1 2 3 1.አሁምቪ በሎዶቂያቭ አነውታ ክርስቲያን ቲያ ኢፍት ቲኢፍት ተራሄተውዋ አይሂሩዋ ሰቫአር ምርአካአር አትቫቅረኸ ትሂኒ ኧሲእ።2. ኢያቭ ሂንሁኗ ባአት ኢትሸከቭመኸዪ ንመጀ ኢረቭርኮመኸ ገኪቶምቭ በሲቶውዋታ ፣ቦጎይታ ሂን አነዳ ክርስቶስ ኢሂሩዋነኸ።3. ሀሪነድቪ ኧውዎስርትቭ እንእ አነውታ በክርስቶስ ሂንን። 4 5 4. ዋዳ ኢኢድሁዋታ ሁዳ ማንእየ ሰቭ ቃርኋ አጣዊተታ ባይቄቅሁዋኔ።5. ኢያ ታሁዋ ኖኢ ብንኸርቭ በመንፈስ ታሁዋ እማቲ አነዂ ኧኸሬ ጨር ጠበጥሁም ኧቦርትማሁዋዪ፣በክርስቶስ አመርሁምታ ተቁሟᎀርሁም አሸዂ ኖኦራአር ሳረዪ። 6 7 6. ባቴ ጌታ ኢየሱስ ክርስቶስ ኧቴኤፐርዂመኸ ተሁዳ ንዎሩዋ።7. በሁዳ ኧስር ውስጁምታ ቱኦምታ፥ኧትማርዂመኸ ብእምነታሁዋ ተቁዋወርም ንዎሩዋ፤እንእ ግዝየ ጎይታ ሽኩር ቧሩዋ። 8 9 8. ክርስቶስ ባትመረን ትምርይ ታይኸር ሰቭ ባወናን ቂጫቪ ብእም አለም ሰቪ ሴራ በቴፐ ማንእየ አታላይነድ በደበሰወ ኧትሙራሞርት አትዎኋ ቄቅተ አይቭንሁዋኸ ተጠፑዋ። 9. ጎይታ በክርስቶስ ሂን ሙርአ ኸረ ኢረቭር። 10 11 12 10. አሁም ሙርአአር ኸርሁም ኧኸርሁዋ ሁዳ ኧርኡነድቪ ኧዳኝነድቭ እንእ ቦፈረ በኸረ በክርስቶስን።11. ተክርስቶስ እማቲ በሁርታሁዋ ዘገር አጎፖኩም፤እመኽቭ ኧዋርት ባጢራሁዋ ኢፈካኸ በክርስቶስ ኧትውፐ ሜናን ባሀሬ ፣በሰቭ ኧጅ ኢቴፕካ ዘገር አጉኦት አኸረንዳ ።12.በጥምቀት ተክርስቶስ ተዌኵሁም፤ኧሁድቭ ተውንድ በረሳን ጎይታ ጦና አመርሁምታ ተውንድ ተረሳሁም። 13 14 15 13. በቫቲረኝነድማሁዋ ባጢርቭ ኧደበሰወ ተመኛታሁዋ አንቸኧሁዋይ ኧኸሬ ፣ በዎድሁዋ ኤኤዲ ጎይታ ተክርስቶስ እማቲ አያ ኤፐናሁም።ኢና ኢኸስሰንረቪ ኢትራከሰንረቭ ኧረፐርረ በቂጫ ኧጣᎉ ኧክስስ ጥፈት እንእ በቨስቀር ጥረቀቨታ ትተቨያንራ አፈካን።15. አላቃቪ ዳኘቭ እንእ ክርስቶስ በትሶኦርትኋ ኧቫ ጥብጨሁኗ አድጌፈረኖምታ ማነኽ በሰቭ ኢፍቲ አትሽከቨኖም። 16 17 16. ባቴ ትትወርኧታዪ ትትሰጭታ ሙርአቪ በኘቭ ኢጋአወዳ ቀረ ዌ ሰንበት ባኩብርት ኧቫአ አትዎኋ አይፍርድዎሁዋ።17. ዋሁኗ እንእ ኧርግገኋ ኢዎኦታ ዘንጋ ጥራርኗ፤ጪግ ኧኸራአር ጭን ኢትርረከካ በክርስቶስን። 18 19 18. ገግሁኗ ባይቨስር አመኛትቪ ፣ኧመላአይካ በስጉጅት ኢትእማመርካ ማንእየ ሰቭ ቢረቭር በጎይታ ኢፍቲ እንቁርፊት አይኽርዎሁዋኸ ተጦፑዋ፤ኧዋኸ ሰቭ ባሸን እራኢ ባአድባራ ቢወኧርካ ዘንጋሁኗ ኢድጋኬዡዋ።ኧዋኸ ሰቭ በሰርቪ ወተር ቂጠጠረታ ፣ሸረድ ቲቨርአካ ተክርስቶስ መራህቭ አታአር ኤነኖታ፤ 20 21 22 23 20. ኧዋ አለም ሰቭ ዬኩዳ ሜና ባቴውዋይ ሞትሁምታ ኧክርስቶሳአር በኸርሁዋጋሁ ባቴ ኧቭር ኧዋ አለም ሰቪ ቂጫ ትድጎዦዋ?21. እም ትእዛዝ ፣«አትግድ ፣አተፍር፣»ዩታኗአር፤22. እሞሁኗ እንእ በሰቭ ትምርትቪ ትዛዝ ኢቴፑዋታአር ኧሆሩዋይ ኢዎኦርታኗአር።23. ዋ ትዛዝ በገግ ፍቃድ ስጋዳ፣ ባአጉልቭ አመኛትቪ ምስየቭ ባቂጭት ሀሪነድ አአነኖታአር ኢወስሩዋ ኢህርሴ፤ቢኸር ኧገግሁኗ ትተምመኛት ኢቹኡኰዳ ደረግ ኤነኖታ።