1 2 3 1. ተህም ቀጥወ ኢየሱስ በጥብሪያዶስ ባር ሞሬ ሀአቨ ኧተማሪኋ ተረከቨኖም ፤ኧትረከቨኖም ዋኸ ባነደ ።ስምኦን ጴጥሮስ፥ ኧለምቺየ ኧዋሪ ቶማስ፥ ተገሊላ ገኘ ኧቃና ቃያ ናትናኤል ፥ ኧዘብዴዮሲ ዴጋቪ ኧኛቭ ውርኤት ተማሪሞኋ እማቲ ባነውተ። 3. ህም ግዝየ ስምኦን ጴጥሮስ «ትእሀ ከስ አሳ አዋአይ አርኴ» ባረኖም። ሁኖም «ኢና ታኸ እማቲ ናነዴ» ቧሪታ በቨርከብ ጎፖም ቸኖም፤ ዘንጋ ጭን ባሀ ኧዳር እማት አሳ ስን አንጠቦጭታ፤ 4 5 6 4. አፈር ጋእ ቲይካ ኢየሱስ በቫር ሞሬ ማአ ተሸከቨ ፤ ተማሪኋ ጭን ኢየሱስ ኧኸረኸ አኋሩዋ ባነደ፤ 5. ኢየሱስቭ« ዴንጎ አሳ አነነሁዋ ? ባረኖም፤ ሁኖም «አታአር ኤነንረዳ» ቧሪ።6. ሁድ መረባሁዋ ተመርከብ ሁዳ ቀናጋድ ኦንኦም ኦዱጒ ትኮውዋሴ» ባረኖም ፤ ሁኖም መረብሁኖዋ በቫር ፎር ዝራኮዪ፤ኖኦራቭ አሳ ኧጠቦጩዋይ ኧኸሬ መረብ ሁዳ ሻይቶ ኦኦት ኤመኖም። 7 8 9 7. ህም ግዝየ ኢየሱስ ኢረንድኩ ኧረፐረ ተማሪ ኧጴጥሮስ «ዋዳ ጌታ ኢየሱስንሽ» ባረን ፤ ስምኦን ጴጥሮስቭ « ጌታ ኢየሱስን» ቲይካ ቢሰብአ ሜና ዬቪ አሆነቀን ሁጅርኋ ካች ባረ ተኸተረታ ዘከረ በቫር እሀ ገፓ። 8. ኧኛ ኧኢየሱሲ ተማሪ ጭን ታአፈር አሮኡዋ ሁዳ እማት በኧር ሜትር ኧረፐሬ ኧኸሬ አሳ ኧቬንአዋ መረብ ቲሾውዋ በጀላ ሞሬ ዎኦም። 9. ሰቻሜ ቦዎኦዋጋ ፣ ቦፎርኋ አሳ ኧረፐረወ ፌቭቪ እንጀራቭ አሾም። 10 11 10. « እንዴ ዋአካ ተጠበጥሁዮዋ አሳ ኦኦዋ» ባረኖም።11. ስምኦን ጴጥሮስቭ በጀልባ ገፓታ በኧር አምሳ ሶኦስት አሳ ኧቬንአወ መረብ ሰቻይ ሻቨ አዋአን፤ እመጣካ አሳ በጠበጠሜ መረብ ሁዳ አድዠኧረዳ። 12 13 14 12. ኢየሱስቭ ኧተማሪኋ «ዮሁዋ ቡርኦዋ» ባረኖም፤ ሁኖም ጌታ ኢየሱስ ኧኸረኸ ኧኋሩዋይ ኧኸሬ ተተማሪኋ «አኸ ማንተንኸ?» ባይተ ኢትሳአርኲ ኧደፈረ ሰቭ አነፐረዳ ። 13. ኢየሱስቭ ማአታ እንጀራ ሁዳ ነሳ አቨኖም፤አሳቭ ሁዳ አቨኖም።14. ኢየሱስ ተውድ ተትረሳ ቀጥወ ኧተማሪኋ ቲትረከኮታ ዋዳ ኧሶኦስተኘ ግዝየ ባነደ። 15 16 15. ቦኦንኦም ቀትወ ኢየሱስ ኧስምኦን ጴጥሮስ «ኧዮና ትከ ስምኦኖ ተዋሁኖዋ ኢረእ ትረንዴዪ? » ባረን።ሁድቭ «እንከ ጌታኞ ኧረንድኸኸ አኸቭ ትሂር» ባረን፤ ኢየሱስቭ «አዝጓጉረኘኛ ዋአር»ባረን። 16. ኢተሱስቭ ኧውርኤተኘ ግዝየ፣ «ኧዮና ተከ ስምኦኖ ኧውረ ትረንዴዪ?»ባረን።ሁድቭ «እከ ጌታኞ ኧረንድኸኸ አኸቭ ትሂር» ባረን።ኢየሱስቭ «ጣይኛ ዋአር» ባረን። 17 18 17. ኧሶኦስተኘብ ግዝየ «ኧዮና ትኮ ትረንዴዪ?» ባረን።ጴጥሮስ ኧሶኦስተኘ ግዝየ ኢየሱስ ትረንዴይ? ባረ ኧትሳአርኒ ኤኤንታ ፤«ጌታኞ አኸ እንእአአር ትሂር ፤ኧረንድኸመኸ ትሂር»ባረን። 18. ኧውረመኛ ኢኢድኸ ወዴያ ታነኸ ሁጅራኸ ገጋኸ ተኸተርኸታ ኧሳረናኸ ኤኤዲ ታር ባነደ፤ ትድገርዝካ ጭን ኧጃኸ ዝራጌተኸታ ኧኛ ሰቭ ያኸድርኸዴ፤እንሴኤኸንቭ ኤኤድ ኢወስትኸዴ»ባረን። 19 19. ኢየሱስ ዋኸ ኧቫረ ሁዳ ጴጥሮስ በቭር አይነት ሙድ ሙችተ ጎይታ ያከብረኸ ያቲሽኔ፤ ተህም ቀጥወ ኧጴጥሮስ «ተኸተሬ» ባረን። 20 21 20. ጴጥሮስ ተዥቫፐረታ ኢየሱስ ኢረንድኩ ኧረፐረ ተማሪ ቲትሄተርኮታ አሸ ፤ እም ተማሪ ኧርቫድ ቲወርኧታ ኧኢየሱሲቴኤነቨታ ብእዝርኋ «ጌታኞ ኤኤተ ኧጠራት ያአይፕርኽዳ ማንተን ? »ባረ ኧትሳአረን ሁተን።21. ጴጥሮስቭ ኧዋ ተማሪ አሽንታ « ጌታኞ ኡክ ምስሁ ማኸ ኢኸርኴ?»ባረ ኧኢየሱስ ተሳአረን። 22 23 22. ኢየሱስቭ «ኢያ ተዣቨይተሁ ትንቫአ ስን ባአያኋ ኢረቭሪ ፍቃድኛ በኸረሁ ምር አጀገረናኸ? አኸ ኢኢያ ተኸተሬ»ባረን።23. በህም ኧቫአ « ዋ ተማሪ አይዎድካ » ይካ ዋራይ በክርስቲያን ኧሰማት ግት ተዘንአ፤ዘንጋ ጭን ኢየሱስ ኧቫረ« ኢያ ተዣቨይተሁ ትንቫአ ስን ሁዳ ባአያሞኋ ኢረቭሪ ፍቃድኛ በኸረሁ አኸ ምር አጀገረናኸ» ባረ ባሀሬ አይዎድካ አባረዳ ። 24 25 24. ኧዋ ዘንጋ እንእ ሄቶ ኧኸረ እሞሁኖዋ እንእ ኧጣፈ ዋ ተማሪን፤ ሁዳ ሄቶ ኸረ ኢኢድኩዳ ቃር እንእ ውረ ኧኸረኸ ኢናቭ ንሂነ። 25. ኢየሱስ ኤፐኖዋ ኖኦራ ወግ ዘንጋ አነውዋ፤እንእ ኤኤድሁኖዋይ ቢጦፍዮዋ፣ ኧጣፉዮዋ መጣፍ እንእ አለም ኢቨቃካ ኤኤዲ አነነዳአር አይቨስሬዳ።