¹ 1. ባቴ ኧሰማቶባሁሜ ኧኸረመኸ ፥ኧጌታንራ ቃር ኢቭቲድመኸይ ኢከብርመኸ ኢናቭ ንጠልይንነ ፤ ² 2. ኧመኸ ቃርኋ ሰማቭታ አያአቭሪ ኧኸሬ ፥ ተአመጠኝቪ ተውጥጥቭ ሰቨ ንትኢየነኸ ኢና ጠልይንረ። ³ 3. ጎይታ ጭን ሙርቴን ፥ ሁዳ ያተቫቭአሁዋሴ ፤ተውጥትቫአር የኧየሁዋሴ ። ⁴ 4. ዋአካቭ ኢና ኤኤዘዝኔኩዋ ሁዳ ኤፐሁም ፤ ኧረገሞኋ ቲንኦዋኸ በጌታ ኢየሱስ ንትማመን ። ⁵ 5. ጌታ የሱስ ሂናሁዋ ፥ኧጎይታ ንማጀመይ፥ኧክርስቶስ ፈራሂነዲ ኧስርአኩ ⁶ 6. ኧሰማቶ ፥ ሜና ታዬዊ ኢና አትመኔኩዋ ትምህርተኸ ታይረቭር ክርስቲያን ታሮኡዋኸ በጌታ በኢየሱስ ሹው ኒኢዝዝኔኩዋ ። ⁷ 7. ኧተኸ ኢና ምስይቶ ኦምቦርት አነዎሁዋኸ አሁም ገግማሁዋ ቲሂርዋ ። ታሁም ታነነ ሜና አንቸኣነባነደ ። ⁸ 8. ኧመኸቭ አአትሞኋይ ሸረድ በቭላሽ አምበንአነዳ ፤ ዘንጋ ጭን አሁዋ አአትቫሁዋ ባናጀግኔ ተቭሳአረ ትኔቭነ በቬና ንቂጥነ ባንደ ። ⁹ 9. እመኸ ኤፐነ ሁዳ ኢና ኧሽተሁዋ ትትሆተንረሴ ባነ ታነዳን ባሀሬ ፥ይትሲኧንረዳአር ታሁዋ ንቴኤፐኔ ፥ ዳኝነድ ኤነንሬ አኸረዳ ። ¹⁰ 10. አሁዋይ ኧረፐነ ግዚየ ሜና አይሽኩ ሰቨ አይቭርአ ባነ ኤዘዝኔኩም ባንዳ ። ¹¹ 11. ታሁዋይ ሰቨ እታትሁኗ ሜና አዬውዋኸ ሰማነ ፤ ሁኖም ሜና ቼኦምታ ዦርሙ በሰቨ ዘንጋ ተለፍ ቧርሙ እጎኦዋ ። ¹² 12. ዋ ሰቨ አትቫቂተውዋ ሜናሁኗ ኢንኦዋመኸይ ኢፖዊ ሁዳ ኢወርኦዋኸ በጌታ በኢየሱስ ክርስቶስ ሹው ኒኢዝዝኔዮዋ ፤ ንቨህኔዮመ ። ¹³ 13. አሁዋ ጭን ኧሰማቶ ወሄ ሜና ኦንኧት ስርም እቸኣሁዋ ። ¹⁴ 14. በዋ ኪሸር አነዳ ቃርንራ አይቴኤዘዝ ሰቨ ቢረቭር ፣ ኧዋኸ ሰቨ ጎኩርሙ ሜኬኧ ቧሪ ፤ ቤፐን ሜና ኢቅቨጨኸ ሁዳ ኤፓአር አቶኖዋ ። ¹⁵ 15. ቢኸርቨ ኧኧሰማተኸ ፥ሟአችኮ ባሀሬ ፣ ጠራት ኧኝኧተሁዋ አቶዢ ። ¹⁶ 16. ወገሬት ጎይታ ብንእ አአር ወገትርት ኧንአነሁዋ ጌታ ይንእአሁዋ ኧህር ። ¹⁷ 17. ዋ ወጌምት በኧጅኛ ኧጣፍነኩዋ ኢያ ጴኮስንሁ ፤ ኧኪሸርመኛ መርኸት ዋዳን ። ኧጠፍካ ዋኸትን ¹⁸ 18. ኧጌታ ኢኢየሱስ ክርስቶስ ዋቢነድ አሁዋ ኧህር ።