¹ 5፡1 እንትን ታጅራ፡እሰከ ናን ተራኹም ህንባኹ መገደረድ ዋይዋይ ይዱኑ ሰራ ² 5፡2 ተጀረድ ምሸምሾ፡ እንተሰረንሲ ኸር ቋኹ ቁሉ ³ 5፡3 እንተደሀብዲ፡እንተወርከዲ መረቶ፡እን ኒመረትና.ኻ መሰከርደኩም ግን፡፡እና ደንበር ግርጋድሊ እንድባ እከብድኖ ህንብደነኩ፡፡ ⁴ 5፡4 እንሐን ገድም መህየት እንተ ኪሺጛሺ ኤሸረውድ ሸቃሎ፡ እንትንኻ (ካረምድነው)ዋዕየኩ እንኩኹ፡ዋዕይና እን ኤሸራውዱኹ ኸር ጀር ደባአትል እንቁል ገአድ ህንበኩ፡፡ ⁵ 5፡5 ብረል ሐንቀቅድ ኑኸር ታምድኑኸር፡ግርጋ ብኺኹ ሰና እንተለበከሰ ሰኹሰድኑኻ፡፡ ⁶ 5፡6 ፈረድኑኸ፡እን ጫድቅሲ ኩዱኑ ኹሉ፡ኒተጠረረለ ኩምኒ፡፡ ⁷ 5፡7 እማ ገድም ይሻንገ ይነአደራ እንተርና አኸራሲከ ሰብር እሰ፡፡እነሐን አረሰ እን ከብር ፋራ ብረኹሲ ጨበረኩሉ፡፡ፋይዲ ዓቁ ጭብሐቱኹዲ አርደሲከ ኸር ሰብር እሰኩ፡፡ ⁸ 5፡8 እንትን.ኻ ይነኤደራ እዝረ ሰኩሩኸ ግን እንማ ሰብር እሰ፡እንተለበከሰ ኸር ተብደ፡፡ ⁹ 5፡9 ይሸን.ገ ፈረድሰግድኒን እንተሹትል ኤም ይጋ፡፡እነሐን እን ፈረደኹ ልጛድ ጭምድሊ ደውዩ ህንበኩ፡፡ ¹⁰ 5፡10 እንትን ይሸን.ገ እን ጃር ሰጛድ ገበው ነብያትሲ ቋላ ጂርበትዲ ዓቅልዲ እሰሎም ¹¹ 5፡11 እነሐን እን ዓቅል እሰው በከይት ግን፡፡ይነኩንሎም እንኩንኹን፡፡ዓቅልሲ ዋሰድኖ ህንብደነኩ፡ጃር.ኻ ገረኹ ራሕመትድ እንታኻኹዲ ራሐማኹዲ ግን እማ፡እን ጀር እሰኹ ሲሉ ደንጎቢል ቋልድኖሉ ህንብደነኩ ¹² 5፡12 ለኪን እትን ይሸንገ ፋትሕ አንቀይል ለብግድኒንታ፡እን እታ የዋ አኸንእን አኸለኒ ይድናኹሉኻ አኸላኒ አኸን ግራ፡፡ናድካ ጀብ ሰማይድ ወረብረድ ወረ አረኹ ማሐለድ መሐልጋ፡፡ ¹³ 5፡13 እንተነበከልማ ጅርበዲ ጂባዲሲ ብታኹ ህንበኹን ጠለይን፡፡ፈርሐኹማ ህነረበኩን ዘመርን፡፡ ¹⁴ 5፡14 እንተነበከል ሸኹሰታኹማ ህንባኹን እን ሸማገለ (ማህበሩሲ)ሸጛን፡ናው.ኻ ጃር ሰጛድ ዘድ ቋሱኑሉ ኒኤወይሊ ጠለይኒን፡፡ ¹⁵ 5፡15 እን እምነትረ ጠሎት.ኻ እን ሸኹሰታኩሲ ደአንድቶሉ ግን፡አደራኸር ጉድሮሉ ግን፡፡ሓራም እስኹ አከኸር ባርሰትሮሉ ግን፡፡ ¹⁶ 5፡16 እማ ገድም ትልልሰትኖር መታን እንተሹር እንተሹ እንተሐራም እሰናድ አምና፡እንተሹር መታንኹር ጠለያ፡፡ጠሎት ጫ ጃድቁኹ ኒግብርድ ገረኹ ሰለጥደቲ ¹⁷ 5፡17 ኤልያሰ ይነሰና ቂልሰንታ አዳም ግን እርጋኹ ሰዋ እሰጊን፣ኹ ጠሎት ጠለዩኹ እማ ሰዃ ኤምራዲ ወልታ አርባዲ ብረል ሰዋእሲላ፡፡ ¹⁸ 5፡18 ሓዲስድኻ ጠለዩኽ ሰማኻ ስዋ እውኹ ብራኽር ንፍርር ቦኮልድቲ፡፡ ¹⁹ 5፡19 እንትን ይሻንገ ላኹ እንተልድ እምንልድ ጀወለን፡ላኹ .ዃ ወንተሰንሉ፡ ²⁰ 5፡20 እን ሓራም እስኹሲ ደርብ ከቲኒልድ ወንተሳኹሉ፡ኒርሕሲ ከሪልድ ከም ደኤንደትኽር ገሪ ሓራምኽር ከም ሰሰት አርእን፡፡