¹ 4፡1 እን እንተነበክል ህንባኹ ሓርብዲ ዋኸዲ አዊልድ ግን ኒእንተራኹ፡ እን እንተገሮብል ኣኾ ተሓረባኹኩም እንታ ስኻ እንከሊሩኽ ኣኽጋኹማ፡፡ ² 4፡2 ተምነደነኩ እማ ሻኽድኒ ኩደነኩር ሕሊጥ ይደነኩር እማ ላሪ ድኳ አርትኖ ገረስተለኩም ዋኺደነኩር ተሐረብደነኩር ግን ሺዊግድናኸር አኸድነዲ ሻኸዲኒኒ፡፡ ³ 4፡3 ሺውዳነኹ ኸር እማ እንታ እንኪሊ ሰኺኹድ ፋሕሲትኖሉ መታን በደንድ ሺውድነዲን ኒኒ፡፡ ⁴ 4፡4 እንትን ፍይተት እንከሊ እዲነትታ ጃርድ እጣረ አኸት.ማ ኣርእድኒኒ እማኻ እዲነዲ እንከለታ እኸሮ ጀርባኹ፡ኒጀርሲ እንጠራኹ ግን አከኹ ⁵ 4፡5 ወራ እን ኩቱብማ ብላሸድ ያኹ ህንባኩ ተካኹንኩም እን ይነል ከሰኹሉ መንፈሰኻ፡ሕሊና ይኒል አኸራሲከማ ሃረረ ያኹ ግን፡፡ ⁶ 4፡6 ኒለኪን በጀኸደ ገጽ እወኩ ፡፡እማ ገድም ጃር ዕቡያንሲ ተጻረረኩሎም፡ለተቅ የውሲ ላኪን ገጽ እወኩሎም የኩ፡፡ ⁷ 4፡7 እማ ገድም ጀርሲ ገንሺንሰሉ፡፡ድያብሎስቲ ላኪን ተጻረረሉ እማኒ እንተልድ እግርደ ግን፡፡ ⁸ 4፡8 ጃርሲ ሱኩረሉ ኒ.ኻ ሰኩርደኩም ግን እንትን ሐራሚን እንተናንትድሲ ጨርይደ፡እንትን ለጛ ለፈኩኸር እንለበከሰ ለጭሕዳ፡፡ ⁹ 4፡9 ሸገርሳኽር ጎሀያኽር ስራኽር ፡፡ እንተ እንቋራ ስረኒል እንተፈርሓትኽር ሓዘንሊ ቀየርስን፡፡ ¹⁰ 4፡10 ጃር ጃብል ለተቕ ያ ንኽር ክብ ሲሮኩም ግን፡፡ ¹¹ 4፡11 እንትን ይሸንገ እንተሹር እንተሹ ልኸጋ፡እን ኒደንሲ ልኸኹ ወረ ኒዳንሊ ፈረደኹ እን ፋትሕሲ ልኸኩሉ፡እን ፋትሕሊ ከር ፈረደ፡፡ ፋትሕሊ ፈረድ ፈረድራኸር አኸሮ ደንቢ ላኪን፡ፈረደኹ ግን ግራ ፋትሕሲ እሰኹ(ተከዋኹ) አኸላ፡፡ ¹² 4፡12 እን ደኤንድሮኸር ዲሂሰሮኸር ገረሰኹ እንፋትሕሲ ሐገጋኹዲ ፈረደኹዲ ላኹኒ ግን ኩጨረል ፈረድራኸር.ኻ እንቲ ኤወይራኻር ግን፡፡ ¹³ 4፡13 እሰከ ናን.ኸ እንትን፡ንኪ ወረ አመረ እንጫ ታንታርዋ እንዲሂትል ፈርንን እማ ንርትል ኤመራ እሰኒን ሰቀጥኖኻር ረብሕኖኸር ግን ይደነኩ፡ ¹⁴ 4፡14 እንትን እን ኤሜረ አከኹሲ ኤርእድኒሉኒ እንተፈኹት ደኤም ወራንንረ፡ከላላ ግርጋትሱ ቋልሱቶ፡ ደንብን ድደኹ ትደሰ ግን ¹⁵ 4፡15 ይነኤደራ ፋቃድ አካን፡ይንንኸር ዋንትነደ ኒስ ወረ እንደሰ እሲኖ ግን፡ ይኒልድታዲ ¹⁶ 4፡16 ናን ላኪን እንታጀሀሰነድ ዋርደሰንኩ እንኩድ ኑኻ፡፡ንሰናያኹ ዋርዲትና ኒውኸ ምቁላ ግን፡፡ ¹⁷ 4፡17 እማ ገድም እን ትከያኹ እሰና ኤርአኹ እማ እሰጋኹሉ ኒድ ሐራም አከኩሉ፡፡