¹ 1 እን ሽማገለ እን ፍሪርስረሪ እትየትል እን ኣን እምንድክ እንከለዉሎም ንርቁር ኣን ይቱ ኣኽጋኽርታ እን እምንሲ አርአዉክላ ናዉክኽር እንከለዉሎም፡ ² 2 እን ይነዲ ህንብረሪ ዲመሲኻ ይነዲ መንደርትረሪ እምንሲ ይኖ እንከልነኩንሎም ህንብናኹ፡ ³ 3 ይነኽር ጃርኽር እየሱስ ክርስቶስ ኒኹሪልድ እኽርዲ ገድዲ ምሕረትዲ ሰላምዲ እምንዲ እንከሊዲሲ ይነዲ ኣኽሮ ግን፡፡ ⁴ 4 ገለ ብጅኽ የዉ ኩቁልድ እን ኣኾልድ ከለብርናኹ ትእዳድሰና ኣኽኖ እምንድ ወንተተረዉ አርነዲን፡ገሪኹ ፈርሖ ህንበኩን፡፡ ⁵ 5 ናንኻ እትየ እን ሰልፍልድ እርጋኹና ግን ግራ ሓዲስ ትእዳድ ክም ከተበትልኪ ኣኽጋኹታ ይነሹር ይነሹቲ እንከልስጞኖ ሺወኩንኪ እንኩኹን፡፡ ⁶ 6 እን ኒትእዳድሰና እስነ ወንተተርኖ እን እንከሊ ኒኒ ግን፡፡ንርድ ወንተተርኖ እን ሰልፍልድ ዋስድናኹሰና እን ትእዳድ እንዲን ኒን ግን፡፡ ⁷ 7 እየሱስ ክርስቶስ ስኸት ክም እንተት እምነገዉ ገሪዉ ከቲሰንቲ እዲነትል እንትኖ ህንበነኩ፡፡እን ከቲሰንቲ እን ከቲሰንቲዲ እን ኣንጻር ክርስቶስሩኹዲ ኒን ግን፡፡ ⁸ 8 ታምም መህየት ከለበርትኖ ግን ግራ እን ተዓብናኹሲሉ ድሂስግድኒንሉ መታን እንተሸቲ ተከዋ፡፡ ⁹ 9 እን ጊራ ጀወላኹ ክርስቶስር ምህሮሲኽር ተበጋኹታ ጃር ሻኽላኒ እን ምህሮትል ተባኹ ኒ እኽርዲ እኹራዲ ሻኩ፡፡ ¹⁰ 10 ኣኻኹክ ኣኽን እንተል እንተረን እማ እና ምህሮ ኒስ ናዕሰገን እንተልጞሊ ከለብርገሉ ስላምኽር ይገሉ፡፡ ¹¹ 11 እን ሰላም ያኹሉታ እን ኒእክይ ክድመትልሊ ሕበርሰሉ ህንበኩ፡፡ ¹² 12 እንተል ከተባኹሉ ገሪ ጋራት እርጉኩለታ ወረቐትዲ ቀለምዲሲ ከተብየሉ እንከሊ፡፡ላኪን ይነፈርሓት ተመምሮር መታን ታ እንተል እንትያ እማ ገሽድ ገሽል ጋብየኩም ሳዳ እሰኩን እንኩኹን፡፡ ¹³ 13 እን ፍሪርስረሪ ኩሻኒ ቁር ሰላም የነኩኪ እንኩኑኽ፡፡