¹ وسعما كان في شعب الله اللي ادعو بالنبؤه ، عيوقع فيكم معلمون كذابة يجو ببدع هدامة ، لدرجة انهم ينكرو السيد اللي فداهم ، فيدو على انفسهم الهلاك السريع . ² وخيرات عيلحقو بهد كفرهم ، وبسببهم يكفرو الناس بدين الحق . ³ وهم طماعين بيستغلوكم بحكايات بيخترعوها . علميد هذا من وقت طويل صدر عقابهم وعيوقع فيهم ، ونهايتهم لابد منها . ⁴ ان الله مارحمش الملايكه اللي غلطو ، انما طرحهم في الهاويه في اعماق الظلام محبوسين لا يوم الدين . ⁵ وهو زد مارحمش العالم القديم انما ادالهم الطوفان على عالم الاشرار . لكنة حفظ 8 اشخاص واولهم نوح اللي كان بيدعيهم للهداية . ⁶ وعاقب الله مدينتين سدوم وعمورة ، فحرقهن وخلاهن رماد ، وخلاهن تحذير ان نفس هذا الشي عيوقع في الاشرار . ⁷ اما لوط فأنقذه ، لانهو كان رجال صالح ، وقد تضايق قوي بسبب القذاره اللي كان يعيش فيها الاشرار . ⁸ فكان هذا الرجال الصالح عايش بينهم ، وكان كل يوم يبسر ويسمع اللي بيوقع ، فتتعذب نفسة الصالحة من افعالهم الشريره . ⁹ كل هذا يبين ان الله قادر انهو ينقذ الانقياء من المحن ، ويخلي الاشرار لا عقاب يوم الدين . ¹⁰ خاصةً اللي بيتبعو شهوة الطبيعة الدنيئة ، يعني الشهوة النجسة ، ويحتقرو السلطة . هذولا المعلمين الكذبة بيتصرفو بوقاحة وكبرياء ، وما يفتجعوش من الافتراء على المخلوقات السماوية . ¹¹ مع ان الملايكة ، وهم اعظم قوة ومقدرة ، ما يقدموش في محضر الله شكوى فيها افتراء ضد هذي الكاينات . ¹² اما هذولا الناس فيفترو في امور مايفهموهاش . هم ساع البهايم اللي مش عاقلة ، اللي تخطيها الغريزة ، وهي مولوده علميد تنصاد وتقتتل . علميد هذا عينتهو ساعما البهايم . ¹³ ويكسبو الشر جزاء شرهم . هم بيعتبرو ان الانغماس في الملذات حتى في وسط النهار فرحة . هم وسخين وفاسدين . حتى وهم بياكلو معاكم في العزايم ، يخدعوكم ويفرحو بهذا . ¹⁴ عيونهم بتبسر النسوان بالشهوة ، وماتشبعش من الذنوب . يخدعو الضعفاء . قلوبهم تعودت على الطمع . هم ملاعين . ¹⁵ فلتو الطريق المستقيمة وضاعو وخطيو في طريق بلعام ابن بعور اللي حب انهو يوقع له اجرة ، وفعل الشر . ¹⁶ ولكنة اتئدب على معصيتة ، لان الحمار اللي مابيتكلمش نطق بصوت الانسان ، وطرح حدود لجنون النبي . ¹⁸ كلامهم اهبل ويدل على الكبرياء يستخدمو الشهوات النجسة والفسق ، علميد يخدعو فيها من بدأ يهرب من اهل الضلال . ¹⁹ يوعدو الناس بالحرية ، وهم نفسهم عبيد للفساد . لان النسان عبد لكل ما يتسلط عليه . ¹⁷ هذولا الناس هم ينابيع بدون ماء ، وضباب تخطية ريح قوية . علميد هذا فأن اعماق الظلمات جاهزة لهم . ²⁰ فمن نجا من الفساد الموجود في هذي الدنيا ، عن طريق معرفة سيدنا ومنقذنا عيسى المسيح ، بعدا سمح لنفسة انهو يرتبش ويخسر مرة ثانية بهذا الفساد ، توقع نهايتة اخس من بدايتة . ²¹ انما كان من الاحسن له انهو مايعرفش طريق الهداية ، من انهو بعدما عرفة ، يرجع من الوصية الصالحة اللي وقعت له . ²² فينطبق علية المثل الصادق اللي بيقول : ((كلب رجع ياكل الطرش اللي طرشة )) والثاني اللي بيقول :(( حتى لو غسلت الخنزير ، يرجع ويتجعر في الخسع )).