^{1 2 3} 1 ಕ್ರಿಸ್ತ ಯೇಸುವಿನ ಸೆರೆಯವನಾಗಿಕ್ರ ಪೌಲನು ಅನ್ನಾತೆಂಬಿಅನಾ ತಿಮೊಥೆಯನು ನಂಗ್ಲುಕು ಪ್ರಿಯನೂ ಜೋತೆಮೇನಿ ಇಕ್ರ ಪನಿಅವ್ನೆ ಐಕ್ರ ಫಿಲೆಮೋನ ಇಂಗ್ರ ನಿನ್ಕು ಅಕ್ಕತಸ್ಸಿ ಅನಾ ಅಪ್ಪಿಯಲ್ಕು 2.ನಂಗ್ಲ ಸಹಭಟಅನಾ ನಿಟ ಉಟ್ಗೋರು ಕೂಡ್ರ ಸಭೆಯಲ್ಕು ವರಿರಾದು ಎಂದಯಿಂಡೆಕ್ಯ 3 ನಂಗ್ಲ ಆವಾ ಅನಾ ದೌವ್ರಿಂಡು ಕರ್ತಅನಾ ಯೇಸುಕ್ರಿಸ್ತ ನಿಂಡು ನಿಂಗ್ಲುಕು ಕೃಪೆಯೂ ಶಾಂತಿಯು ^{4 5 6 7} 4 ಕರ್ತಅನಾ ಯೇಸು ಮೇನಿ ನೀನು ಅಚ್ಚಿಕ್ರ ನಂಬಿಕೆಯತ್ತೆಯ ಕುರಿತು ದೌರುಮಂದಿಗ್ಯದ್ದಿ ಮೇನಿಯಿಕ್ರ ನಿಟ ಪ್ರೀತಿಯತ್ತೆಯ ಕುರ್ತು ಕೋಟತಿಂಡು , 5 ನಾನು ಪ್ರಾಥನೆ ಸೈರಪೋದದ್ದಿ ದವ್ರುಕ್ಕು ಎಪೋದು ಸ್ತೋತ್ರಆತ್ತೆಯ ಸಲ್ಸಿ ನಿನ್ಕೊಸ್ಕರ ವಿಜ್ಞಾಪನೆ ಸೈಯಾರೇ , 6 ಕ್ರಿಸ್ತನ್ಕೊರು ನಿಂಗ್ಲುಕು ಸಿಕ್ಕಿಕ್ರ ಅದ್ದಿ ಸುವರತ್ತೆಯ ಕುರ್ತು ನೀನು ತಿಳುವಳಿಕೆಯತ್ತೆಯ ಹೊಂದುತ ಇಕ್ರಪೋದು ಕ್ರಿಸ್ತನಂಬಿಕೆಕೋರು ಇಕ್ರ ನಿಟ ಅನ್ಯೋನ್ಯತ್ತೆಯು ಕ್ರಿಸ್ತನ್ಕು ಸೇನ ಮಹಿಮೆಯತ್ತೆಯ ಉಂಟುಸೈಯಿರ್ದು ಇಂಡು ಪ್ರಥನೆಸೈಯಾರೇ . 7 ಅನ್ನಾತೆಂಬಿಮಾರ್ಲೆ ,ನಿಟ ಮೂಲ್ಕ ದವ್ರು ಜನ್ದ್ರು ಹೃದಯತ್ಗು ಪ್ರೋತ್ಸಾಹ ಉಂಟಾನತ್ಗು ನಿಟ ಪ್ರೀತಿಯಿಂಡು ನನ್ಕು ಸೇನ ಸಂತೋಷ ಆದರಣೆ ಉಂಟಾಸು. ⁸ ಅತಿಂಡು ನಿನ್ಕು ಯುಕ್ತವಯಿಕ್ರತ್ತ ಆಜ್ಞಾಪಿಸೃಕು ನನ್ಕು ಕ್ರಿಸ್ತನ್ಕೊರು ಅದ್ದಿ ಅಧಿಕಾರಯಿಂದ್ದೇಕು ಹನ್ಗು ಆಜ್ಞೆಪಣೆಸೈದೇ. ⁹ ಕೋಪಾಯಿ ಇಪೋದು ಕ್ರಿಸ್ತಯೇಸುವಿನಿಂಡು ಸೆರೆಯಾದು ಐಕ್ರ ಈ ಪೌಲಯಿಂಗ್ರ ನಾನು ಪ್ರೀತಿ ನಿಮಿತ್ತ ನಿನ್ನತ್ತೆಯ ಕೊಟ್ಗರೇ, ^{10 11 12 13} 10 ನಾನು ಸೆರೆಕೋರು ಪಡ್ಜುಗೊಂಡಿಕ್ರ ನಟ ಮೌವನ ಒನೇಸಿಮನ ವಿಷಯತ್ಗೊರು ನಿನ್ನತ್ತೆಯ ಕೊಟ್ಗರೇ , 11 ಅದು ಮುನ್ನಿ ನಿನ್ಕು ಅಪ್ರಯೋಜಕಅಯಿಂಚು ,ಇಪೋದು ನಿನ್ಕು ನನ್ಕು ಪ್ರಯೋಜಕನಾಯಿದೂ , 12 ಅದು ನನ್ಕು ಪ್ರಾಣತರಯಿಂದೇಕು ಅತ್ತತ್ತೆಯ ನಿಟ೦ಚ್ಗು ಪರ್ಕು ಅಂಪಿರೇ . 13 ನಾನು ಸುವಾರ್ತೆ ನಿಮಿತ್ತ ಸೆರೆಕೋರು ಇಕ್ರದಾಯಿ ನಿನ್ಕು ಬದಲಾಯಿ ಅದು ನನ್ಕು ಉಪಚಾರ ಸೈರುತರ ಅತ್ತತೇಯ ನಟ೦ಚ್ಗೆ ಅಚ್ಗುರ್ದುಯಿಂಡು ಯೋಚಿಸಿರೇ. ^{14 15 16} 14 ಅನೇಕೆ ನಿಟ ಉಪಕಾರ ಉಪಕಾರ ಬಲಾತ್ಕಾರತಿಂಡು ಆಗ್ದೆ ಮನ್ಸ್ ಪೂರ್ತಿಆಯಿ ಇಕ್ಕಿರ್ದು ಇಂಡು ಯೋಚನೆಸೆಂದು ,ನಿಟ ಸಮ್ಮತಿಇಲ್ದೇ ಯಂತೂ ಸೈರುಕೂ ನನ್ಕು ಮನ್ಸಿಕ್ಕಿಲ್ಲ , 15 ಅದು ಅಳುದ್ನುನಾಲು ನಿನ್ನಿಂಡು ತುರ್ಸೆದಾದು ಎಪೋದ್ಕಿ ನಿಂಜಾಯಿ ಅಗ್ರುದುಯಿಂಗ್ರತ್ ಗೋಸ್ಕರ ಎಂದೋ , 16 ಇನ್ಮೆನ್ನಿ ಅದು ದಾಸನಾಗದೇ ಉತ್ತಮಆಯಿ ಪ್ರಿಯ ಅನ್ನಾತೆಂಬಿತರ ಅಗ್ರುದೂ ಅದು ನನ್ಕು ಸೇನ ಪ್ರಿಯನೈಕ್ರತಿಂಡು ನಿನ್ಕು ಲೋಕ್ತು ಸಂಬಂಧಕೋರು ಕರ್ತನ ಸಂಬಂಧಕೋರು ಇನ್ನೂ ಎದ್ನೋ ಪ್ರಿಯಅನಾದೂ. ^{17 18 19 20} 17 ಅನ್ಗನೇಕೆ ನೀನು ನನ್ನತ್ತೆಯ ಜೊತೆಗಾರಯಿಂಡು ಅನ್ ಸ್ನೇಕೆ ನನ್ನತ್ತೆಯ ಅಗುಸ್ಗ್ರು ಪ್ರಕಾರವೇ ಅತ್ತತ್ತೆಯ ಅಗುಸ್ಗೋ , 18 ಅತಿಂಡು ನೀನು ಎಂದಾನ ನಷ್ಟ ಪಟ್ಟಿ೦ದೆಕ್ಯ ಅಥವಾ ಅದು ತನ್ಸುತಿರ್ಸುಬೇಕಾನೆಕ್ಯ ಅತ್ತ ನಟ ಲೆಕ್ಕುತ್ಗು ಹೋಡು 19 ನಾನೇ ತಂದೂ ತಿರ್ಸರೇಯಿಂಡು ಪೌಲಯಿಂಗ್ರ ನಾನು ಸ್ವಂತ ಕೈಯಿಂಡು ವರ್ಜಿರೇ ,ನಿಟ ಆತ್ಮತ ವಿಷಯತ್ಗೋರು ನೀನೇ ನಟ ತನ್ಸುಗೋರು ಇರಾಯಿಂಡು ನಾನು ಬೇರೆ ಸೋನುರ್ದ , 20 ಅಂಬೋ ,ಅನ್ನುನೇ ,ಕರ್ತನ್ಕೊರು ನಿನ್ನಿಂಡು ನನ್ಕು ಪ್ರಯೋಜನ ಅಗ್ರುತರ ಸೈಯಿ ;ಕ್ರಿಸ್ತನ್ಕೊರು ನಟ ಹೃದಯೇತ್ತೆಯ ಸಂತೋಷ ಪಡ್ಸು ²¹ ನಟ ಹೊಕ್ಕತ್ತೆಯ ಕೋಕಾರಯಿಂಡು ಭರವಸೆವುಳ್ಳವನಾಯಿ ಈ ಪತ್ರಿಕೆಯತ್ತೆಯ ನಿನ್ಕು ವರ್ಜಿರೇ, ನಾನು ಸೋನ್ನತ್ಗಿಂತ ಸೇನಾ ಸೈಯಾರಯಿಂಡು ನನ್ಕು ಗೊತ್ತಿದೂ. ²² ಇದಲ್ದೆ ದವ್ರು ನಿಟ ಪ್ರಾಥನೇ ಕೋಟೂ ನನ್ನತ್ತೆಯ ನಿಂಗ್ಲ೦ಚ್ಗು ವರೂಕ್ಕು ಅನುಗ್ರಹಿಸಕ್ಕಿಂಡು ನನ್ಕು ನಿರೀಕ್ಷೆ ಇದೂ, ಅತಿಂಡು ನನ್ಕೋಸ್ಕರ ಇಕ್ಕಿರ್ಕು ಜಾಗತ್ತೆಯ ಸಿದ್ದಸೈಯಿ. ²³ ಕ್ರಿಸ್ತ ಯೇಸುವಿನ್ನಿಂಡು ನಟ ಜೊತೆ ಸೆರೆಯವಅನಾ ಎಪಫ್ರನು ನಟ ಸಹಕಾರಿಗಾನ, ²⁴ ಮಾರ್ಕ ಅರಿಸ್ತಾರ್ಕ ದೇಮ ಲೂಕ ನಿನ್ನತ್ತೆಯ ವಂದಿಸಾಕ್ನು, ²⁵ ನಂಗ್ಲ ಕರ್ತಅನಾ ಯೇಸು ಕ್ರಿಸ್ತನ ಕೃಪೆ ನಿಂಗ್ಲ ಆತ್ಮತೆಂಟಿ ಇಕ್ಯೋಟು,