¹ تيه الوعود اداها لنا الله ، يا اخوه لازم نطهر نفسنا من كل ما يدنس الجسم والروح ، ونعيش حياة صالحه في مخافة الله ² افسحو لنا بقعه في قلوبكم ، احنا ما ظلمناش احد ، وما اذيناش احد ولا استغلينا احد ³ ما بين اتحاكاش هاكذا علميد الومكم ، لأني حاكيتكم من قبل انكم في قلوبنا علميد نعيش سوا أو نموت سوا ⁴ انا عندي ثقه كبيره فيكم ، وبفتخر بكم قوي ، ومع كل المصايب اللي وقعت لنا قلبي ملان بالعزاء وفارح قوي ⁵ واحنا لوما جينا لمقدونيا جسمنا ماعرفش الراحه ابداً ، لكن كنا في ضيق من كل جهة ، مشاكل من الخارج وخوف وقلق من الداخل ⁶ لكن الله اللي يعزي الغاثين ، عزانا بجية تيتوس ⁷ ومش بجيته وبس ، لكن والكل بالعزاء اللي جاله منكم ، لأنه حاكانا عن شوقكم لي ، وزعلكم وغيرتكم عليا ⁸ ومع اننا غثيتكم برسالتي ، لكن انا مش نادم على هاذه ذلحينه ، ولو ندمت حين ابسرت انها غثتكم لحظه ⁹ هوذا انا فارح ذلحينه ، مشهو لأننا غثيتكم ولكن لأن غثاكم خلاكم تتوبو ، وهو غثى من الله وما وقعش بكم مننا اي خسارة ¹⁰ لأن الغثى اللي بحسب مشيئة الله يدي توبة تدي النجاة ومابش عليه ندم ، واما الغثى اللي من الدنيا يودي للموت ¹¹ وابسرو كيف ادى هاذه الغثى اللي من الله لاهتمامكم بنا ، لكن اسفكم واستنكاركم وخوفكم وشوقكم وغيرتكم وعقابكم وراهنتو على كل شي على ان انتو ابرياء من ك ما وقع ¹² وانا ما كتبتش لكم يعني علميد الظالم ولا علميد المظلوم ، لكن علميد تبدي امام اله اهتمامكم بنا ¹³ فكان عزاكم هو عزاء لنا لكن بالاضافة لأننا تعزينا ، قد فرحنا خيرات بفرح تيتوس ، لأنكم كلكم ريحتو روحه ¹⁴ ولو كنت بديت له افتخاري بكم فلا تخزوبيش في هاذه ، وساع ما صدقنا في كل ما تحاكينا به والكل صدقنا في افتخارنا بكم في تيتوس ¹⁵ ويزيد قلبه محبه لكم ، كلما تذكر طاعتكم كلكم وكيف قبلتوه باحترام وخوف ¹⁶ وانا فارح قوي لأني واثق فيكم بكل شي