¹ ጳዉሎስቪ ሲላስቭ በአንፊጶልቪ በአጶሎኒያቭ ሄጁምታ ተሰሎንቄ ዎርሙ፤በህሜ አይሁድ ኧጠሎት ኢደሞጅኮዳ ቢድ ባንደ ፤ ² ጳዉሎስቭ ኧርወሸንመኸ ዋ አይሁድ ኢደሞጅኮዳ ቢድ ገፓ ፤ሶኦስት ሰንበትቭ ኧሰቭ ሁኖዋ ተቅዱስ መጣፈ እእግዜር ቃር ቲረሳ ተሁኖዋ ተዝራይከ ፤ ³ ክርስቶስ መከራ ኧተኦዎትት አኖወኸዪ ተቩድቭ ኧተሸት አኖወኸ ክርስቶስ መከራ ኧተኦዎትት አኖወኸዪ ተቩድቭ ኧተሸት አኖወኸ አጬገኖምታ «ዋ ኢያ ኢያ ኢኢትሁዋታ ኢየሱስ ሁዳ ክርስቶስን »ባረኖም። አታት አይሁድቪ ኖኦራ ሙዝር አነኖታ እግዜር ኢፎርታ ኧግሪክ ገኘ ሰቭ ፤እመኸቭ ኖኦራ ኧትሄራ እሽቻቭ ኧሰምኦይ ቃር ቴኤፖርሙታ ተጳዉሎስቪ ተሲላስቭ ሆርሙ። አጬገኖምታ «ዋ ኢያ ኢያ ኢኢትሁዋታ ኢየሱስ ሁዳ ክርስቶስን »ባረኖም። ⁴ አታት አይሁድቪ ኖኦራ ሙዝር አነኖታ እግዜር ኢፎርታ ኧግሪክ ገኘ ሰቭ ፤እመኸቭ ኖኦራ ኧትሄራ እሽቻቭ ኧሰምኦይ ቃር ቴኤፖርሙታ ተጳዉሎስቪ ተሲላስቭ ሆርሙ። ⁵ እንእ ቤተ ክርስቲያንቭ ብእምነትሁኖዋ ጃድ ቱዩርሚ እንእ ቀረብ በቩዝር ቲደዉሩዋ ያሩዋ ባንደ፤ ⁶ ጳዉሎስቪ ቤሻሞኋ ብእስያ ገኘ ቃርኋ ኢሰብኩዋይ መንፈስ ቅዱስ ኧኸንአኖዋይ ኧኸሬ፤ተፍርጊያዪ ተገላትያቭ ገኘ ኤፖሙ ቸኧዉም ዎርሙ። ⁷ ሚስስያቭ ዩዉሪዳ ኤኤዲ በቲኢናነዉዋጋ፤ቢታንያ ኢጎኦዋይ ወብ ቧርሙ፤ዘንጋኋ ጭን እኢየሱሲ መንፈስ አፈቀደኖታ። ⁸ ኧህም ከተማ ሰቭቪ ዳኘቭ ሁኖዋ ዋ ዘንጋ ቢሰቭኦዋ ቡሼኧኸ ተዉራኮጉም። ⁹ ተህም ቀጥወ ኧጠቦጪዮዋ ኢኢያሶንቪ ኤኤኛሞሁኖዋ አᎀ አትሄኖዮምታበአᎀ ጎፎሪዮም ። ¹⁰ በክርስቶስ አአሞሩዋ ኧሰማትቭ ህመጋ ኧጳዉሎስቪ ኧሲላስቭ በኧዳር ቤሪያ ጌከጂዮም ሁኖም ሃይ በሰንኦዋጋ አይሁድ ኧሎት ኢደሞጅኮዳ ቢድ ጎፖም። ¹¹ ኧቤሪያ ሰቭቭ ተተሰሎንቄ ሰቭ ኢረእኢቬስርታ አአር ባነዉተ ፤ህመኸ ኧኸሬ ዘንጋኋ ዋኸ ኢህርሴዪ ቧርሙ እንእ ቀረ ቲሙረሙሩዋ ቃርኋ በሩእ ተመኛት ቴኤፖሪ ። ¹² ህመኸ ኧከሬ ተሁኖዋ ኖኦራሁኖዋ አሞርሙ ፤እመኸቭ ተንኖም እማቲ ኖኦራ ሙዝር አነኖታ ኧትሄሩዋ ኧግሪክ ገኘ እሽቻዪ ገማ ተህም አሞርሙ ¹³ በተሰሎንቄ አነዉዋታ ኧይሁዳ ሰቭቭ ጳዉሎስ እእግዜር ቃር ደፐረወ በቤሪያቭ ያትመረኸ በኋሩዋጋ አትቭ ህሜ ሰቭኋ ኢሳሾዋይ ደፖርኰ ህሜ ዎርሙ። ¹⁴ ህም ግዚየ በክርስቶስ አአሞሩዋ ኧሰማት ኧጳዉሎስ ካች ኤፖሙታ ኧቫር ሞሬ ጌከጂ፤ ጳዉሎስቭ ኧጌከጁዋ ሰቭ ኧጳዉሎስ አቴና ስን አሰንኧዪ፤ ¹⁵ ተህም ቀጥወ ሲላስቪ ጢሞቲዎስቭ ካች ባይተዉዋ ኧሁዳይ ኢዎኦዋኸ ይቭካ እዝዝ ተጳዉሎስ ቴኤፖርሙታ ተዠፖርሙ። ¹⁶ ጳዉሎስ ባአቴና ከተማ ኸረታ ኧሲላስቪ ኧጢሞቲዎስቭ ቲዪኢየኮም ታነ ከተማ ሁዳ ቅርኘ ኧቬንአወኸ ቢያዥ በመንፈስኋ ተብሳጨ ። ¹⁷ ህመኸ ኧኸረሜ አይሁድ ኧጠሎት ቢደሞጅኮዳ ቢድ ኸረታ ፤ታአይሁድቪ እግዜርቭ ቲፎርታ ተግሪክቭ ሰቭ እመኸቭ በገቨያ እንእ ቀረ ቲረህቭኮታ ሰቭ ኢዝሬክ ባንደ ። ¹⁸ ቲትሙራሞርታ ሰቪ ቴኤፊቆሮስሜዪ ከኢስጦኢክሜ ዶᎆ አጋድ ኦሆሩም ሁኖዋኧሁኖዋይ ሞኦምታ ኢኩራኮሪ ባንደ።አታትሁኖዋ ፤«ዋ ቋዲማ ምር ይቭሪ ኢሲእ ?» ዩዉሩዋ ባንደ ፤ኤኛሞሁኖዋ እመኸ ኢየሱስ ክርስቶስ ሞደ ኧትረሳኸ ወሄ ዋራይ ቲኢድካ ሰምኦምታ «ኤኤኛ ወያ ወያ ባዘራ ቅርኘ አአር ዪኢድካ አአር ኢቨስር»ቧርሙ። ¹⁹ ጠቦጩምቭ ኦሪዮፋጎስ ዩዉሪዳ ኤኤዲወሰጂታ ዋኸብ ቧሪ «አኸ ታትመርኩዳ ዋ ወያ ትምርት ምር ኧኸረኸ ኒሂርኔ ትሲኢ ቧሪ?» ²⁰ እመኸቭ ዋ ቲኢደንረዳ ዘንጋ እእዝርንራ ባዘራ አአር ኧኸሬ ምር ኧኸረኸ ንሂርኔ ንሲኢነ።» ²¹ አአንዳ አአቴና ከተማ ሰቭቪ እመኸቭ በህሜ ኢረቩርታ ኤኤኛ ገኘ ሰቭ ግዚየሁኖዋ ኢጆፑርታ ሁዳ ወያ ወያ ዘንግጋ በዘጉትቪ በሱዉኦትቭ ባኸሬቤኤኛ አአር አነፐራ ። ²² ህመኸ ኧኸረሜ ጳዉሎስ በኦሪዮፋጎስ በደመደ ሰቭ ግት ተ ሸከቨታ ዋኸ ባረ፤«አአቴና ሰቦ በቫንኝእ አጋድ ቡሼእ ኧሃይማኖት ሰቭ ኧኸርሁዋኸ አዥ ፤ ²³ እንእ ኤኤዲ ትንዦዉርካ ፤አታት ትሶጉጅኖታ ሁኖዋ ትናዥካ ፤<አይሂሪ ጎይታ> ይቭካ ጥፈት አኖዳ አት ህትቭ ኢንኦኮዳ ኤኤዲ አሸሁ አካ ዋ ታትሂሪ ትሰጉጅነዳ ሁዳ ምር ኧኸረኸ ኢኢድሁዋቴ። ²⁴ ሁዳ አርዳዪ በከስሞኋ አንዳ ሁዳ ኧፈጠረ እግዜር ኧሳቫይቪ አአፈርቭ ጎይታን፤ ህመኸ ኧኸረሜ ኧሰቭ ኧጅ ባረሸን መቅደስ አይረቭርካ ። ²⁵ ሁዳ ኧሰቭ እንእ ሂዎትቪ አፏትቭ እመኸቭ ኤኛ አአር እንእ ዪካ አአር ኧኸሬ ኧኸሬ ያአስኩዳቭ አአር አታአር ኤኔ ኧከሬ ኧሰቭ ኧጅ አያጌኪርኩዳ ። ²⁷ ሁድቭ ኧሰቭ ዘር እንእ ታአት ሰቭ ፈጠረታ በአርዳ እንእ ኢረዉሩዋኸ ኤፐ ፤ኢረቩርኮዳ ዘቨር አአህርቪ ኢረቩርኮዳ ኤኤድሜ ዳር ወሰነ አወናኖም ። ²⁶ እመኸቭ ኧኸረሁዳ ወያአትን ሰቭ እእግዜር ሴእተው ተምራመይተዉ ኢረሁዊ በኸረ ባረ ታንዳን ፤ እመኸቭ ቢኸር እግዜር ቲና ቶጣ ኦጣንራ አራኤ አኸረዳ ። ²⁸ ኢና ንረቭርነዳ ሁዳ ፥ንቅረቅርነዳ ሁዳ አነነዳቭ ሁዳ በሁዳን ።ታሁሜ አዝማሪ አታትሁኖዋ ኧዋሩዋመኸ <ኢና እንእቨንራ ኧሁዳይ ዴንጋንረ ።> ²⁹ ባቴ እእግዜር ዴንጋ በኸርነ እግዜር በሰቭ ጡሪነድቪ ንፓቭነድቭ ኤፐዊ ወርቅ፥ብር ዌ እቭር ኢቨስር ባይተነ አጫምጭት ኤነቨንረዳ። ³⁰ ኧዋ ኢፍቲ እግዜር ኧዋኸ አንኋርት በፋራይሂነድ ፈነኸ አሳቸ ዋአካ ጭን ብእን ኤኤዲ አነዉዋታ ሰቭ እንእ ንስሓ ኢጎኦዋኸ ዪኢዝዝ፤ ³¹ በሸፐተን ሰቪ አጋድ በቂጢየ ፍርድ ኢፈርድወዳ ቀረ ወሰነ ፤እም ዘንጋ እንእቨኋ አጬገ ሁዳ ሃአ ኧሸፐተንሁዳ ተቩድ በሸትነኋ።» ³² ሁኖም ኧዎጁዋ ሰቭ ተቩድ ኧተሸታ አአር ቢሰቭኦዋ ፤አታትሁኖዋ ቆሎጅኰ፤ ኤኛሁኖዋ ጭን «ኧዋ ዘንጋ አአር አትቭ ሃአይተነ ታኸ ንሰቭአኔ ንሲኢነ ቧሪ »ቧሪ። ³³ ሃአ ግዚየ ጳዉሎስ ተግትሁኖዋ ዋአታ ቸኧ ወረ፤ ³⁴ አታት ሰቭ ጭን ጳዉሎስ በዝሬከኖዋ ዘንጋ ተስማምኦምታ ኧፓዉሎስ ተሄተሪ፤አሞርሙቭ ፤ሁኖም ዲዮናሲዮስ ዩዉሪዳ ኦኦሪፋጎስ ፍርድ ቢድ ኧዘንጋ ቲቸኖታ ሁኖዋ አት ሁዳ ፤ዴማሪስ ዩሪያዳ አት ምሽትቪ ኤኛቭ ሰቭ ባነዉተ።