¹ 1.አአባመንራ ኧጎይታቪ ኧጌታመንራ ኢኢየሱስ ክርስቶሳአር ኧኸርሁዋ በተሰኮቄ ቤተክርስቲያን አነውታ ክርስቲያን ጳውሎሲ ሲላስቪ ጢሞቲዮስ ኣኬሸዊ ኪሸር ፤ ² 2.ተአቭ ጎይታቪ ተጌታ ተኢየሱስ ክርስቶስቭ ጠጋይ ወገሬትቭ ታሁዋ ኧኽር ። ³ 3. ኧሰማትኞ እምነታሁዋ ቲደቭር በሆርትሞሀይ አሁም ታሁም አነነሁዋታ ንማጀ ቲደቭር ኧቫአይ ባሁዋ ኧቫአ እንእ ግዚየ ገኪተነ አትሾኩርት አነቨንረ ። ⁴ 4. በሰተጅኩዋ ኧትሰደጅትቪ በሰናቨሁዋ ጁጓረ እንእ ቲቭኧቶ በትሰጎውታሁዋ ኢናቭ ገግመንራ ኧፈራሂነዳሁዋአርቪ እእምነማሁዋአር ኧጎይታ ቤተክርስቲያን በኸርሁዋ ባሁዋ ኖኦራአር ኧትእማመርዎሁዋ ። ⁵ 5. እመዳቭ ኧጎይታ ፍርድ ቂጢያአር ኧኸረኸያቲሽ ፤ ያቲሽካ ብእመዳቭ ጁጓረትቴኤፐነዳ ኧጎይታ መንግስት ኧቨቃሁዋታንሁዋአር ። ⁶ 6. ጎይታ ፍርድኋ ቂጢያአር ኧኸሬ ጁጓረ ያሰርኦኮኩዋት ሰቨ ጅጓረ ያሰራዎቴ ። ⁷ 7.ጅጓረ ኧሰንአዎሁም አሁምቪ ኢናብ ፎያድ ይቨንረዴ ።እመዳቭ ኢኸርካ ሁዳ ጌታ ኢየሱስ ቢረድድካ እሳድ ኖኦራ ደረግ ፥ታነኖታ መላአይካ ፥እማቲ ቲቫአካን ። ⁸ 8. በህም ግዚየ አይሂሩም ሁኖሚቪ ኧጌታመንራ ኧኢየሱስ ወንጌል አይቴኤዘዕዋ ሁኗ ኧውጥጥ ኧጅሁኗኢከሰኖቴ ። ⁹ 9. ሁኖም ተጌታኢየሱስ ተሩእ ጎይታቭ ክብር ተቫተውዋታ በዘላለም እፋድ እትቆጮቴ ¹⁰ 10. እቆጮዮታ ሁዳ በቅዱሳንኋ እከብሪ ፣ቢያአውርታ ሁኗ እፊቲ ኢናቭ ብኤድኔኩዋ ሄቶ ቴኤፐርሁም ባአመርሁዋ ባሁም ኢከብሪ ቢቯአወዳ ግዚየን ። አሁም ኤኤድኩዋ ሄቶ ኧቴኤፐርሁዋይ ኧኸሬ ፥ታአሙርዋታ ሰቨንሁዋ ። ¹¹ 11. ጎይታ ኧሽፗቸኋ ኧቨቃሁዋአር ኢንአሁዋመኸይ ዌ ወሄ ዘንጋ ቴዋይ አነነሁዋታ ሙርአድቪ ክርስቶስ አመርሁም ቴዊዳ ሜናቭ እንእ በገግኋይ ደረግ እንአነሁዋሜ እንእ ቀረ አሁዋአር ንጠልይነ ። ¹² 12. ህመኸ ኧጎይታመንራ ኧጌታቭ ኢኢየሱስ ክርስቶስ ጠጋመኸ ኧጌታንራ ኢኢየሱስ ክርስቶስ ሹው ባሁዋ ኢትከበረኸ አሁም በሁዳ ትትኮብርዋኸ ንጠልይነኩዋ ።