¹ من الشيخ لا عند : المرة اللي اختارها الله ولاعند عيالها ، اللي بين احبهم صدق ، ومش انا وحدي انما زد كل من عرف الحق . ² لان الحق ثابت فينا ، وعيوقع معانا لا الابد . ³ النعمة والرحمة والسلام علينا من الله الاب ومن عيسى المسيح ابن الاب في الحق والمحبة . ⁴ فرحت قوي لاني لقيت ان به من عيالش بيعيشو بحسب الحق ساعما وصانا الاب . ⁵ وعلى ميد هذا ، فانا بين اطلب منك ايها السيدة العزيزة ان نحب مابيناتنا البين . هذي مش هي وصية جديدة بين اكتبها لكم ، انما هي وصية عندنا من اول . ⁶ والمحبة اللي بين اقصدها ، بتعني انحنا نعيش بحسب الوصايا . هذي هي نفس الوصية اللي سمعتوها من اول ، انكم تعيشو بالمحبة . ⁷ فقد انتشر في هذا العالم ضالين خيرات ما يعرفوش ان عيسى المسيح وقع بشرى . هذا هو المضل وعدو المسيح . ⁸ فأنتبهو على ميد لا يضيع اللي تعبتو فية انما تكسبو اجركم بالكامل . ⁹ كل من يتعدى عقيدة المسيح وما يثبتش فيها ، ما يوقعش الله من نصيبة . اما اللي يثبت في العقيدة ، فيوقع له الاب والابن سوا . ¹⁰ وان جالكم واحد من غير هذي العقيدة ، لا تقبلوهش في بيتكم ، ولا تسلمو علية . ¹¹ لان اللي يسلم علية ، يشترك معة في اعمالة الشريرة . ¹² معي امور خيرات اشتي احاكيكم فيها ، لكني ما اشتيش اكتبها بالمداد والورق . انما اتمنى ازوركم واتحاكى معاكم شخصياً على ميج يوقع فرحة كاملة . ¹³ بيسلم عليش عيال اختش اللي اختارها الله.