¹ ಅಪೋದು ನಾನು ಸಮುದ್ರತ ಮರಳ್ ಮೇನಿ ನಿಡ್ರು ,ಸಮುದ್ರತ್ಕುರು ಇಕ್ರ ಮೃಗ ಏರಿ ವರಾತ ಪತೆ .ಅತ್ಗು ಓಗು ತಲೈ ಪತ್ತು ಕೊಂಬು ಕೊಂಬುತ್ ಮೇನಿ ಪತ್ತು ಕಿರೀಟ ತಲೈ ಮೇನಿ ದೋಷಣೆಯಾ ನಾಮ ಇಂಚು . ² ನಾನು ಪಾತ ಮೃಗ ಚಿರತೆ ಕನ್ನಿ ಇಂಚು ;ಅತ್ರ ಕಾಲು ಕರಡಿ ಕಾಲ್ತರ ಅತ್ರ ವಾಯಿ ಸಿಂಹತ ವಾಯಿಕನ್ನಿ ಇಂಚು ;ಅತ್ಗು ಘಟಸರ್ಪ ತಟ್ಟು ಶಕ್ತಿ ತಟ್ಟು ಆಸನ ಮಹಾ ಅದಿಕಾರ ಕೊಡ್ಜು. ³ ಅಲ್ ಟ ತಲೈ ಮೇನಿ ವಂಡು ಗಾಯ್ ಹೊಂದಿ ಸಾಗ್ರಕನಿ ಇಕ್ರತ ನಾನು ಪತೆ .ಮರಣಕರವಾನ ಆ ಗಾಯ್ ಮನ್ ಹೊಸು ;ಅಪೋದು ಭೂಲೋಕತ್ಕುರು ಇಕ್ರಗಲ್ಟ ಅದೇರ್ತ ಮೃಗತ ವಿಷಯವಾಯಿ ಆಶ್ಚರ್ಯ ಪಟ್ಟುಸ್ನು . ⁴ ಘಟ ಸರ್ಪ ಆ ಮೃಗತ್ಗು ಆಧಿಕಾರ ತಂದಿಕ್ರತಿಂಡು ಆಗ್ಯ ಆ ಘಟಸರ್ಪನ ಆರಾದನೆ ಸೈರಗ್ಯ ರಾಯಿಂಚ್ನು .ಇದಲ್ಲದೆ ಆ ಮೃಗನ್ನ ಆರಾದಿಸ್ರಗ್ಯ .ಈ ಮೃಗತ್ಗು ಸಮಾನರು ಎದು ? ಇತೆಂಟ್ಟಿ ಯುದ್ದ ಸೈಯಿರ್ಕು ಎದು ಶಕ್ತನು ಇಂಡುಸ್ನು. ⁵ ಬಡಾಯಿ ಒಕ್ನ ದೊಷಣೆಯ ಒಕ್ನ ಸೊಂಡ್ರ ವಾಯಿ ಆಯಿಲ್ಕು ಕೊಡ್ತಿಂಚು .ನಾಡ್ ಕತ್ ರಂಡು ಮಾದ್ ಮುಂದುವರಿರ್ಕು ಅದಿಕಾರ ಕೊಡ್ ತಿಂಚ್ನು . ⁶ ಆಪೋದು ಅದು ದೌರ್ತ ಪೆರ್ನ ಆತ್ರ ಬೀಡರ್ನ ಪರಲೋಕತ್ಕುರು ವಾಸ ಸೈರಲ್ನ ದೂಷಿಸ್ ದಲ್ದೆ ದೌರ್ಕು ವಿರೋದವಾನ ದೊಷಣೆತ್ಗು ತಟ್ಟು ವಾಯಿನ ವಗುಸು. ⁷ ಇದಲ್ಲದೆ ಪರಿಶುದ್ದರ ಮೇನಿ ಯುದ್ದ ಸೆಂದು ಆಲ್ನ ಗೆಲ್ಲುರ್ಕು ಅತ್ಗು ಆಧಿಕಾರ ಕೂಡ್ತಿಂಚು .ಆದಿ ಕುಲ ಭಾಷೆ ಜನಾಂಗತ್ ಮೇನಿ ಅತ್ಗು ಅದಿಕಾರ ಕೂಡ್ತಿಂಚು . ⁸ ಜಗತ್ಗು ಅಸ್ತಿವಾರ ಹೋಡ ಅಮನಿಂಡು ಎಲ್ ಟ ಪೇರು ವಧಿಸಲ್ಪಟ ಕುರಿಮರಿಯಾ ತಟ್ಟು ಜೀವ ಗ್ರಂಥತ್ಗುರು ವರ್ಜಿಕ್ ದಿಲ್ಲಯೋ ಆ ಭೂನಿವಾಸಿಗ್ಯ ಮೃಗನ ಆರಾಧಿಸಾಕ್ನು. ⁹ ಕಿವಿಯುಳ್ಳವನು ಕೇಳಲಿ ¹⁰ ಸೆರೆಗೆ ನಡಿಸುವವನು ಸೆರೆಗೆ ಹೋಗುವನು; ಕತ್ತಿಯಿಂದ ಕೊಲ್ಲುವವನು ಕತ್ತಿಯಿಂದಲೇ ಕೊಲೆಯಾಗಬೇಕು. ಇದರಲ್ಲಿ ಪರಿ ಶುದ್ಧರ ತಾಳ್ಮೆಯೂ ನಂಬಿಕೆಯೂ ಇರುತ್ತದೆ. ¹¹ ಇನೊಂಡು ಮೃಗ ಭೂಮಿಕುರಿಂಡು ವರಾತ ನಾನು ಪಾತೆ . ಇತ್ಗು ಕುರಿಮರಿಕಿ ಇಕ್ರ ಕನ್ನಿ ರಂಡು ಕೊಂಬು ಇಂಚು ;ಇದು ಘಟ ಸರ್ಪ ಕನ್ನಿ ವಾಸೆತುಸು . ¹² ಇದು ಮುನಿಂದ ಮೃಗತ ಅಧಿಕಾರ ಆದಿನು ಅಲ್ಟ ಮುಂಕು ನಡ್ಸಾಕು .ಮರಣಕರಣಕಾರವಾನ ಗಾಯ್ ಮನ್ ಇಕ್ರ ಮುನ್ನಿಂದ ಮೃಗತ್ಗು ಭೂಲೋಕ ಭೂನಿವಾಸಿಗ್ಯ ಆರಾದಿಸ್ರ ಕನ್ನಿ ಸೈರಾದಯಿದು. ¹³ ಇದು ಮಹತ್ತಾದ ಸೂಚಕ ಕಾರ್ಯನ ಸೈಯಾಕು ಮಂದಿಲ್ ಮುಂಕು ನೆರ್ಪು ಆಕಾಶತಿಂಡು ಭೂಮಿಕಿ ಈಗ್ಜು ವರ್ಕನ್ನಿ ಸೈಯಾಗು. ¹⁴ ಮೃಗತ ಮುಂಕು ಇಂಥ ಮಹತ್ಕಾರ್ಯ ಸೈರ ಅಧಿಕಾರನ ಹೊಂದಿ ಭೂಮಿ ಮೇನಿ ವಾಸಿಸ್ರ ಜನರನ (ಮಂದಿಲ್ನ ) ಮೋಸ ಸೈರ ದಲ್ದೆ ಕತ್ತಿ ಇಂಡು ಗಾಯ್ ಹೊಂದಿಗ್ಯೊಂಡು ಪಗ್ ಸಿಕ್ರ ಮೃಗತ್ ಕಯಿ ವಿಗ್ರಹನ ಸೇದ್ಗುರ್ದು ಇಂಡು ಅಲ್ ಕಿ ಸೋನಕು. ¹⁵ ಮೃಗತ ವಿಗ್ರಹತ್ಗು ವಾಸೇತ್ರ ಕನ್ನಿ ಆ ಮೃಗತ ವಿಗ್ರಹನ ಎದುಎದು ಆರಾದಾನೆ ಸೈದಿಲ್ನೋ ಅಲ್ನ ಕೊಲ್ಲುರ್ಕು ಆ ಮೃಗತ್ಗು ಜೀವ ಕುಡ್ಕುರ ಅಧಿಕಾರ ಅತ್ಗು ಇಂಚು . ¹⁶ ಅದು ಚಿನ್ನಗ್ಯ ಬೆರಲ್ನ ಐಶ್ವರ್ಯವಂತರ್ನ ಬಡವರು ಸ್ವತಂತ್ರಲ್ಯ ನ ದಾಸರು ಆದೆರ್ನ ತಂಗ್ಪತಂಗ್ಟ ಊನು ಗೈ ಮೆನ್ಕು ಹಣೆ ಮೆನ್ಕು ಗುರುತು ಹೊಂದುರ್ದು ಇಂಡು ¹⁷ ಆ ಗುರುತು ಹಗೊಟ್ಟು ಮೃಗತ ಪೇರ್ ಹಗೊಟ್ಟು ಸಂಖೆ ಇಲ್ಲದೆ ಇಕ್ರದು ಕ್ರಯ ವಿಕ್ರಯನ ಸೈಯಿರ್ ಕನ್ನಿ ಸೈಯಾಕು. ¹⁸ ಇದಲ್ಲದೆ ಜ್ಞಾನ ತಿಳುವಳಿಕೆ ಇಕ್ರದು ಆ ಮೃಗತ ಸಂಖೆನ ಏಣಿ ಸೊಟ್ಟು ;ಯೆಂತುಗು ಇಂಡೆಕೆ ಅದು ವಂಡು ಮನುಷ್ಯನ ಸಂಖೆ ಆಯಿದು ;ಆ ಸಂಖೆ ಆರು ನೂರ ಅರುಕಪಾತು.