¹ وبعد أيام ،رجع يسوع لكفر ناحوم وانتشر الخبر إنو بالبيت ، ² واتجمعوا ناس كثير، وماعاد حصلوش مكان حتى قدام باب البيت .وبدء يسسوع يكلمهم بكلام الله . ³ وقدموا له بعض الناس واحد متحملين له أربعة رجال. ⁴ لكن ماقدروش يوصلونه لعند يسوع من كثرة الزحام.طلعو فوق سقف البيت اللي داخله يسوع وفتحو فتحه ونزلو الفراش والمشلول فوقه راقد لعند يسوع . ⁵ ولما شاف يسوع إنهم كذا مؤمنين، قال للرجل المشلول :"يا إبني،مغفور لك ذنوبك" ⁶ وكان في بين الناس الجالسين بعض فقهاء اليهود،وبدؤ يفكروا بقلوبهم : ⁷ ليش يتكلم آذى الرجل كِذا ؟أذى كلام كُفر! منو يقدر يقدر يغفر الذنوب غير الله وحده؟ ⁸ بساعته حس يسوع بروحه بأيش يفكروا بقلوبهم . وسألهم ليش تفكروا بآذى الشيء بقلوبكم؟ ⁹ أيو سهل إنو أقول للمشلول: آذى مغفور لك ذنوبك ،ولا أقوله :قُم إتحمل فراشك وامشي؟ ¹⁰ لكن انا شثبت لكم إنو لي سلطة أغفرالذنوب"وبعدين قال يسوع للمشلول : ¹¹ قُم إتحمل فراشك وروح بيتك! ¹² قام بساعته وحمل فراشه ،ومشي قٌدام الناس كلهم .فتعجبوا كلهم وسبحوا الله وقالوا :"ما قاشفناش مثل آذى أبداً!" ¹³ بعدين خرج يسوع مرة ثاني لشاطئ البحر،فتبعنوا الناس كلهم وبدء يعلمهم. ¹⁴ ولما هو ماشي ،شاف لاوي إبن حلفى جالس بمكتب الضرائب ،قال له :"تبِعنا!" فقام وتبعه . ¹⁵ ولما كان يسوع جالس يأكل ببيت لاوي ،جلسو موظفين كثير بالضرائب وناس مذنبين يأكلوا معه ومع تلاميذه ،لإنو كانوا كثير وتبعونّوه. ¹⁶ شافوا فقهاءاليهود يسوع يأكل مع الناس المذنبين وموظفين الضرائب ،قالوا لتلاميذه:"ليش يأكل مع موظفين الضرئب والمذنبين؟ ¹⁷ فسمع يسوع آذى الخبرمنهم قلهم :"مايحتاج للدكتور إلا الإنسان المريض،أما الصحيح مايحتاج لدكتور" انا ما جيتوش أدعي الناس الصالحين ،انا جيتو من شان المذنبين والخاطئين". ¹⁸ وكانو تلاميذ يوحنا وتلاميذ فقهاء اليهود صائمين ،أجاؤ بعض الناس يسألوا يسوع وقالوا له:"ليش يصومو تلاميذ يوحنا وتلاميذ فقهاء اليهود ؟وتلاميذك أنت مايصموش؟ ¹⁹ فجاوبهم يسوع :هل يصوم أهل العُرس والعريس بينهم ؟ مادام والعريس بينهم ميقدروش يصومو. ²⁰ بس شِجي وقت ويُرفع العريس من بينهم .بهذيك الأيام يصوموأ. ²¹ احد يٌرقِع ثوب بالي بِرُقعه من قماش جديد،والإ شحصل إنو الرقعه الجديد تنكمش ،وتأكل الثوب البالي ويرجع الخُرق أسوء مما كان. ²² وماحد يعمل خمر جديد داخل قِربه قديمه،بيحصل إنو القربه تقتطع ويستكب الخمر من القربه ،لكن تُسكب الخمر الجديد داخل قربه جديد." ²³ ومره بيوم سبت ،كان يسوع يمشي بين زرع ،بدؤ تلاميذه يمشوا بعده ويقطفوا سبول وهم ماشين . ²⁴ فقالوا فقهاءاليهود ليسوع: شـــوف ! ليش يعمل تلاميذك شيء مايحلــش عمله يوم السبت؟ ²⁵ جاوبهم يسوع: مــا قرأتم إيش عمل داود لما احتاج وجويع هو واصحابه؟ ²⁶ دخل بيت الله لما كان أبيأثر رئيس الكهنه ،وأكل من الخبز المقدس المُقدم للرب واللي مايحلش أكله إلا للكهنه وحدهم ،وزاد أعطي مِنوه لأصحابه يأكلوا." ²⁷ قلهم يسوع :"الله خلق السبت منشان فائدة الانسان ،موش الإنسان من شان السبت " ²⁸ إذن اللي رجع بشر هو رب السبت كمان.