¹ ተቀሪ ቀር ቀጥወ ኢየሱስ ቅፍርናሆን ከተማ ተዥፐረመኸ ቢድ ከስ ኧጉኦትኋ ሰቨ ሁኖዋ ሰሞም ። ² ቢድ አንቨቃ ባረታ በወረጀ ስን ይሽኮኮዳ ኤኤዲ ቲወኽሪ ስን ኖኦራ ሰቨ ተደሞጅሙ ። ኧሁኖም ኧቃር ይኢድኮዋ ባንደ ። ³ በኽም ግዚየ አርቫት ሰቨ አት ሽባ ምስ ፌነጉም ኧሁዳይ አዎኦይ ። ⁴ ኖኦራ ሰቨ ኧረፐሬ ኧኧኸሬ ኢየሱስ አኖዳ ኢኤዲ ኢቴኤነውዋኸ ቢወሁርዋ ኢየሱስ ባኖዳ አጋድ ኧሱኡር ቢድ ኮፎኩምታ በጂፐኋ በትገተረመኸአወንጂ ። ⁵ ኢየሱስ ያትርፍኩሴ ቧርሙ ኧትማሞርዋኸ ኧሃሬ ኧ«ተፈነኸ » ባረን ። ⁶ በኽመኸ ኧቸኖዋ አታት ኧሙሴ ኧቂጫ ባሪቅ ኧዋ ዘንጋአር በሂንሁኖዋ ዋኸ ባርሙ ። ⁷ «<ዋ ምስ ኧጎይታ ኧዋኸ ቂናወ ኧቭር ኢቀርቭ? ተጎያ ኤኛአር ባጢር ኢፈኢ ኢኸነዳ ማንተን »ቧርሙ ። ⁸ ኢየሱስቭ ኽመጋ በመንፈስኋ ሃረት ኧዋኸ አአር አጫመጭዋኸ ሀርታ «ኧቭር በሂናሁዋ ኧዋኸ አአር አጫመጥሁም? ⁹ ኧሽባ ሁዳ ባጢራኸ ተፈኧነኸ ተዋርቲቪ ተሳ ጅፓኸ ፈንግ ሆር ተዋርት ኧተሁኖዋ ኢረእ ኢረኧዝ? ¹⁰ ዘጋጭን ኧሰቨ ተከ በአፈር በፎር ባጢር ኢፈኢ ደረግ አነነኸ ትሂርዋኸ ባረታ ን ። ¹¹ « ኧሽባ ሁዳ ተሳ ተሳ ጅፓኸ ፈንግ ቢዳኼ ሆር እኸ » ባረን። ¹² ሽባ ኧረፐረ ሁዳ ኽመጋ ተረሳታ በሰቨ እንእ ኢፍቲ ጅፓኋ ፌነገ ዋአ ። በኽመኸ ኧረፖርዋ ሁኖዋ እንእ ዘንጋኋ ወግ ኸረዎምታ እእሸኸ አአር ስርም ኧሽተነ አንሂነዳ ቧርሙኧጎይታ ሽኩርት አቴኤነውም ። ¹³ ኢየሱስ ሀአቨ አት ኧባር ሞሬ ወረ ኖኦራቭ ሰቨ ኧሁዳይ ማአ ሁዳቭ አትመረኖም ። ¹⁴ ሁድቭ ሀአመያ ቲያርካ ቀረጥ ቢያጭኮዳ ኤኤዲእእልፍዩሲ ኧች ለዊይ በቸና ኤኤዲ አሸንታ« የኸ ተኸተሬ »ባረን ። ¹⁵ ተኽም ቀጥወ ኢየሱስ በለዊይ ቢድ ሽረድ ኢቨራይ ቸና ኖኦራ ሰቨ አሄተሪ ኧረፐሬ ኧኸሬኖኦራ ቀረጥ ያጭታ ሰቪይ ኤኛ ባጢረተኝ ሰቭ ተኢየሱስቪ ተተማሪሞኋ እማትሜ ቸኖም ሽረድ ኢወርዋ ባንደ ። ¹⁶ ኧፈሪሳ ሰቨ ኧሆርዋ ኧሙሴ ኧቂጫ ባሪቅ አሸውምታነዳ ሁዳ ተቭር ቀረጥ ቲያጭታ ሰቪይ ተቫጢረተኝቭ ሰቨእማትሜ ቸና ሸረድ ኢቨራአ? ቧርሙ ኧተማሪኋ ተሳአሪዮም ። ¹⁷ ኢየሱስቭ ዋዳ ሰምአታነዳ «ኧቫአሺየ ባከሬ በፋይነዳ አነዳ ሰቨ አኪም አያሲእኩዳ »ኢያቭ ኧቫአሁ ባጢረተኝ ንሳሃ አገአይ ማአሁ ባሃሬ ጻዲቅ ሰቨ ንሳሃ አገአይ አኸሬይ አማአኋ »ባረኖም ። ¹⁸ ኧዮሐንሲሜይ ኧፈሪሳሜ ሰቨ ተማሪ አንጦሙዋይ ኧረፐሬ ኧኸሬ አታት ሰቨ ኢኢየሱሲ ሞኦምታ «ኧዮሐንስ ኧፈሪሳ ሰቨሜ ተማሪ ቲጦምታ አኼ ተማሪ አይጦሙዋ ሁዳ ኧቭራፈድን? » ቧርሙ ተሳአሪ ። ¹⁹ ኢየሱስ ዥፐረታ ዋኸ ብረኖም «ምሽረኝ ታነ ሙዜ ሁኖዋ ኧተኸይጦሙ? ምሽረኝ ተሁኖዋ ታነ ሁኖዋ ኧጡምት ኤነዎታ ። ²⁰ ቢኸርቭ ጭን ምሽረኝ ተሁኖዋ ኢፍቲ ኢወስጅኮዳ ግዚየ እቫአኬ ሀአ ግዚየ ኢጡሙዋሴ ። ²¹ በጉስ ሁጅር ወያ ጣፉድ ኢጠፍካ አትቭ ሰቨ ኤንዳ ዋኸ ቢኸር ጭን ወያ ጠፉድ ሁዳ ኧጠው ሁጅር አቸ ተአወተረ ሁዳ ይቭኧስ ይትዠኣር ። ²² እመኸቭ በገነዘ ኧጠጅ ገንባ ወያ ኣወይን ያወራካ ኤንዳ ቢያወራ ጭን ኧወይን ጠጅ ሁዳ ኧገባ ሁዳ እሰቭርኩ ጥጅቭ ሁዳ እትሁእ ገባቭ ሁዳ ኢትሰፐር በኽም ኧቫአኧወያ ኧወይን ወያ ገንባ ያትሲእኩ ። ²³ በሰንበት ቀረ ኢየሱስ በስኔኧ ዝኝኧ ግት ቲያርካ ተሁዳ ያርዋ ኧረፖርዋ ተማሪኋ ኧሲድ ኦዎጥሽት ቆነሹም ። ²⁴ ኧፈሪሳ ሰቨ ኢኢየሱስ ተማሪያኸ በሰንበት ቀረ ተቭር አይኔአር ይንኦዋ ቧርሙ? ተሳአሪ ። ²⁵ ኢየሱስቭ ዋኸ ቲይርዠፐረታ «ዳዊት ጋደንታ ሸረድ ባሴኤን ግዝየ ተሁድ እማትሜ ተረፖርዋ ሰቨ ኤፐአር አናረበብሁዋታ? ²⁶ በአያተር ኧካሀን አለቃ በረፐረወ ዘቨር ዳዊት ገፓታ ካኽናት ባሀሬ ኤኛ ሰቨ ኢቨራኩይ አትፈቀዳአር በጎይታ ኢፍቲ ኧቸና ሽረድ በናታ ተሁድ ኧረፖርዋ ሰቨ አቨኖም።» ^{28 27} ዠፐረታ ዋኸ ባረኖም «ሰንበት ኧስቨ ተፈጠረ ባሃሬ ሰቨ ኧሰንበት አትፈጠረዳ ፥ ²⁸ ባቴ ኢያ ኧሰቨ ኧች ኧሰንበት ጌታንሁ » ባረኖም ።