1 2 . ኧሰምበት ምረጋ መግደላዊት ማርያም፣ኧያቆብሜ አዶድ ማርያምቪ ሰሎሜቭ ኧኢየሱሲ ኒሳ ያረዝቫኴ ሽቶ ስራቫም።2. ውርሰንበት እረርኧ አየድ ተዋአመኸ ኢየሱስ ኤኬኰ ᎀገማይ ቲያራም ታና ፤ 3 4 እቭር ሁዳ ማን አከቭሪተ ያፈካንረዴ?ባራም ህናም ተህናም ኢዝረካ ባነደ።4. ህመኸ ተቫራ ቀጥወ መመርህና ነሻም ቢያዣ፣ኧኢየሱሲ ቀብር ኤኤᎈኰ ኑኡየ እቭር ክቨነረ በፈካ ኤኤዲ ነከባዪ። 5 6 7 ኧቀብር ሁዳ ከሲ ገፓመኸ፥ ጓድ ሁጅር ኧትኸተረ ዘርማ ምስ አሻምታ ደነኧናም።6. ሁዳ ጭን አይድረእሀ አሀ ትስአይዳ ኧናዝሬት ኢየሱስ ኧኸረኸ ሀርሁ፤ሁዳ ተውንድ ተረሳ ዌኤዲ ኤነዳ፤እኩ ኒሳሞኋ ኧዌኮኰ ቀብር ዋዳን ኧዣይ»ባረና።7. ዘንጋ ጭን ኧዋ ኢፍቲ ኤኤደናሁዋመኸ ብደይተናሁዋ ገሊላ ያርኴ ባሀይ ቶዢሴ ባራም አውጃዮዋ » ባረኖም። 8 ህናም ቲይረኧድካሚ ወግ ቲኸርቫም ሴካም ተቀብር ከስ ዋአም፤ፈኛምቭታ አሻይ ዘንጋ አአትዎኋ አኔኤጃታ። 9 10 11 ተውንድ ተትረሳ ቀጥወ ሰንበት ምረጋ ሳቭአት ሼጣን አዋአና ኧመግደላ ማርያም አሸቸን።10. ሂድ ኢኢፍት ተሂዳ ኧረፖሩዋ ሰቪ ወረችታ ተወጠጩም ቲዎሁታ አሸቸኖም ፤ኧሁኖም ኢየሱስ ተውንድ ተረሳታ አሸቸነኸ ኤኤደቸኖም።11.ሁኖዋ ጭን አናአሞሪያዳ። 12 13 ተህም ቀጥወ ተከተማ ዎኦም ኧኛይ ያሩዋ ኧረፖሩዋ ኧውሬት ተማሪኋ ተረከቨኖም።13. ሁኖም ተዠፖርም ዎርምታ ኢየሱስ አሸዊኸ ኧኧኛ ተማሪኋ ኤኤጂዮም፤ኧሁኖም አናአሞሪዮታ። 14 15 16 ተህም ቀጥወ ኢየሱስ አአስረ ውርኤቸ ተማሪኋ ሸረድ ቲወርኧታ ማአ ተራከቨኖም።አናአሞሩዋሜዪ ሂሞሁኖዋ አቶፖዋይ ማአቸዎም።15. « አሁዋ ባአለም እንእ ዞውሩዋ እም ወንጌል ኣሰቭ እንእ አዉጁዋ።»16. አአመረቪ ኧጠመቀቭ ሰቭ ኢተርፍ፤ አናአመረ ሰቭ ጭን ኢትፈንድወ፤ 17 18 አአሞሩዋ ሁኖዋ ዋ መርኸት ያሽቴ፥በሱውኛ ሼጣን ያዎኦቴ፣ባይሂሪቭ ቃር ኢዝረኩቴ፤18. ኧሳአር ጭረ በኧጅሁኗ ኢጠጭቴ ፣የኧትርካቭ መርዝ ቢሰጩዋቭ አየኧትርኮታ፣ኧጅሞሁኖዋ በጮረኗ ሰቭ ፎር ያድጉቴ ፣ሁኖም አፍያ ኢሆርቴ።» 19 20 ጌታ ኢየሱስ ዋዳ ቤኤደኖዋ ቀጥወ ኧሳቫዪ ዋአታ በጎይታ በቀነ አጋድኋ ቸና።20. ተህም ቀጥወ ዦርምታ ኧሰቭ እንእ ወንጌል ኤኤጁም፤ጎይታቭ ተሁኖዋ እማቲ ዬቭ ባነደ፤ወግ ሜነ ዬኰዳ ደረግ ኢኮምታ ቃርኋ ውረአአር ኧኸረኸ ያጪግ ባነደ።