¹ 1 ዋአካቭ ደንገኘ አሁዋ የሁዋ ሱዉኦዋ ኢሰርአቨሁዋታ ጅጓረ አአር ቡሁዋ ፤ዋይ ዋይቭ ባሩዋ ። ² 2 ዱኒያሁዋ ቦሸ ባረ ሁጅርማሁዋ ንእስ በንአን ። ³ 3 ወርቅማሁዋዪ ብርማሁዋ ቦሸ ባረ ቦሸ ኧቫረሜ ኧኸሬ ዘር ኢኸርቨሁዋቴ ።ምሲየማሁዋ እእሳደኸ ኢቬኪርኩዴ ኣዋ ኢኢ ዘቨር ኢኸርሁዋታ አአር ኖኦራ ዱኒያ ቁጥ ኤፐሁም ። ⁴ 4 ኋሩዋ አፈራሁዋ ቲቹጁዋ ኧዋአሩዋ ሰቭ ኧካስህኊ ዶሞዝ ባሁዋ ፎር ኮ ይቭር ዝኝኧ ያጭታ ሰቪ ኮት እንእ አአር ቢኸነዳ ጎይታ እንዝር ገፓ ። ⁵ 5 ባአፈር ፎር በትጋኦትቪ በሳርትቭ ነፐርሁም ምሲየማሁዋ ያጪዳ ቧዉራኸ አቄኘሁም። ⁶ 6 ታሁዋ አንትራኮሱዋ ጥርር ሰቭ ፈንድህኮም እኧተርሁዮምቭ ። ⁷ 7 አካ ኧሰማትኞ ክርስቶስ ቲቫአ ስን ተቋቶዉም ኦሮዋ ፤ ቻዋጅ ኢኢፍትመዪ ኢእሜ ዲየ ቲረህቭ ስን ፈነኸታ ወሄ አአፈር ሙርት ይኢየኸ ኦዡዋ። ⁸ 8 አሁም ህመኸ ፍሮሁዋ ጌታ የሱስ ኢቫአዎዳ ግዚየ እኧሰንአይ ኧኸሬ ተቋጦዉም ኦሮዋ ።። ⁹ 9 ኧሰማትኞ አሁም ታሁም አትቁጨጩዋ ሃአ ባኸረ ኢትፈንድወሁዋቴ እኩ ኢፈርድካ ሁዳ ማአ ሰንአ። ¹⁰ 10 ኧሰማትኞ ኧጎይታ ሹቭ ነሾሙ ኧዝሬይከዉዋ ነቢ ኧሰንአዎዋ ጅጓረ ቴኤፖርሙታ ኢና ወሄ መርኸት ኧሆርንረኸ ኋሩዋ ። ¹¹ 11 ህመኸቭ በፋራይሂነድ ትቶፖሙ ኧትሸኮዉዋ ሁኖዋ «ኧትዳርታኖዋ አአር »ንቭርነየዋ ፤ኢዮብቭ ኧተኸ ኧፈነኸኸ ሰምአህም ጌታቭ ተቀጥወ ኤፐነ አአር አሸሁም።ጎይታቭ ኧቀጥወ ኤፐነ ወሄ ዘንጋ አሸሁም ፤ብእመዳ ጎይታ አፉ ይቭካአአርቪ ሚራቭ ኧኸረኸ አሸሁም ። ¹³ 13 ባሁዋ ግት አጀገረን ሰቭ በረፐረ ኧጠልይ ፤ኧሳረን ሰቭ በረፐረ ኧሽኩርት መዝሙር ኧዘምር። ¹⁴ 14 ባሁዋ ግት ኤኤመን ሰቭ በረፐረ ኧቤተ ክርስቲያ ባሪቅ ኧህራታ ሁኖዋ በጎይታ ሹቭ ዘይት ኧኋኡሙ ኧጠሊነ ። ¹⁵ 15 ቦኦዎርት ኧጠለዪ ጠሎት ኤኤመን ሰቭ አፊያ ኢንአ ጌታቭ ተቫአሾኋ አፊያ ኢንአኩ፤ኤፐንቭ ባጢር በረፐረ አፉ ይቭኩ። ¹⁶ 16 እመኸ ኧኸሬ አሁም ታሁም ባጢራሁዋ ተራዘዡዋ አፊያቭ ኢሆሩዋኸ አታሁዋ ጠሊይዋ ፤ኧፃዲቅ ሰቭ ጠሎት ኖኦራ ወሄ ዘንጋ ዪንአ ። ¹⁷ 17 ኤልያስ ኢናመኸ ሰቭ ባንደ ዘንጋ ጭን ድየ አያድገኸ አተፓ ጠለየ ።ባአፈር ፎር ሶኦስት ዘቨር ተግት ድየ አናተገዳ። ¹⁸ 18 ሃአቨ ጠለየ ተሳቫይ ዲየ አተገ አፈር ብርኧ አረምአ ። ¹⁹ 19 ኧሰማትኞ ታሁዋ ግት አት ሰቭ ቶሄ መያ ቢዋአ ፤ኤኛ ሰቭ ኦሄ መያይ ቢዠፕርኩ፤ ²⁰ 20 እመዳ ቦስሩዋ ባጢረተኘ ተድቫፐረወ መያ ኢዠፕርካ ሰብ ነብስኋ ተዉድ ያተርፍኩ ኖኦራቭ ባጢር ኢኢፍ።