¹ ಇದಾದಿ ಅನ್ ಬೇಸಲಿ ಪರಲೋಕತ್ಕುರು ಶ್ಯನ ಮಂದಿಲ್ಟ ಮಹಾ ಶಬ್ದನ ನಾನು ಕೊಟೆ ;ಆಗ್ಯ ಹಲ್ಲೆಲೂಯಾ ;ನಗ್ಟ ದೌರಯಿಕ್ರ ಕರ್ತಂಕು ರಕ್ಷಣೆಯೂ ಮಹಿಮೆಯೂ ಘನ ಅಧಿಕಾರ ಉಂಟಾಗೊಟು . ² ಅತ್ರ ನ್ಯಾಯ ತೀರ್ಪು ಸತ್ಯ ನೀತಿಯುಳ್ಳದು ಆಯಿದು ;ಎಂತುಗು ಇಂಡೆಕೆ ಜಾರತ್ವತಿಂಡು ಭೂಲೋಕನ ಕಡ್ಕುತ ಆ ಮಹಾ ಜಾರ ಪಮ್ಲಾತ್ಗು ಅದು ನ್ಯಾಯ ತಿರ್ಸಿ ಅತ್ರ ಸೇವಕರ ರಘುತ್ ಕಾಯಿ ಅತ್ಗು ಪ್ರತಿ ದಂಡನೆನ ಸೇಂದಿದು. ³ ತಿರ್ಗಿ ಆಗ್ಯ –ಹಲ್ಲೆಲೂಯಾ ಅಂಡುಸ್ನು .ಅತ್ರ ಪಗ ಯುಗಯುಗಾಂತರತ್ಕುರು ಏರಿ ಹೊಕ್ ದು ⁴ ಅಪೋದು ಈರ್ವತು ನಾಲು ಮಂದಿ ಹಿರಿಯರು ಆ ನಾಲು ಜೀವಿಗ –ಆಮೇನ್ .ಹಲ್ಲೆಲೂಯಾ ಇಂಡು ಸೊಂತಾ ಸಿಂಹಾಸನ ಮೇನಿ ಉಕೊಂಡಿಂದ ದೌರ್ ಮುಂಕು ಅಡ್ಡ ಬುದ್ದು ಆರಾದನೆ ಸೇನ್ಚ್ ನು. ⁵ 5. ಅಮೇನಿ ಸಿಂಹಾಸನ ತಿಂಡು ವಂದ ವಂಡು ಶಬ್ದನ –ದೌರ್ ಸೇವರದೇರು ,ಅತ್ಗು ಭಯ ಪಟ್ಟು ಹಿರಿಯಾ ಕಿರಿಯಾರು ನಗ್ಟ ದೌರ್ನ ಕೊಂಡಡಂಗೋ ಇಂಡು ಸೋನ್ಸುಸು. ======= ⁵ ಅಮೇನಿ ಸಿಂಹಾಸನ ತಿಂಡು ವಂದ ವಂಡು ಶಬ್ದನ –ದೌರ್ ಸೇವರದೇರು ,ಅತ್ಗು ಭಯ ಪಟ್ಟು ಹಿರಿಯಾ ಕಿರಿಯಾರು ನಗ್ಟ ದೌರ್ನ ಕೊಂಡಡಂಗೋ ಇಂಡು ಸೋನ್ಸುಸು. >>>>>>> 618a1332dda0f3de30e6c859fa2e3ea71c829525 ⁶ ತರುವಾಯ ಮಂದಿಲ್ಯ ಬೇರ್ ಗುಂಪುತ ಶಬ್ದಕನ್ನಿ ಶ್ಯನ ತನ್ನಿತ ಘೋಷಕನ್ನಿ ಇಂದ ಗಟ್ಟಿಯಾನ ಗುಡುಗುತ ಶಬ್ದಕನ್ನಿ ಇಂದ ವಂಡು ಶಬ್ದನ ನಾನು ಕೋಟೆ ;ಅದು ಹಲ್ಲೆಲೂಯ ,,ಸರ್ವಶಕ್ತನಾನ ದೌರಯಿಕ್ರ ಕರ್ತನು ಆಳಕು. ⁷ ಸಂತೋಷ ಪಡೋಮು ,ಹರ್ಷಪಡೋಮು ,ಅತಾತೆಯ ಘನ ಪಡ್ಸೋಮು ;ಎಂತುಗು ಇಂಡೆಕೆ ಕುರಿಯಾದತನ ವಿವಾಹ ವಂಚು ;ಅತ್ಗು ವಿವಾಹ ಅಗ್ರ ಕನ್ನಿಕೆ ತನಾತೆಯ ಸಿದ್ದ ಸೇದ್ಗೊಂಡಿದು ಇಂಡು ಸೋನ್ನುಸು. ⁸ ನಿರ್ಮಾಲವಾನ ವೌಳ ನಯವಾನ ನಾರುಮಡಿ ಉಟ್ ಗುರ್ಕು ಅತ್ಗು ಅನುಗ್ರಹ ಆಸು ;ಎಂತುಗು ಇಂಡೆಕೆ ಆ ನಾರುಮಡಿಯು ಪರಿಶುದ್ದರ ನೀತಿ. ⁹ ಇದಲ್ಲದೆ ಅದು ಕುರಿಯಾದತನ ಕನೇಲ್ ತ ಔತಣ ಅಕ್ಯಲ್ ಪಟ್ಟಿಕ್ರಗ್ಯ ಧನ್ಯರು ಇಂಡು ವರ್ಜಿದು ಇಂಡು ನಂಕು ಸೋನುಸು . ¹⁰ ಅಪೋದು ನಾನು ಅತ್ಗು ಆರಾದನೇ ಸೈಯಿರ್ದು ಇಂಡು ಅತ್ರ ಪಾದತ ಮುಂಕು ಬಿಗ್ರತ್ಗು ಅದು ನೀನು ಸೈಬೇಕಾರಿಕ್ರ ಪಾರು ,ನೀನು ನಿಂಕು ಯೇಸುತ ವಿಷಯವಾಯಿಕ್ರ ಸಾಕ್ಷಿನ ಹೊಂದಿಕ್ರ ನಿಟ್ಟು ಅನ್ನಬೇಮ್ಬಿಮಾರ್ಕು ಜೊತೆ ದಾಸನಾಯಿರೆ ;ದೌರ್ಕು ಆರಾದನೇ ಸೈಯಿ, ಎಂತುಗು ಇಂಡೆಕೆ ಯೇಸು ವಿಷಯ. ¹¹ ಪರಲೋಕ ವಗ್ ತ ಇಕ್ರ ನಾನು ಪಾತೆ .ಅಪೋದು ವಾಲ ಕುದ್ರ ಕಂಡುಸು ;ಅತ್ ಮೇನಿ ಉಕೊಂಡಿಂದದು ನಂಬಿಗಸ್ತನು ಸತ್ಯವಂತನು ಇಂಡು ಅಗ್ಸಿದು .ಅದು ನೀತಿಯಿಂಡು ನ್ಯಾಯ ವಿಚಾರಣೆ ಸೆಂದು ಯುದ್ದ ಸೈಯಾಕು ; ¹² ಅತ್ರ ಕನ್ನು ನೆರ್ಪುತ ಇಂಚು .ಅತ್ರ ತಲೈ ಮೇನಿ ಶ್ಯಾನ ಕಿರೀಟ ಇಂಚು ವರ್ಜಿಕ್ರ ಪೇರು ಅತ್ಗು ಇಂಚು .ಅದು ಅತ್ಗು ಉಟಟೆಕೆ ಇನೆತ್ಗು ಗೊತ್ತುಲ . ¹³ ಅತ್ರ ರಘುತ್ಕುರು ಅದ್ದಿದಿಕ್ರ ಬಟ್ಟ ಹೊಟ್ಗೊಂಡಿಂಚು .ಅತ್ರ ಪೇರು ದೌರ್ತ ವಾಕ್ಯ ಇಂಡು ಹಾಗ್ಯಲ್ಪಡಾಕು. ¹⁴ ಪರಲೋಕತ್ಕುರು ಇಕ್ರ ಸೈನ್ಯ ಶುಭ್ರವಾಯಿ ನಿರ್ಮಲವಾಯಿ ಇಕ್ರ ನಾಯವನ ನಾರುಮಡಿನ ಹೊಟ್ಗೊಂಡು ವಾಲ ಕುದ್ರತ್ ಮೇನಿ ಅತ್ರ ಪರ್ಗೊಡೆ ವರ್ತ ಇಂಚು . ¹⁵ ಜನಾಂಗಗದೆಯ ಮತುರ್ಕು ಹದವಾನ ಕತ್ತಿ ಅತ್ರ ವಾಯಿಂಡು ವರಕು .ಅದು ಅಲ್ ಅತೆಯ ಕಬ್ಬಿಣತ ಕೊಲಿಂಡು ಅಳಕು .ಅದು ಸರ್ವಾಶಕ್ತನಾನ ದೌರ್ತು ಉಗ್ರ ಹೆಸ್ ಇಗ್ರ ದ್ರಾಕ್ಷ ತೊಟ್ಟಿಕುರು ಇಕ್ರತೆಯ ಮಿದ್ ಕ್ಯಾಕು . ¹⁶ ಅತ್ರ ತೊಡಿಮೇನಿ ಬಟ್ಟಿ ಮೇನಿ ರಾಜಾಧಿರಾಜನು ಕರ್ತರ ಕರ್ತನು ಇಗ್ರ ಪೇರು ವರ್ಜಿದು. ¹⁷ ಅನ್ಬೇಸಾಲಿ ವಂಡು ದೂತನು ಸೂರ್ಯ ನಚ್ ಗು ನಿಡ್ರಿಕ್ರತ ನಾನು ಪಾತೆ . ¹⁸ ರಾಜರ ಕರ್ರೀ ಸೈನ್ಯ ಧಿಪತಿಲ್ಟ ಕರ್ರೀ ಪರಾಕ್ರಮಾ ಶಾಯಿಲ್ಟ ಕರ್ರೀನ ಕುದ್ರುತ ಕರ್ರೀನ ಅತ್ರ ಮೇನಿ ಉಕೊಂಡು ಇಂದಾಳ್ತಾ ಕರ್ರೀ ಸ್ವತಂತ್ರರು ದಾಸರು ಚಿನ್ನಗ್ಯ ಬೇರ್ ಆಗ್ಯ ಇಲ್ಟ ಆದೆರ್ತ ಕರ್ರೀನ ತಿಗುರ್ಕು ವಂಗೋ ಇಂಡು ಸೋನ್ಸು. ¹⁹ ಆ ಮೃಗ ಭೂರಾಜರು ಅಲ್ ಟ ಸೈನ್ಯಗ ಆ ಕುದ್ರತ ಮೇನಿ ಉಕೊಂಡಿಂದ ಅತ್ರ ಮೇನಿ ಅತ್ರ ಸೈನ್ಯಾತ ಮೇನಿ ಯುದ್ದ ಸೈಯಿರ್ಕು ವಂದಿಕ್ರತ ನಾನು ಪಾತೆ . ²⁰ ಅಪೋದು ಮೃಗ ಸಿಕ್ಸು ;ಇದಲ್ಲದೆ ಮೃಗತ ಮುಂಕು ಮಹಾತ್ಕಾರ್ಯ ಸೇಂದ ಮ್ರುಗತ ಗುರುತ ಹೊಟ್ ಗೊಂಡಿಂದ ಅದ್ರ ವಿಗ್ರಹನ ಆರಾದಿಸ್ ರಲ್ನ ಮರುಳು ಗೋಲ್ ಸ್ತ ಇಂದ ಆ ಸುಳ್ಳು ಪ್ರವಾದಿಗ್ಯ ಅತೆಂಟಿ ಸೆರೆ ಸಿಕ್ಕುಸು .ಇಲ್ಕು ಪಗ್ ಸಿಕ್ರ ಸಹಿತವಾಯಿ ಗಂದಕತಿಂಡು ಉರಿರ ನೆರ್ಪು ಕೆರಿಕಿ ಬುಗಾಕ್ನು. ²¹ ಮಿಕ್ಕನಗ್ಯ ಆ ಕುದ್ರತ ಮೇನಿ ಉಕೊಂಡಿಂದ ಆತ್ರ ಕತ್ತಿಯಿಂಡು ಅಂಡೆಕೆ ಅತ್ರ ವಾಯಿಂಡು ವಂದ ಕತ್ತಿ ಇಂಡು ಸೇತ್ ತುಸ್ನು ;ಪಕ್ಷಿಗ್ಯ ಅಲ್ ಟ ಕರ್ರೀ ನ ವರ್ಗು ಮೆತ ತಿಂಡ್ರುಸು.