^{1 2 3} በጎይታ ፍቃድ ኧክርስቶስ ኢየሱሲኪሸረኘ ተኸረ ተጳውሎስቪ ተኧስሰመንራ ተጢሞቲዮስ፤2. በቆላስያስ ከተማ ኢረውርታ በኢየሱስ ክርስቶስ አአመርሁዋ ሙርቴ ኧሰማቶ ታአባንራ ተጎይታይ ሙርቴነድቪ ሽኛትቭ ንሆውዋ።3. አሁዋአር ትንጠልይነዳእንእ ግዝየ ኧጌታ ኧኢይሱስ ክርስቶሲ እባ ኧጎይታ ናትሸኩኔ። ^{4 5 6} . በኢየሱስ ክርስቶስ ትትእሟሞሩዋመኸዪ ክርስቲያን ኧሰማትቭ ትረጁዋመኸ ሰምአነ።5. ውረ ኧኸረ ወንጌል አወተራቸ አአሁዋይ ኧሰንአ ግዝየ፣በሁዳ አነዳ ተስፋ ሰምአሁም፤እመኸ ኧኸሬ በሁድ ኧታአወርትማሁዋዪ ንመጀማሁዋ ኧትሸከቨ ሁዳ በሳቫይ ቴፐ ቢኢየሁዋታ ተስፋን።6. እመዳቭ አሁዋይ ሰንአ፤ እምወንጌል ተሰምአሁኰቪ ኧጎይታቭ ሚነድተሀርሁኰ ቀረ ቆነሺታ ባሁዋ ኤፐመኸ ፣ዋ ወንጌል ባአለም እንእ ኢኢጂዴ።እም ወንጌል ባአለም እንእ ቲደቭርቪ ቲትራእ አነ። ^{7 8} . እመዳቭ ቢና ኤኤዲ ኧክርስቶስ አገልጋይ ኧኸረ ቲናቭ እማቲ ኧወጌል ሜና ኢአካ ናማጂንራ ኤጳፍራ ኤኤደናሁ።8. መንፈስ ቅዱስቭ አቨናሁዋ ንማጃአር ሁዳ ኤኤደንረ። ^{9 10} . ብእም ኧቫአ ዋዳተሰምአኔኰ ቀረ ቆነሺታ አሁዋ ኧጎይታ መንፈስ ኢንካ ሀሪነድቪ ኧወስርትቭ ኧጎይታ ፍቃድቭ ትሂርኰዳ ቀርብ ትረሁዋኸ ኧጠልይትቪ ጎይታ ኧሳአርትቭ ስርም አንቸኧኔዳ።10. ንጸልይነዳቭ ሁዳ ኧጎይታ ኢሽርኰዳአር ትቲንኦዋ ኧሁዳ ፍቃደኸ ትረውርዋመኸዪ፣ወሄ ሜና ቦንኧታሁዋ ትደውርዋ ታሩዋኸ ፣ ጎይታቭ በኋርት ትትራኡዋነኸ። ^{11 12} . ፋራሂነቪ ተቁዋዋይነድቭ ትረሁዋኸ ፣ ተጎይታቭ ደረግ ትረሁዋነኸ ።12. ህመኸ ጠነቫ ቤነወ እዋየ በኸረ መንግስትኋይ አገፓናሁዋ ተቅዱሳን ደረድ ትትሻኰጅዋኸ ኤፐናሁዋ አቭ ጎይታ ቲሽርሁዋ ሽኩራኸ ትዋሪሴ። ^{13 14} 13. ተሴጣን ግዛት አዋአ አተነፈንረታ ኢረድኩዳ ኧኧችኋይ መንግስቲ ንጋአነኸ ኤፐንረ ። 14. ሁዳ ባጢርንራ አፉ ባረንረታ ቴተገንረ። ^{15 16 17} . ክርስቶስ ቤኤኤር አያዢ ጎይታ መርኸትን፤ሁዳ ኧፍጥረት እንእ በህ።16. በሳቫይቪ ባአፈርቭ አነውታ ፣አኤኤር ያዢዮታቪ አያዢዮም ፣በሳቫይቭ ደረግ አነኖታ ሁኖዋ እንእ፣አላቃቪ ዳኘቭ ኧሆሩዋ ሁኖዋ እንእ ኧፈጠረኖዋ ክርስቶስን።ሁዳ ትንእአአር ኢፍቲ ባነደ።እንእአአር ተጣበጠ ኧትሸከቨ በሁተን ^{18 19 20} . ክርስቶስ ምስየኋ ኧኸረ ቤተክርስቲያን ዋኘድን፤ ብንእአአር ኢኢፍቲ ኢኸሪ ተውንድ ተረሳ፤እመዳ ኧኸረ ሁዳ፥እእንእአእር ኢኢፍትሜዪ ፣ተዎጁም ሰቭ እንእ በህር ኢኸኔ።19. እመዳ ኧኸረ ሁዳ ኧጎይታ ክብር በክርስቶስ መኝኧተ ኢረቭሪሁዳ ሳረ።20. ጎይታ በክርስቶስ በሳቫይቪ ባአፈር አነውታ ዘንጋ እንእ ተገግኋ አቂያመጠ፤ በቫቀር ፎር በትሆኧ ደቭኋ ሽኛት አቨንረ። በውጥጥ አመራሁዋ ኧቫአ፣ተጎይታ ኧትቫይተርሁዋአአርቪ በጭሞጨማሁዋ ቭ ኧጎይታ ጠራት ባነሁዋተ። ^{21 22 23} 22. ዋአካ ጭን በሁዳ ኢፍቲ ጭንቅነጨቪ ነውርቭ ኤነዎሁዋ ሙጭር ኧኝኧተ ያቲንሁዋይ በክርስቶሲ ሙድ ተገግኋ አእዊያመጠናሁም።23. እመዳቭ ኢኸርካ ሁዳ አሁዋ በወንጌል በረከዂ ተስፋ ዋይ ሀይ ታቱሩዋ ተቋጤተሁ በረፐርኋን፤አሁም ቨምአዂቪ፣ተሳቫይቭ አነዳ ፍጥረት እንእ ኤኤጂ ወንጌል ዋዳን፤ ኢያቭ ጳውሎስ ኧዋ ወንጌል አገልጋይ ኸርሁ። ^{24 25 26 27} 24. ባሁዋ ኧቫአ በሰንአቪ መከራ ዋአካቭ ኢሽሬ፤ምስየኋ ኧኸረ ቤተክርስቲያን ቲይር በክርስቶስ ተሰንአወ መከራ ኧተነፈ ሁዳ፣ቢያ ኢሰርአኸ ኧኝኧተሁታ ፥ኧኝኧተሁታ ተሁዳ ኧቀፐረ ሁዳ ኢያ ኧቴእኤፐርኩዴ።25. ኧጎይታይ ያተርፍካ ቃር ገኪቶሁ አሁዋ ኢኢድሁዋይ ጎይታ ባቬ አደራ ኧቬተ ክርስቲያን አገልጋይ ኸርሁ።26. እም ቃር ኧዋ ኢፍቲ ተሰቭ እንእ ተደኧረታ በዱኡራቸ ነፐረ ባነደ፤ ዋአካ ጭን ኧክርስቲያን ሰቻ አዋአን።27. ኧጎይታቭ ተመኛት ተደኧረ ኧረፐረ ዘንጋ፣ኧክብርኋ ኑኡነድ ባሁዋ ባአረማዊ ሰቭ ግት፣ኧተኸ ኑእአአር ኧኸረኸ ኣክርስቲያን ያትሄሪ ሳረን።እም በተስፋ ንእየኔዳ ዱኡራቸ ቃር፥ክብር ኢረሁኰዳባሁዋይ ሂን አነዳ ክርስቶስን። ኧቆላስያስ ሰቪ ጳውሎስ ኧጣፈን ኪሸር ^{28 29} 1. 28. ሰቭ እንእ በሀሪነድ ምሂተነቪ አስተሚየነቭ እንእዎኋ በክርስቶስ ያአቭረኸ ኧክስቶሳአር ንኢድነ።29. ጎይታ በሩእ ደረግኋ ቢያ ዬቪ ኧኸሬ ፣ብእም ባቬ ደረግ ኖኦራአር ኧፈርህ፣ኧቂጥቭ።