኛ ኸጣ፤ ሙጥጣአር ዬውኮዳ፤ብላት ይሲኢዋ፤ አአቨይ አአዶድኹኖዋ አይቴኤዘዥታኖዋአር። 31 በኺንኹኖዋ አይቬስርዋ በዝሬከዊአር አይሸኮዋ፤ንማጀ ኤነኖዋ ቱኧ ሰቭኖዋ ። ³² 32« ዋኧ ዬውታ ሰቨ እንእ ኧዊይት አነቨዎዋ » ይካ ኧጎይታ ፍርድ ቲኺርዋ ዋዳ እንዳም ዬዋ፤ ኹኖም ዋዘንጋ እመኸ ዬውታ ሰቨ ስን ያትፋድጉዮዋ ።