¹ 1፡1 ያቆብ ጀሩኹዲ ይነኤደራ የሱስክርስቶዲ ገንሸን እን ፈተተሕዮ ህንባው ሽካለጛ ኒገድ ስላም የኩሎም እንኩኸ፡፡ ² 1፡2 የሸንገ ኒትኒቱር ፈተና ገእየንኩም፡ኒትከ ፈርሐትሰና ሺበሉ ³ 1፡3 እን ፈተንሰና እተእምነቱኹ ሰብር ከም እሰት ኤርእድኖታ፡፡ ⁴ 1፡4 ላኹድ ድኳ ጎደልግድኒ ላጭሓንዲ አኸትኖር መታን እን ሰብር ላጭሕ ግብረ ዋኒንላ፡፡ ⁵ 1፡5 ላዂ እንተልድ ኤምር ነቀስንሉ ላኪን እን ስማሰጊ ኒትከ ዕሸረትድ አዋኹ ጀርሲ ሺወንሉ እውስትሮሉ ግን.ኻ፡፡ ⁶ 1:6 እን ተጠራጠራኩታ እን ውልዋል ደረከኹዲ ወንተተሰኹዲሉ ደሃፋት ባሐሩኹሲ ግን ኒተከኹ እማ ተጠራጠርግድኒ ደአም እምነትድ ሺውን፡፡ ^{7 8} 1፡7-8 ለጛ ኒለበካ ጉርዋ ኒደርብ ኒውከ ተባኹ አኸላኒ አማ፡እን ኒሰ ተካኹ አዳም፡አደሪልድ ገለ ከለብራኹ ተካጊንሉ፡፡ ⁹ 1፡9 እን ለተቅያኹ ደን ለኪን ከብ ኒይነድ ዋርዲትን፡፡ ¹⁰ 1፡10 እን ታጅርኹር ዕንብብዲ ሸንከዲር ሰና ደኩሮ ግን እማ፡ኒጅርብትድ ዋርዲትን፡፡ ¹¹ 1፡11 ኳራ ንርብርኒዲ ፋቲ እማ ፡እን፡ ሸንካሰ ኢዲሰቲሉ፡እን ኒዕንቦብ ኻር ኮፍከፍሳኩ ሸኻር ኒቋሊኹ.ኻ ድደኩ፡ኒሰናኻር እንታጅር ኒደርብድ ሐረርዶ ግን፡፡ ¹² 1፡12 ፈተንሶ ፈሰና ፡እንጃር እንኒድ እከልውሲ ሰዲሰውሎም ሰና፡አከሊል ፈከኹቱኹ ከለብርደ ግን እማ፡እን ፈተነድ ሰብር እሰኹ ጉርዋ ከለብርሳኹ ግን፡፡ ¹³ 1፡13 ጃርታ እኩይድ ፈተንሰላ ኒለውድኻር ለኹድ ድኳ ፈተነላኒ እማ፡ላኹ ድኳ ፈተንሰሰና ጃር ፈተንኹለ ይጊኒ፡፡ ¹⁴ 1፡14 ላኹካ ኒሹር ምራድድ ወተርሶኽር ሰሓሓሶኽር ግን ፈተንሳኹ፡፡ ¹⁵ 1፡15 ድንብር ምራድ ጎድጉረ አኸሮሰና ሓራምሲ እዂረቲሉ፡፡ ¹⁶ 1፡16 እንትን እንከልሰዳናኸር ይሻን ሰሐትጋኒ፡፡ ¹⁷ 1፡17 ትከያኹ እውንዲ ታምም እውንዲ፡አዋንዲ፡አዋኹልድ ግን፡እንቃየርና ወሪ ወንተተርና ሻሚኹ እንግጋኹ ብርሃና እኸርልድ ግን ገማኹ፡፡ ¹⁸ 1፡18 ባኻር ኒምሁዳንልድ አኸኖ ዩ ግን ኒምራድ ሰና ኒቆል እምንድ እኳራኹና፡፡ ^{19 20} 1፡19-20 እንከልሰዳናኻር ይሻንገ ኒሰ እርእድኑኸ፡ሰቁዳምሰና ግርዊኹታ ጭድቅ ጃሩኹ እሰላኒ እማ ኤዩ አዳም ዋሰኒል አሸሸኹ ጋብኒል ሺሻኹ፡ሰቁደምሰኒል ሺሻኹ አኽን፡፡ ²¹ 1፡21 እማ ርኸሰትዲ ገረኹ ምቁናርዲት ሺሸደ እን እንተፈኹትሲ ደኤንድሮላ ገረሰታኹሉ ቆልሲኽር ገርህድ ከለብረሉ፡፡ ²² 1፡22 ቆልሲ እሰው አኻ፡እንተአኾርሲ ምልድኑ ዋሰንቲ.ካያ አኸጋ፡፡ ²³ 1፡23 ላኹ ድኳ ቆልዋሰንታ ኣኾ፡እሰንታ አከገን ኒ እን ኒገሽ መሀድሰናሰ መዓፈይድ ቋሎኹ ግርዋ ግን ኒተኹ፡፡ ²⁴ 1፡24 ኒፈኹትሲ ቋላኹ እማ ፈረኩ ኒድኒድ አውሰና አኸድ ምኺረኩ፡፡ ²⁵ 1፡25 እን እንጫ ታምም ፋትሕሊ፡ኒ.ኻ ፋትሕ ሐርነቱኹ፡ትከሰ መርኪሳኹዲ ተባኹዲ፡ግብር እሰኹ ግንግራ፡ምኺረጋኹ ዋሰንታ ላኪን፡ኒን ኒግብርድ ከለብርሰኹ አኻሮ ግን፡፡ ²⁶ 1፡26 ለኹ ድኳ ኒለባከሰ ደኤም ከተሰኹሉ ግን ግራ ኒለንቂሰ አበደጋኹ ዋነን ጃርሲ አምላኸዳኹ ሐመደኹ ሐነሉ ህንባኩ ኒአምልኾ ብላሽ ግን፡፡ ²⁷ 1፡27 ጀርጀብሊ ኸር እርዲርኻር ጃርዲ እኸዲር ጀብል ላጭሕዲ ጂባ እንጋኹዲ አምልኸ ኒን ግን፡ኩአኮርሲ ጃቢል እዲኒፋኻልድ ተከወሩ፡የታይምዲ መብልደንዲ ናጅርበትዲ ናመከረዲ ናሸከወዲትል ገእይና ግን፡፡