4

¹ وايش نقول في ابونا ابراهيم في الجسم واللي وقع به؟ ² فلو ان الله اعتبره صالح من سبة أعمالكان واجب عليه انه يزنط ، لكن مش قدام الله ³ فالكتاب يقول :(آمن ابراهيم بكلام الله فأعتبره صالح)

⁴ ومن قام بعمل فأجرته حق مش هديه ⁵ أما اللي ما يعملش ولكن يؤمن بالله اللي يخليه صالح ، فذيه الايمان هو اللي يعتبره الله صالح ⁶ وكذيه يترنم داود وهو يمدح فرحة الادمي اللي يعتبره الله صالح من افعاله ، فقال ⁹ فهل تيه السعاده هي لأهل الختان وبس؟ ماشي ، حتى لغير المختونين ، لأننا قلنا اللي قاله الكتاب ، إن الله اعتبر ايمان ابراهيم صالح ¹⁰ ولكن ايحين يتم له ذيه؟ قبل الختان ولا بعده؟ الجواب : قبل الختان مش بعده ¹¹ وبعدا وقع له الختان علامه على ان الله اعتبره صالح ، ووقع ابراهيم اب لكل اللي يعتبرهم الله صالحين ¹² واب للمختونين اللي ما يكتفوش بالختان ، وزد يقتدوا بأبونا ابراهيم في ايمانه قبل ما يوقع له الختان ¹³ فالوعد اللي وعده الله لإبراهيم ونسله انه يورث العالم ، مشو عسب الشريعه ، ولكن عسب ايمانه اللي يعتبره الله ¹⁴ فلو ان الميراث لأهل الشريعه بس كان الايمان وهم والوعد باطل ¹⁵ لأن الشريعه تدي غضب الله على اللي يخالفها ، ومكان مابش شريعه مابش معصيه

¹⁶ فالميراث قايم على الإيمان لوما يوقع هديه من الله ، ويبقى الوعد متواصل على نسل ابونا ابراهيم كله ، مش على أهل الشريعه لحالهم ، ولكن على المؤمنين ساع ايمان ابراهيم والكل ، وهو اب لنا كلنا ¹⁷ ساع ما يقول الكتاب :(خليتك اب لأمم خيرات) وهو اب لنا عند اللي آمن به ابراهيم ، عند الله اللي يحيي الأموات ويأمر اللي مش موجود يجي للوجود

¹⁸ وآمن ابراهيم وهو يتمنى وماكنش به امنيات ، فوقع اب لأمم خيرات على ماقال الكتاب :(كذيه عيوقع نسلك) ¹⁹ وكان ابراهيم عمره حوالي 100 سنه ولكن ايمانه ماضعفش ، وكان داري ان جسمه مايسترش يدي جهال ، وأن ساره هي والكل ما تسترش تدي جهال ²⁰ وما شكش في وعد الله ، وعاده زاد ايمانه وادى المجد لله ²¹ وواثق بأن الله يستر يوفي بوعده ²² وعسب ذيه الايمان اعتبره الله صالح ²³ ومش قول الكتاب :(برره الله) مشو عسبه لحاله ²⁴ ولكن عسبنا والكل ، لأن الله يعتبرنا صالحين احنا اللي نؤمن بالله واللي أقام سيدنا يسوع من الموت ²⁵ وكان أسلمه للموت عن ذنوبنا وقومه عسب يعتبرنا صالحين عنده