¹ 1. አሁም ኧቫሪያ ዳቭ ኧኸርሁዋ ሰቭ ፥በሳቫይ ዳቭ አነነሁዋኸ ተሂሩዋይ ኧኸሬ ፣ባሬያሁዋ ጎይታ በፍረውት በቂጢየ አቡሪዮዋ። ^{2 3 4} 2. ቃንዠ ቧርምታ ጎይታ ትታትሾኩሩዋ ተቋጦም ጠልዩዋ።3. ኢያ ኧታአከትሁነ ተደኧረ ኧረፐረ ኧክርስቶስ ወንጌል ኧሰቭ ኒኢድኔ ፣ጎይታ ቃርኋ ኢቭንረኸ ኢኢና ጠልይንረ።4. አት ኧዘጉት አነኒዳአህር ቃርኋ ኧውየሞኋ ኧዝሬኵኸ ጠልይኒ። ^{5 6} 5. ታናአሞሩዋ ሰቭ እማቲ ትትረውርታ ተጦፑምታ ኋርም ንወርዋ፤ በሮዂ መያ እንእ ኧክርስቶስ ወንጌል አውጁዋ።6. ኧሰቭ እንእ መልስ ባቲተሁዋ ትሂዋኸ እንእ ግዝየ ትዝረኲዳ ዘንጋ ዛᎀ አነነዳአርቪ ንማጀቭ አኖዳአር ኧህር። ^{7 8 9} 7. ኢያ ኧተኸ ኧረቭረኸ ቲቂቆስ ጃቪተ ያአውድሁዋሴ ፤ሁድቭ ኢረጂዳ ሙርቴ ኧሰምነንራ፤ ሁዳ እንእ ግዝየ ቲያ እማቲ ኧጎይታ ሜና ኢንአ።8. በቭር አነነኸ ትሁሩዋመኸዪ አሁም ያቁሟሙርሁዋይ ባነሁ አሁዋይ ኬሸሁን።9. ሁዳ ታአናሲሞስ እማቲ አሁዋይ ኢቫአኴ፤አናሲሞስ ሙርቴ ኧሰምነንራ፤ሁድአሁዋይ ገኘ ሰቭን፤ ሁኖም በዋይ አነዳ ዘንጋ እንእ ጃቪቶ ያአውጅኩዋሴ። ^{10 11} 10. ቲያ እማቲ ኧታአከደ አርስጥሮኮስቪ ኧበርናባስ አአዶድኋ ኧተም ኧች ማርቆስቭ ወጌም ዩኩዋ፤ኧቫርቆሳአር ቦተርም ኤኤጅኩዋይ ኧኸሬ አሁዋይ ቲቫአካ ቶኦዎሪ።11. ኢስጦስ ዩሪ ኧረፐረኢያሱቭ ወገሬታሁዋ ዩሁዋ፤ ኧጎይታ መንግስት ሜና ቲያ ቲዬውታ ሰቭ ግት ኧይሁዳ ገኘ ሰቭ እማት ዋሁኖትኗ፤ሁኖም ኢያ አቁሟᎀርኝ። ^{12 13 14} 12አሁዋይ ዶበ ኧኢየሱስ ክርስቶስ አገልጋይ ኤጳፍራ ወሄምንሁዋዌ ዩሁዋ፤ ሁድ ኧጎይታ ፍቃድገኪተሁዋ ሀይተዋታ ተቁዋወይተሁዋ ትረዋሩዋኸ ጎይታቭ በዝሬኵናሁዋ ቃር ትረውሩዋኸ እንእ ግዝየ በጠሎት ጃድ ይር።13. ህመኸቭ ሁዳ በሎዶቂያቪ በኢያራቭ ከተማ ሰቫአር አትታቀረ ዬቨኸ ኢያቭ ኢያቭ ኢኢድነ።14. ኢረንጂዳ አኪም ሉቃስቪ ዴማስቭ ወሄምንሁዋዌ ዩኩዋ። ^{15 16 17} 15. በጆዶቂያ አንነዋታ ኧሰማትንራ ለንምፉን በቪድመሻይ ኧጠሎት ኧደሞጁዋቭ ክርስቲያን ወጌም ቧኒ።16. ዋ ጣፍሁ ኧኬሸነኩዋ ኪሸር ፣አሁዋ ባነበብዂ ቀጥወ ፣ኧለዶቂያ ቤተክርስቲያን ሰቭ ያነቡብኖኸ ኦንኧዋ።ተለዶቂያቭ ቤተክርስቲያን አሁዋይ ኢኬሺዳ ኪሸር አሁም አምቡቢ።17. አግሪጳቭ «ተጎይታ ኧቴኤፐርኸን አገልግሎት ተጤፕ ኤኤኋይ አስርአኩ ቧሪ። ¹⁸ 18. ዋ ወጌምት በገግኛ ኧጅ ኧጣፍሁን ኢያ ጳውሎስንሁ ፤ኧታአከትሁመኸ አይተሳሁዋ፤ኧጎይታ ንማጀ ታሁዋ ኧህር።