^{1 2} . በዋ ኧቫ አሁዋይ ኧአረማዊ ሰቨ ትንር በክርስቶስ ኢይሹው እስረኛ ኧርሁ። 2. ጎይታ አሁዋ ጥቅን ቲይር አጌኪርዌ አቬ ጠጋ ጌከርሁም ሃርሁም፥ ⁶ እም ሚስጥር ኧዋርት ወንጌል ሰሞምታ በቴኤፖርዋ አረማዊ ሰቨ ተእስራኤል ሰቨ እማትሜ ኣጎይታ ወራሽኖዋ ጎይታቭ በክርስቶስ ኢየሱስ ኢሁቴ ኧቫረን ተስፋ ቃር ኧሻኮይት አነቨዋ ኧዋርትን። ⁷ 7. እያቭ ጎይታ በደረግኋ ባቬ ጠጋ ኧዋ ወንጌል አገልጋይ ኸርሁ። ⁸ ኢያ ተቅዱሳን ሰቨ አአነስሁሰቨ ብኸር ፤በክርስቶስ ይረሁዊዳ ኑእየ ደንገይነድ ኧአረማዊ ሰቨ ኢኢዲ በጎይታ ዋ ጠጋ ኢያ ቴቬይ። ⁹ 9.ኧዋ ኢፊቲ በረፖርዋ ዘቨር እንእ ዘንጋ በፈጠረ በጎይታ ኧረፐረ ሚስጥር ኧጎይታ ጭሟጨ ኧተኸ ይቴፐኸ እንሞኋ አትኼሪ ቴቬይ። ¹⁰ እመዳ ይኧርካ በዋአካ ዘቨር በቤተክርስቲያን አጋድ ኧጎይታ ኻሪነድ በሰቫይ አውታ አለቃይ ዳኝ ሁኖዋ ይሂርዋነኸ። ¹¹ 11. እም ጎይታ በጌታንራ በኢየሱስ ክርስቶስ እመዳ ኤፐን ኧዘላለም አጫመጠንደንመኸ ። ¹² . ኢና ክርስቶስ በኋርትንራ በሁድቨ በኧወርትንራ በጎይታኢፊቲ ታንፈይነ በእምነት ንቴኤነቭኔ ይኸንረ ። ¹³ 13. እኩ ባሁዋ ኧቫአ ቢሰራቪዳ መከራ አሁዋ ክብራሁዋ ኧኸሬ በመከራኛ ኧቫአ ተስፋ እናጥሁዋ ባሁ ኧሰኧርኋዋ። ¹⁴ . ተዋ ቀጥወ በጎይታ አብ ኢፊቲይ ስሁት ወካሁታ ኧሰኧርነሁዋታ በዋዳ ኧቫአደ። ¹⁵ 15. በሳቫይ በአፈር አነዳ አቦሩስ እንእ ኧውረ ኧኸረሹው ይረኽቭክር ተጎይታኔ ። ¹⁶ 16. ኧከስር ሚሲየ ደረግ ያተቫካ በመንፈስ ቅዱስአጋድን ጎይታ ተክብር ደንገይነድኋ ይሁዋኸ ኧሰኧርነሁዋ። ¹⁷ እመኸ ታሁዋ ክርስቶስ በእምነት በኺናሁ ይረቭሪ በርማጅነድ ኧስር ውሽተሁዋታ ትትራኡዋኸ ኧጎይታ ኧሰኧር። ¹⁸ 18. ኧክርስቶስ ንማጅነድይ በተድነድሞኋይ ዴክነድሞኋ ምር ያአኽርካ ወኼነድኋ ተቅዱሳን ሁኖዋ እንግዚየ ቲቬሲሪኸ ይኸነሁዋነኸ። ¹⁹ 19. ቲሂሪዳ በፎር ኑእ ኧኸረ ኧክርስቶስ ንማጅነድ ቲሂርዋይ አትቭ በጎይታ ኧች ሙራ ሂንተሁዋ ገግኋ ትቲሜኝ ኧጎይታ ኧሰነሁዋ ። ²⁰ ሁዳ ዋካ ቢና ኧረታ ቢዬቭካ ደረግኋ አጋድ ትሰኧነ ትናጭምጥነ እንእ በፎር ኑአር አሬተ ዬቪይ ይኸነዳ ጎይታን። ²¹ 21. ሁዳ በቤተክርስቲያን በክርስቶስ ኢየሱስ በዘቨር እንእ ኸዘላለም ክብር ኧኹዳኧኽር አሚን።