¹ ኧሰማትኖ አት ሰቨ ማኒም በጢር ቢዬቭ ኧጎይታ መንፈስ ታአዘዝሁም ትረውታ አሁዋ ኧዋኸ ሰቨ በሚርነድ ገኩሪ፤አኸቭ በቫጢር ባትወዲኢ ኧገጋኸ ትጤፐቭ። ² አሁም ታሁም በትጋጎዥት አአትሁዳይ ፉንግ ኧአትሁዳ ኧፈንግ፤በዋ አይነትኧክርስቶስ ቂጫ ተኦዮዋሴ። ³ አት ሰቨ ቴኤኛኋ ይፈስካአ ታይረቭርኩ«ኢያ ተኤኛ ሰቨ ኧረእ» ባይተ ቢያጫምጥ ገግኋይቄቅ። ⁴ እን ሰቨ ኧገግ ኧገግኋይ ሜና ኧዥ፤ተዋቀጥወ ገግኋ ቴኤኛ ሰቨ ቲያትዋናካ እማት ገግኃ ቤፐናአር ይትጋጌዚ ይኸነ። ⁵ ሰቨ እንእ ኧገግኋ ፉንግ ኧፎንግ አኖ። ⁶ ኧጎይታ ቃር ይትማርካ ሰቨ ተአስተማሪኋ እማትሜ ወኼ ዘንጋ እንዳም ይሻከድ። ⁷ ገጋሁዋ አትቆቁዋ ሰቨ ኧዘናን ሁዳ ይፋጪ ኧኸሬ በጎይታ አይጋጌዥኮዳ። ⁸ ኧገግኋ ቴሜኛት ይሽኔ ይዘራካ ሁዳ በገግኋ ሙድ ያቫአ ኧጌታ መንፈስ ይሽርኩይ ይዘራካ ሁዳ በመንፈስ ኧዘላለም አያ ኸረ ይረቭር። ⁹ ወኼአር ተኖት አንቆጠቭነ ፤ከስ ታናጥነ ብንዘራነ ጎርኋ ቲሰራካ ንስቨስቭነ። ¹⁰ ቢኸንረዳ ደረግ ኧሰቨ እንእ ይረካሞኋ በክርስቶስ አነውታ ሁኖዋ ወኼአር ነናኔነዋ። ¹¹ ኧኧተኸ በኑእ ኑእ ፊደል ኧጣፍነኩዋኸ ኧዥዋ ። ¹² ሰቨ ያዥኖይ ቲይርዋ ቢየዊዳአር እንእ ይትጋጌዥታ ሰቨ አሁዋ ዘገር ያጎኦኩዋኸ ይኢዚዡዋ፤ ዋኸ ዬውታ ሰቨ ኧክርስቶስ ባይተዋ ባይሰተጁዋነኸ። ¹³ ሁኖዋ ባሁዋይ ዘገር ባጉዎት ይትጋጌዥዋይ ቲይርዋ ዘገር ያጎኦኩዋይ ሴኤሙ ባሃሬ ሁኖዋ ጭን ዘገር ቢያጎኦዮም ቢኸር ቂጫ አኢዮታ ። ¹⁴ ጌታ ኢየሱስ ክርስቶስ ቤኧ ተሰኧረ ኧወንደኸ ባሃሬ በኤኛአር ስርም አንዋቅጥካ ክርስቶስ በሰኧረወ አለም ኢያ ኧሰኧሬ ኢያ አአለም ተሰኧርሁታ ሞትሁ። ¹⁵ ዘገር ቢታጎኤ ባያጎኤ አታአር አያውድካ ያወድካ ሁዳ በክርስቶስ ወያ ፍጥረት ኧሁንትን ። ¹⁶ ዋ እዝዝ ቢቲኼተርታ እስራኤል እንዳም ኧጎይታ ወገሬቲ ፈራኺነድ ኧኽር ፥ ¹⁷ ሚሲየኛ ቲጎርፉኝዳ ኧወተኧቪ አንጉዝ ኢኢየሱስ አገልጋይ ኧኸርሁኸ ያቲሺኧኸሬ ተዋቀጥወ ማኒም ሰቨ ኢያ አያጀግሬዳ ። ¹⁸ ኧሰማትኖ ኤጌታንራ ኢኢየሱስ ክርስቶስ ጠጋ ተመንፈሳሁዋ ኧኽር ።