1 . ኧፈሪሳ ሰቪ ተኢየሩስአሌም ከተማ ተዎኦዋ ተአታት ተሙሴ ቂጫ ባሪቅ ኢኢየሱሲ ሞኦምታ ኧቪየኋ ሞኦምታ ተስዎሰምታ ኤፖፒይ። 2 3 4 ተኢይሱሲ ተማሪ አታትሁኖዋ ኧቂጫኸ ኧጅሁኖዋ ታይታኦዋ ሸረድ ቲወሮታ እሸውዮምታ ። 3. ኧፈሪሳይ ኧአይሁድ ሰቨ እንእ ኧቫሪቅ ቂጫንራኸ ኧጅሁኖዋ አይታኦዋኸ ባአይ ቧንረ ። 4. ኽመኸ ተገያ ቲዠፖርታ ኧጅሁኖዋ ታይታኦዋ ባይወሮታ እመኸ ጥዋይ ትንኪየ ሳኽንሚ አልጋቪ ኤኛአር ኖኦራ ቂጫ ይኢይ ባንዳ ። 5 ኧፈሪሳ ሰቪይ ኧሙሴ ቂጫ ባሪቅ ኢኢየሱስ ኧቭር ተማርያኸ ኧአቦንራ ወገኸ ኧቦርት ቸኦምታ ኧቭራፈድን ባታኧቨ ኧጅሁኖዋ ይወሮታ? ቧርሙ ተሳአሪ ። 6 7 ኢየሱስቭ ዋኸ ቲይር ዠፐረኖም፥ነቢ ኢሳያስ አሁዋአሪ ኧኸጣ ሁኖዋአር ዋኸ ባረ ኧዝሬከመኸ <ዋ ሰቨ በአፍኋይ ያኸብዴ ፥ ኺንኋ ጭን ቲያ ኑኡያአር አራኧዳናአር ። 7. ኢያ እመኸ ያሆብጅኝ ትምኽርትሁኖዋ በኸረ በሰቨ ኧቴፐ ቂጫነዋ። 8 9 10 አሁዋ ኧጎይታ ኢዝዝና ታይኸር ኧሰቨ ቂጫ ቲኢዮዋ ባረኖም ። 9. ሃአቨታ ዋኸ ባረኖም «ቂጫ ቲኢዮዋይ ትትርዋ ኧጎይታ እዝዝ ትቺኢዋ ።10. ሙሴ አቭ ተአዶድ አኽብድ አትቭ [ባአቦኋ ወይ በአዶድኋ ሙጥጥአር ይዝሬካ ሰቨ በውድ ይትቀጣ ይቭር ። 11 12 13 . አሁዋ ጭን ዋኸ ትሩዋ አት ሰቨ አቦኋ ወይ አዶድኋ በኦዮት ሟሪ አቦሞኋይ ኧአዶድሞኋይ ኦነት አኖዳአር እንእ ኧጎይታ አቭሁ ቢይር ። 12. አሁም ኧዋኸ ሰቨ ኧአቦኋ ወይ ኧአዶድኋ ኦኖት አኖዳአር ዬቪይ አቲዊዳ።13. በሃቴ ኧዘር ብታአፑሪዳ ቂጫ ኧጎይታ ቃር ትሾርዋ ።እመኸ ኧሆርዋአር ኖኦራአር ዘንጋ ቴዋ። 14 15 16 . ሃአቭታ ኢየሱስ ሰቨ ሁኖዋ ኧሁዳይ ይዎኦዋኸ ኸናኖምታ ዋኸ ባረኖም ፥ሰማሁሚይ እንማሁዋ በስርዋ ። 15. ሰቨ ያሰንኩዳ አንዳ ተኺን ይዋአካ ሙጥጥ ዘጋን ባሃሬ ተሰቻአጋድ ኧከሲ ይገቫካ ሁዳ አያሰንካ ። 16. « ይሰቫአካ እዝር አነንዳ ኧስቫአ » 17 18 19 . ኢየሱስ ተሰቭ ሁኖዋ ቴቫተረታ ቢድ ከስ በገፓ ቀጥወ ተማሪኋ ሟሟካ ሁዳ ተሳአሪ ። 18. ሁዳቭ አሁዋ ዋ ዘንጋ አንገፓናሁዋታ? በሰቭ ከስ በግፓጋ ያሰንካአር አታአር ኤንዳ ። 19. ሸረድ ሁዳ ይገቫአካ ኧኺኒ ታይኸር ታይኸር ኧከስኔ ይገቫ፣ተኽም ተቭሲየ ይዋአ ብሃሬ ። ኢይሱስ እመኸ በዋርትኋ ሽረድ እንእ ንጡኽ ኧኸረኸ ኤኤደ። 20 21 22 23 . ሃአቭ እየሱስ ዋኸ ባረኖም ፥ ተሰቨ ይዎኦታ ሁኖተን ሰቨ ያሰነሁታ ። 21. ተሰቭ ኺን ከስ ይዎኦታ ሙጥጥ ጩሟጨ፥ ቴኤኛ ሰቨ ውጅር ኧድሙት ፥ ኧስርኡት ፥ሰቭ ኡኡ፣22. ጠርጠር ኧዋ፣ቡሼአር ኧሁ፣ኧቆቅ ፣ ቲኢስቻ ኧቧሉጉት ፥ ቀቨጥ ኧቶእትም መጣቆናኧሁርት ፥ሹው አአፎት ፥ንዎስርነድ እንዳም ዋሁኖተነዋ ። 23. ኧዋኸ ሙጥጥ ዘንጋ እንዳም ተሰቭ ይዎኦምታ ሰቨ ያስንሁዋታኖዋአር። 24 25 26 ኢየሱስ ተኽሜ ተረሳታ ጢሮስ «ገኝ ወረ፥በአት ቢድ ገፓ ኽም ቢድ ኧጉኦትኋ እማት ሰቨ ይኺርዌ አንሴኤ.ዳ።25. ኽም ትኽም እንሲየ ገረድ ጅን ኧጠበጠቫ አት ሚሽትኢኢየሱስ ዋራይ ተሰማችመኸ ኧሁድሜ ማአችታ በኧግርኋ ተፌጠቨች ።26. ሚሽት ሂዳ በሲሮፊኒቃ ገኝ ኧቴኤንች ኧግርክ ሰቨ ባነቸ ። ሂዳቭ ጅን ሁዳ ተገረድሽ ይዋአኸ ኢኢየሱስ ሳአረቸን ። 27 28 . ሁዳ ጭን ኧዴጋኋይ ሸረድ ውሽተታ ኧግየ ኧቋሽት ወኼአር አኸረዳ ፥አወተረ ዴንጋኋ ኡኡፎይት ባረና ። 28. ሃአበችታ ሂዳ «ኧውረምን ቢኸር ጊየ ስን ተዴጋ ሁኖዋ ተወተኧ ኝጫጨዋድ ይዎሮዋ ባረችታ ዠፐረቸነ ፥ 29 30 . ኢየሱስቭ«ዋኸ በዋርታሽ ጅን ሁዳ ተገረድሻ ዋአና » ባረና።30. ሂዳቭ ቢድሻይ በዠፐረች ቀጥወ ገረድሻ በአልጋ ፎር በትገተረቺ ጅን ሁዳ በገፈረናይ ነከቨቸና ። 31 32 . ተኽም ኢየሱስ ተጢሮስ ገኝ ተረሳታ ፥በሲዶና አጋድ አስር ከተማ ቢዩሪዳ ገኝ ኤፐታ ኧገሊላ ባሪ ማአ ። 32. በኽሜ ሰቨ ሁኖዋ እዝርኋ ኧጥራቆርብናአሪ አነድሞኋ ኧጠበጣአር አት ምስ ኢኢየሱሲ አዎኦም ኧጅኋ ኧዲክተወታ ይጠልይነኸ ሳአሪ ። 33 34 35 ኢየሱስቭ ምስ ሁዳ ተሰቨሁኖዋ ባቴረታባዋአን ቀጥወ አጤኋ በቭስ ሁዳ እንዝር ፥ተኽም ኢትፍ ባረ ኧቭስ ሁዳይ አነድ ሙሻሸን ፥34. ኢየሱስ ኧሳቫይ ኤፐ ጠለየ «ይፍታኽ» ባረን ። እመኸ ኧዋርትቭ «ተከፈድ»ኧዋርትን ። 35. ኽም ተኽም እዝርኋ ተከፈደነ አነድሞኋ ተፈታንታ ጌከረ ኧዞግት ቀነሰ። 36 37 ኢየሱስ እም ኧተ ዘንጋ ኧአትሞኋ አይኢጅዋኸ ኤዘዘኖም ፥ቢኸር ኧሰቨ ሁኖዋ አይዝሬኩዋኸ ቢይኢዝዝኮም ሁኖዋ ጭን ዘንጋኋ ኧኖኦራ ሰቨ ኤኤጁም ። 37. ኧሰሞዋ ሰበ እንእ ቡሼኤኸ ወግ ኸረዎምታ «ኤፐናአር እንእ ወኼአር ኧከሬ ጣንቆራ ሁኖዋ ይሰኦዋኸ አነድሁኖዋ ኧጠበጠዎዋ ሰቨ ይዝረኩዋኸ ኤፐ ቧርሙ።