¹ በክርስቶስ አአሞሩዋ ዚጋ ሰቭ ዋጋ አትዋኦት ኢያ ኧገላቲያ ቤተክርስቲያን ሰቭ ኤኤድሁኗመኸ አሁም ኧሁኖመኸ አትዋኦዋ። ² ኢያ ትንቫአካ ፈራክ እያትዋኡዌኸ በሳምት ሳምት ውርሰንበት እንእ ሰቭ ቲረሁኩዳ ሁዳ ኢካአር ኧቫይትር አውራ ። ³ ኢያ ትንቫአካ አሁዋ ኧሸፐትሁዮዋ ሰቭ ደብዳቤ ጣይፍተሁ ኤንተሁኗታ ፣ አትዋአዂ ዋጋ ኢየሩሳሌም ያሰርኦዋ ኸ ኧከሽኮሴ። ⁴ ኢያይ ኧሆርት ያትሲእ በኸረ ኢያ ተሁኖም እማቲ ኧሆርሴ። ⁵ በመቄዶኒያ ኧኝኧተሁ ኧሆርትኛ አይወኧራአር ኧኸ፣ መቄዶንያ በሰንአሁ ቀጥወ አሁዋይ አአሴ። ⁶ ማንእየ ኤኤድ ትናርካ ኧቨያኛ ኢኸርካአርታአጉዥኘኸ ትንር ዌ ባሁዋይ ዝክ ኧቫርሴ፤ ዌ ዘር ታሁም ኧሰርፕትሴ ይህርሴ፣ ዌ ዘርቭ ታሁም ኧሰርፕትሴ ይህርሴ። ⁷ ዋአካ ትናርካ እግረ መያኛ አዥሁዋይ አንሲኢካ ፤ ጎይታ በቫረ ዴካ ግዝየ ታሁዋ ኧስረፕቲ አሳብ አነኒ። ⁸ ቢኸርቭ በኤፌሶን ከተማ ኧይሁዳ ኧጎር ሙርአ ቀረ ስን ኧስረፕትኴ። ⁹ በሀይ ኢትራኰሽኝዳ ሰቭ ቢደቡሹም ኖኦራ ኧቬና ኡፈቻ ተከፈደኒ። ¹⁰ . ጢሞትዮስ አሁዋይ በቫአ ፈራድ አይቫር እማቲ ታሁዋ ኢቸናኸ ኦንኤ፤ ሁድቭ ኢያመኸ ኧጎይታ ሜና ኢንአካናአር ። ¹¹ እመኸ ኧኸሬ እማት ሰቭ አይቅርጥኩ ፤ ቦሄነድ ኢያይ ኢድዠፐረኸ ኦንኤ ፤ ኦኦትሞኋ ተክርስቲያን ኧሰማት እማቲ ንእየነ። ¹² ኧሰምንራ አጵሎስ አሁዋይ ኢቨአይ ቡሼኤኸ ሳአርሁን ባነደ፤ ዘንጋ ጭን ሁዳ ዋአካ አሁዋይ ኢቫአይ አመሰረንዳ፤ ቤ ቲንኩዳ ጭን ያአንሴ። ¹³ ቃንዠ ቧርዋ ብእምነትማሁዋ ቱኦዋ፣ ቱኦም አትዋቁሩዋ ፤ ¹⁴ ቴዊዳአር እንእ በርመጀ ኦንኦዋ። ¹⁵ ኧእስጢ አበሩስ ባአኪያ አወተራቸ አአሞሩዋ ክርስቲያን ኧሆሩዋመኸዪ ፣ ክርስቲያንቭ ያጌኪሩዋይ እንእአአርሁኖዋ አውዋኸ ትሂሩዋ ፤ ¹⁶ እእመኸ ሰቭቪ ተሁኖም በቬና ኢቂጭታቭ ሁኒዋ እንእ ቶኦዘዥኗ። ¹⁷ በእስጢፋኖስ ፣ በፈርዶናጦስ ፣በአካይቆስ ኦኦት ሳረዪ፤ አሁዋ ዋይ ባንቦርታሁዋ ኧፐረቪያአር ሁኗ ᎂንኧኒ። ¹⁸ ሁኗ ኢያሜዪ አሁሜ ሂን አትሳሩም፤ እመኸ ኧኽሬ ኧዋኸ ሰቭ ባቲቶ ኧኋርት ያትሲእ። ¹⁹ በእሲያ አነውታ አብያተ ክርስቲያን ወገሬት አሁዋ ዩኩዋ ። አቂላቪ ጵርስቅላ በቪድሞሁኖዋይ ኧጠሎት ኢደሞጅታቭ ክርስቲያን እንእ ፥ እማቲ በጌታ በኢየሱስ ሹው አቸ ወሄምንሁዋዌ ? ዩኩዋ። ²⁰ ክርስቲያን ኧሰማት እንእ ወገሬት ዩኩዋ። አሁም ታሁም በጌታ ኢየሱስ ንማጀ ተሳአውም ወገሬት ተዌዌርዋ። ²¹ ዋ ወጌምት በገዛ ኧጀኛ ኧጠፍነሁዋታ ኢያ ጳውሎስንሁ። ²² ጌታ ኢየሱስ አይረንድ ሰቭ በረፐረ ኧትሰተቫአር ኧህር ፤ ጌታ ኢየሱሶ የኸ። ²³ ኧጌታ የሱስ ጠጋ ታሁዋ ኧህር። ²⁴ ንመጀኛ በጌታ በኢየሱስ ክርስቶስ ታሁዋ ኧህር፤ አሚን ።