¹ Obbolootaa, namni tokko irra daddarbaa kamiin iyyuu yoo qabame, isin warri hafuuraan geggeeffa garraamumma hafuuraan isa deebisuutu isin irra jira. Waa’ee ofii keessaniif yaadaa, isinis akka hin qoramnetti. ² Ba’aa walii keessanii baadhaa, akka seerri kiristoos akka fiixaan ba’utti. ³ Namni tokko utuu homaa hin ta’in akka waa ta’eetti yaade, inni ofii isaa gowwomsa. ⁴ tokkoon tokkoo namaa hojii ofii isaatii qoree ilaaluutu irra jira; isa booda of tuuluun isaa ofii isaa keessa ta’a malee nama kan biraa keessa miti. ⁵ Namni hundumtuu ba’aa mataa isaatii waan baatuuf. ⁶ Namni sagalicha barate, waan gaarii hundumaa nama isa barsiisaaf qooduutu irra jira. ⁷ Hin gowwominaa. Waaqayyo itti hin qoosamu, namni waanuma dhaabe haammata. ⁸ Namni foon ofii isaatiif sanyii facaasu, foon irraa badiisa ni haammata. Namni hafuura isaaf sanyii facaasu, hafuura irraa jireenya bara baraa ni haammata. ⁹ Waan gaarii gochuutti hin dhiboofnu, yoo abdii hin kutannu ta’e, yeroo isa sirriitti waan haammannuuf. ¹⁰ kanaaf egaa, utuu carraa qabnuu, amoota hundumaaf gaarii haa goonu, keessumaa warra maatii amantii ta’aniif ¹¹ Xalayaa dheeraa isa ani harka kootiin isiniif barreesse ilaalaa. ¹² Warri qaamaan gaarii ta’uu barbaadan, akka isin kittaanamtan isin dirqisiisuu barbaadu. Isaan akka isin fannoo Kiristoos jettanii hin ari’atamneef kana godhu. ¹³ Warri ofii isaanii kitaanan illee seericha hin eegani, garuu akka isin kitaanamtan immoo ni barbaadu, akka isin waa’ee qaama keessaniif of tuultaniif. ¹⁴ Ani garuu, fannoo gooftaa Yesuus kiristoosiin malee tasa of hin jaju. Kara isa ittiin biyyi lafaa anaaf fannifamee, anis biyya lafaaf. ¹⁵ Kittaanamuunis, kittaanamuu dhiisuunis bu’aa hin buusu, garuu uumama haaraa ta’uutu bu’aa qaba. ¹⁶ Warra akkasitti adeeman hundumaaf, nagaa fi araarri isaan irratti haa ta’u, Waaqayyo Isaraa’el irrattis. ¹⁷ Ammaa kaasee namni kam iyyuu ana hin rakkisin, ani qaama koo irratti mallattoo Yesuus baadheera. ¹⁸ Ayyaanni gooftaa Yesuus Kiristoos hafuura keessaanii wajjin haa ta’u. Ameen.