14

¹ ودخل بوليس وبرنابا ساع العاده مجمع اليهود في ايقونية وتحاكوا كلام خلا الكثير من اليهود واليونانيين يؤمنوا ² لكن اليهود اللي رفضوا انهم يؤمنوا بيهيجوا غير اليهود على الأخوه وخربوا قلوبهم ³ ولكن بولس وبرنابا جلسوا هاناك خيرات يتحاكوا على نعمة المسيح ، وكان هو يأيد رسالتهم حين ادى لهم القوة عسب يفعل الآيات والعجايب ⁴ وانقسموا أهل المدينه ، وكانوا بعضهم مع اليهود وبعضهم مع السوليين ⁵ ولوما قرروا اليهود واللي مشهم يهود ومعهم رؤسائهم ان يهينوا الرسوليين ورجموهم ⁶ وحسوا بولس وبرنابا بذيك ، وهربوا إلى مدينتين في ليقونيه (لستره ودربة) وللمناطق اللي جنبهن ⁷ وجلسوا يبشروا هاناك ⁸ وكان في لسترة رجال مكسح من يوم ولادته ، ولا مشي في حياته ابداً ⁹ ولوما كان يجلس يتسمع لكلام بوليس ، ابسر له بولس ، وابسر بينه الايمان اللي يخليه يتشافى ¹⁰ فقال له صوت عالي :(قوم واوقف على ارجيلك) فقفز الرجال وجلس يمشي

¹¹ وحين ابسروا الناس ايش فع بولس ، صاحوا بلغتهم وقالوا :(نزلت الألهة شكل البشر وجت صلينا) ¹² وسموا برنابا زيوس ، وبولس هرمس ، لأنه اللي كان يتحاكا ¹³ ووصل كاهن زيوس اللي كان معبده عند بداية المدينه ، بالثيران وحلقات الفل للأبواب ، ويشتي يطرح ذبيحه مع الناس

¹⁴ ولوما سمع برنابا وبولس بذيه الخبر ، شططوا ثيابهم وساروا للناس سريع ويقولوا لهم : ¹⁵ (ايش بتفعلوا ياناس؟ احنا بشر ضعاف ساعكم ، جينا نشركم عسب تفلتوا تيه الحاجات ، وتهتدوا لله الحي اللي خلق السماء والأرض والبحر وكل حاجه فيها ¹⁶ وفلت كل الشعوب الأوله انهم يفعلوا اللي يشتوا ¹⁷ ولكنه كان يشهد لنفسه باللي يفعله من الخير : نزل المطر من السماء ، وادى المواسم في وقتها ، ويشبعكم بالأكل ، ويملي قلوبكم بالفرحه) ¹⁸ وما استروش الرسولين بذيه الكلام انهم يمنعوا الناس من الذبيحه إلا بعد تعب

¹⁹ وجو بعض اليهود من انطاكية وايقونية واقنعوا الشعب ، فرجموا بولس وسحبوه خارج المدينه ، واعتقدوا انه مات ²⁰ ولما تجمعوا عليه الطلاب ، قام ودخل المدينه ، وفي اليوم الثاني مع برنابا إلى دربة ²¹ وبشر بولس وبرنابا في دربة ووقع لهم طلاب خيرات ، وبعدا رجعوا إلى لسترة ، ومنها لأيقونية وانطاكية ²² وهم يشددوا على الطلاب انهم يثبتوا في الأيمان ، وقال :(لازم ان نتوجع خيرات عسب ندخل مملكة الله ²³ وكانوا يعينوا لهم قسيس في كل كنيسة ، وبعدا يصلوا ويصوموا ويستودعوهم للرب اللي امنوا به ²⁴ وبعدما سافر في بيسيدية ، وصلوا إلى بمفيلية ²⁵ وبشروا بكلام الله في برجة ، وبعدا نزلوا إلى أتالية

²⁶ ومن هاناك سافروا في البحر إلى انطاكية اللي خرجوا منها في رعاية الله ، عسب يقوم بالعمل اللي قاموا به ²⁷ ولما وصلوا لأنطاكية جمعوا المؤمنين للكنيسة ، وحاكوهم بكل ما عملة ربنا بواستهم ، وكيف انه فتح با الايمان للشعب الثانيه ²⁸ وجلسوا وقت خيرات مع الطلاب