¹ لازم تبعدو منكم كل الشر، وكل الخدع والنفاق والحسد، وكل الاعتداء . ² وساعما بيتشوق الطفل جيدي الولادة لا حليب امة ، اتشوقو لا كلمة الله النقية، على ميد تكبرو فيها وتنجو، ³ لانكم طعمتو ان المسيح حالي. ⁴ فجو لا عندة، هو الحجر الحي اللي رفضة الناس، لكن الله اختارة وهو كريم عندة. ⁵ وانتو والكل ساع حجار حية، يستخدموها لعمارة بيت روحي، على ميد توقعو احبار مخصصين لله تقدمو له قرابين روحية يقبلها بواسطة عيسى المسيح . ⁶ لان الله بيقول في كتابة: (( شا اطرح في القدس حجر كريم مختار، هو حجر الزاوية، ومن يؤمن فية مايخزاش)). ⁷ هو كريم بالنسبة لكم انتو المؤمنين، اما بالنسبة لغير المؤمنين، فهو الحجر الذي رفضة النايين، ومع هذا وقع تاج البناء. ⁸ وهو زد حجر يخلي الناس ينكعو، وصخرة تخليهم ينكعو. وهو بينكعو لانهم مابيطعوش كلام الله . فهذا هو مصيرهم. ⁹ اما انتو فإنتو جماعة مختارة، مملكة احبار، امة صالحة، شعب بينتمي لله، على ميد تكلمو الناس بقدرات الله اللي دعاكم من الظلام لا نوره الباهر. ¹⁰ لانكم في الماضي ماكنتوش شعب الله، اما ذلحين فأنتو شعبة. في الماضي كنتو مش مرحومين، اما ذلحين فقد رحمكم الله. ¹¹ يا احبابي، انتو غرباء وضيوف في هذي الدنيا، على ميد هذا اشتيكم تبطلو الشهوات الطبيعية الدنيويه اللي بتحارب النفس. ¹² عيشو حياة صالحة وسط اللي مش مؤمنين. ومع انهم بيفترو عليكم وبيقولو انكم اشرار، لاكنهم بيبسرو اعمالكم الخيرة ، فيسبحو الله حين يجي. ¹³ اخضعو لكل سلطة بشرة على ميد المسيح. للملك باعتباره الحاكم الاعلى، ¹⁴ وبدونة بأعتبار انهم وكلاء الملك اللي بيعاقبو المدنيين ويمدحو الصالحين. ¹⁵ لان الله يشتيكم ان تفعلو الخير فتسكتو جهل الاغبياء. ¹⁶ عيشو ساع الاحرار، لكن لا تستخدموش هذي الحرية ساعما ستارة على ميد تفعلو الشر، انما عيوشو عبيد لله. ¹⁷ احترمو كل الناس، حبو الإخوة ، اتقو الله، اكرمو الملك. ¹⁸ ايها العبيد ، اخضعو لاسيادكم بكل احترام، سوا كانو صالحين ولطفاء او قاسين. ¹⁹ وان كان واحد بيتحمل الوجع وقسوة الظلم في سبيل الله، فهو يستحق المديح صح . ²⁰ ان كنتو بتفعلو الاخطاء، فيضربوكم وتتحملو، فكم من اجر لكم على ميد هذا؟ اما ان كنتو بتفعلو الخير، مع هذا بتتوجعو وتتحملو، فانتو ما تستاهلوش المدح قدام الله، ²¹ لانه دعاكم لهذا. فأن المسيح اتوجع على ميدكم وفلت لكم مثل تقدتو فية. ²² ما فعلش اي ذنب، وما تكلمش بالكذب ابدا. ²³ سبوة وما ردش بالسب، عدبوه وما هددهمش، انما سلم امرة لله اللي بيحكم بالعدل. ²⁴ هو بز ذنوبنا في جسمة على الصليب، على ميد نموت احنا بالنسبة للذنوب ونعيش للخير. بجروحة شفيتو. ²⁵ لانكم كنتو ساع غنم ضايعة، لكنكم ذلحين رجعتو لا راعي نفوسكم وحارسها