¹ Phaawulos, Yesuus kiristoosiif hidhamaa fi Ximotewos obboleessa, hiriyaa fi hidhata hojii keenyaa Filemonaaf. ² Aafiyaa obboleettii keenyaa fi Arkiphoos hidhata wal’aansoo keenyaa, akkasuma waldaa amantootaa isa mana kee keessatti walitti qabamuuf. ³ Ayyaanni siif haa ta’u; nagaanis Waaqayyo abbaa keenyaa fi gooftaa Yesuus Kiristoos biraa. ⁴ Yeroo hundumaa yeroo kadhannaa koo keessatti si yaadadhu Waaqayyoo koo nan galateeffadha. ⁵ Sababiin isaa amantii isa ati gooftaa Yesuusitti qabduu fi jaalala ati namoota qulqulloota hundumaa qabdu nan dhaga’a. ⁶ amantii kee qooduun kee bu’a qabeessa akka ta’uuf nan kadhadha. Ati akka waa’ee waantota gaarii nuti Kiristoos keessatti qabnuuf hubannaa gaarii qabaattuuf. ⁷ Ani sababii jaalala keetiif gammachuu fi jajjabina guddaa argadheera; sababiin isaa garaan namoota qulqulloota Waaqayyoo siin haara’eera, obboleessaa. ⁸ Kanaaf, yoodhuma ani Kiristoos keessatti waan ati hojjechuun sirra irra si abboomuuf ija jabina qabaadhe illee, ⁹ Amma iyyuu jaalala irraan kan ka’e, qooda isaa sin gaafadha, ani Phaawulos, jaarsichi, amma immoo Yesuus Kiristoosiif jedhee hidhamee kanan jiru. ¹⁰ waa;ee ilma koo Onesimoos sin gaadadha, isa ani hidhaa keessatti abbaa isaa ta’eef, ¹¹ Inni duraa siif dhimma kan hin baasne ture, amma garuu siifis anaafis bu’a qabeessa. ¹² Ani deebisee gara keetti isa ergeera, inni garaa koo keessa jira. ¹³ Inni, utuu ana biratti hafee bakka kee ana tajaajilee nan jaal’adhan ture; yeroon wangeelaaf jedhee hidhamee jirutti. ¹⁴ Garuu, fedha keen alatti homaa tokko gochuu hin barbaanne. Hojiin gaariin kee fedhiidhaan malee, dirqamaan ta’uu isaa hin barbaanne. ¹⁵ Tarii kanaaf jedhee yeroodhaaf sittii adda ba’eera; atis akka deebifte isa argattuuf. ¹⁶ Inni kana booda garbicha miti; obboleessa isa jaallatamaadha. Keessumaa inni anaaf jaallatamaadha. Siif immoo ni caala, fooniinis gooftaa keessattis. ¹⁷ Kanaaf yoo akka hidhata hojiitti ana qabaatte, akka kootti isa simadhua. ¹⁸ Yoo inni sitti balleesseera yookiis waa si jalaa fuudheera ta’e, anatti lakkaa’i. ¹⁹ Ani Phaawulos, kana harka kootiin siif barreessa. Ofii kootiin siif baasa. Ati akka ati ofiin kee kan koo taate homaa hin dubbadhu. ²⁰ Eyyee, obboleessaa, Gooftaa keessatti ati dhimma anaaf baasi. Kiristoos keessatti garaa ana ciibsi ²¹ waa’ee abboomamuu kee itti amanee, kana siif barreessa. Akka ati isan gaafachaa jiru kana caalaa hojjettu beeka. ²² Akkasuma, kutaa keessummaa anaaf qopheessi; karaa kadhannaa keetii gara keetti akka deebi’u waanan abdadhuuf. ²³ Ephaafraas, Yesuus kiristoos keessatti miiltoon koo isa hidhamaanis si dubbisa. ²⁴ Maarqos, Arsxaarkos, Deemaasii fi Luqaa hojjetootni michootni koos. ²⁵ Ayyaanni gooftaa keenya Yesuus Kiristoos hafuura kee wajjin haa ta’u. Ameen.