^{1 2 3} 1 ಮಕ್ಕಿಗ್ಲೆ, ನಿಂಗ ಕರ್ತನ್ಕುರು ನಿಂಗ ಅವ್ವ ಅಮ್ಮುಕು ವಿದೇಯರಯಿರೊಂಗೋ. ಇದು ನ್ಯಾಯವಾನದು. 2 ನಿಗಾ ಅವುಕು ಅಮ್ಮುನ್ನ ಸನ್ಮಾನುಸುರ್ದು, ಇದು ವಾಗ್ದಾನ ಸಹಿತವಾನ ಆಜ್ಞಾಯಾಯಿದು. 3 ಸನ್ಮಾಸುನೇಕೆ ನಿನಂಕು ಮೆಲಾಕ್ದು , ನಿನ್ನು ಭೂಮಿ ಮೇನಿ ಶ್ಯಾನ್ಲು ಬದ್ಕರಂಗ. ⁴ 4 ಅವ್ವಮಾರೆ, ನಿಗ್ಟ ಮಕ್ಕಿಲ್ಕಿ ಕೋಪ ಅದಿಪ್ಕ್ದೆ ಕರ್ತನ ಶಿಕ್ಷೆಕುರು ಉಪದೆಶತ್ಕುರು ಅಲ್ನ ಬೆಲ್ಸಂಗೋ. ^{5 6 7 8} 5 ಸೇವಕಾರೆ , ವಡ್ಮನುಸಾರವಾಯಿ ನಿಂಗುಲ್ಕು ಯಜಮಾನಯಾಯಿಕ್ರತ್ಗು ಕ್ರಿಸ್ತನ್ಕೆಯಿಂಡು ಹೃದಯ ಪೂರ್ವಾಕವಾಯಿ ವಿದೇಯರಗಂಗೋ. 6 ಮನುಷ್ಯನ ಮೆಚ್ಚಿಸ್ರದು ಸೈರ ಪ್ರಕಾರ ಕಂನುಕು ಕಗ್ರಪೋದು ಮಾತ್ರ ಸೇವೆ ಸೈದೆ ಕ್ರಿಸ್ತನ ದಾಸನ್ಕು ಸರಿಯಾಯಿ ದೌರ್ ಚಿತ್ತನ ಹೃದಯ ಪೂರ್ವಕವಾಯಿ ನಡ್ಸಂಗೋ. 7ಮನುಷ್ಯರ್ಕುಲ್ಲ, ಕರ್ತನ್ಕುರು ಸೇವೆ ಸೈಯಾರೆಯಿಂಡು ನಾಲ್ಲ ಮನಸಿಂಡು ಸೇವೆ ಸೈಯಾಂಗೋ. 8 ವಂಡು ದಾಸನಾಗೊಟ್ಟು ಸ್ವತಂತ್ರನಗೊಟ್ಟು ತಾನು ಸತ್ಕಾರ್ಯನ ಸೈಯಕೋ ಅತ್ರ ಪ್ರತಿ ಫಲನ ಕರ್ತನಿಂಡು ಹೊಂದಕ್ನು ಇಗ್ರದು ನಿಂಗ ತಿಳ್ಜಿರಂಗ. ⁹ ಯಜಮಾನರೆ, ನಿಂಗ ಅದೇ ತರ ಸೇನ್ದಿರಂಗ. ಪರಲೋಕತ್ಕುರು ನಿಗ್ಟ ಯಾಜಮಾನರಯಿರ್ಕತಂಚ್ಲಿ ಪಕ್ಷಪತಯಿಲ್ಲಯಿಂಡು ತಿಳ್ಜು ಬೆದ್ರಸ್ರತ ಉಟೂಡನ್ಗೋ. ^{10 11} 10 ಕಡೆತ್ಗು ನಟ್ಟ ಅನ್ನಬೇಮ್ಬಿಮಾರೆ, ಅತ್ರ ಅತ್ಯದಿಕವಾನ ಶಕ್ತಿಕುರು ಬಲಗೊಲ್ಲನ್ಗೋ. 11 ನಿಂಗ ಸೈತಾನ ತಂತ್ರೋಪಾಯತ್ಕುರು ಎದುರಿಸಿ ನಿಕಿರ್ಕು ಶಕ್ತನಾಗುರ್ಕು ದೌರ್ತ ಸರ್ವಾಯುದನ ದರಿಸಂಗೋ. ^{12 13} 12 ನಂಗ ಹೊರಡ್ರದು ಮನುಷ್ಯಲೆಂಟ್ಟಿಯಲ್ಲ; ಮೇನಿ ಅದಿಕಾರಿ ಮೇನಿ ಈ ಲೋಕಟ ಅಂದಕಾರ ಅದಿಪತಿ ಮೇನಿ ಆಕಾಶ ಮಂಡಲತ್ಕುರುಯಿಕ್ರ ದುರಾತ್ಮ ದುಷ್ಟತ್ಮ ಮೇನಿ ಹೊರಡರೋ. 13 ಇತಿಂಡು ಕೊಟ್ಟ ದಿನತ್ಕುರು ನಿಂಗ ಎದುರಿಸಿ ಸೈರತ ಸೆಂದು ನಿಕಿರ್ಕು ಶಕ್ತರಾಗುರ್ಕು ದೌರ್ತ ಸರ್ವಾಯುದನ ನಿಂಗುಲ್ಕಾಯಿ ಅತ್ಕೊಂಕೋ. ^{14 15 16} 14 ಸತ್ಯಯಿಂಗ್ರ ನಡುಪಟ್ಟಿನ ಕಟ್ಟಿಗೊಂಡು ನೀತಿಯಿಗ್ರ ಎದೆಕವಚನ ದರಿಸ್ಗೊಂಗೋ .ಸಮಾದಾನತ ವಿಷಯವಾನ ಸುವಾರ್ತೆನ ತಿಳಿಸ್ರತ್ಕುರು ಸಿದ್ದವಾನ ಮನಸ್ಸು ಇಗ್ರ ಸೇರ್ಪುನ್ನ ಹೊಡ್ಗೊಂಗೋ. 15 ಸಮಾದಾನವಾನ ವಿಷಯತ್ಕುರು ಸುವಾರ್ತೆನ್ನ ತಿಳಿಸ್ರತ್ಕುರು ಸಿದ್ದಮನಸ್ಸುಯಿಗ್ರ ಸೇರ್ಪುನ್ನ ಹೊತ್ಗೊಂಡು ನಿಲ್ಲನ್ಗೋ. 16 ಅದಿಕಿಂತ ಹೆಚ್ಚಾಯಿ ನಂಬಿಕೆಯಿಗ್ರ ಗುರಾಣಿನ್ನ ಪುಡ್ಸಕೊಂಗೋ ಅತಿಂಡು ನಿಂಗ ಕೆಡುಕನ್ನ ಆಗ್ನಿ ಬಾಣನ ಆರಿಸುರ್ಕು ಶಕ್ತರಕ್ರಂಗ. ^{17 18} 17 ಇದಲ್ಲದೆ ರಕ್ಷಣೆಯಿಕ್ರ ಶಿರಸ್ತ್ರಾಣನ್ನ ಅಚ್ಕೊಂಡು ದೌರ್ತ ವಕ್ಯಾಯಿಕ್ರ ಕತ್ತಿನ ಪುಡ್ಕೊಂಕೋ . 18 ನಿಂಗ ಆತ್ಮ ಪ್ರೆರಿತರಾಯಿ ಆದಿ ಸಮಯತ್ಕುರು ಸಕಲ ವಿದವಾನ ಪ್ರರ್ಥನೆಕುರು ವಿಜ್ಞಾಪನೆಕುರು ಪ್ರಾರ್ಥನೆ ಸೈಯೊಂಗೋ ಇತ್ಕುರು ಪೂರ್ಣ ಚಿತ್ತರಾಯಿಂದು ಪರಿಶುದ್ದರ ವಿಷಯತ್ಕುರು ವಿಜ್ಞಾಪ ಸೈತ ಎಚ್ಚರವಾಯಿರೊಂಗೋ. ^{19 20} 19 ನಾನು ವಾಯಿವಂಗಿ ಗುಪ್ತವಾಯಿಂದ ಸುವಾರ್ತೆಯ ಮರ್ಮನ್ನ ದೈರ್ಯವಾಯಿ ತಿಳಿಸುರ್ಕು ಬೇಕನ ಒಕುನ್ನ ನಂಕು ಅನುಗ್ರಯಿಸುರ್ದುಯಿಂಡು ಪ್ರಾರ್ಥನೆ ಸೈಯೊಂಗೋ. 20 ಆ ಸುವಾರ್ತೆಯ ಮಾರ್ಮಟ ನಿಮಿತವಾಯಿ ರಾಯಬಾರಿಯನ ನಾನು ಬೇಡಿಕಿ ಬುದೇನೆ; ವಾಸೇತ್ರ ಬೇಕನ ರೀತಿಕುರು ನಾನು ದೈರ್ಯತಿಂಡು ವಾಸೇತ್ರತ್ಕುರು ಇರೋ. ^{21 22} 21 ಆನೇಕೆ ನಾಟ್ಟು ವಿಷಯ ನಿಂಗುಲ್ಕು ಗೊತ್ತಗುರ್ಕಾನಿ ನಾನು ಹೆಂಗಿರೆಯಿಂಡು ಪ್ರಿಯ ಅನ್ನದೆಮ್ಬಿಮಾರೆ ಕರ್ತನ್ಕುರು ನಂಬಿಗಸ್ತ ಸೇವಾಕನಾಯಿಕ್ರ ತುಕಿಯದು ನಿಂಗುಲ್ಕು ಆದಿನು ತಿಳ್ಸಕು. 22 ನಿಂಗ ನಟ್ಟು ಸಮಾಚರನ್ನ ತಿಳಿಜ್ಗುರ್ಕನಿ ಅದು ನಿಗ್ಟ ಹೃದಯಾನ್ನ ಸಂತೈಸ್ರಕಾನಿ ಆದು ನಿಗ್ಲಂಚೀಲಿ ಅಮ್ಪಾರೆ. ^{23 24} 23 ಅವ್ವಯಿಕ್ರ ದೊವ್ರಿಂಡು ಕರ್ತನಾನ ಯೇಸು ಕ್ರಿಸ್ತನಿಂಡು ಶಾಂತಿನು ನಂಬಿಕೆನು ಇಕ್ರ ಪ್ರೀತಿ ಆನದೇಮಬಿಮಾರ್ಕು ಈಕೊಟ್ಟು. 24 ನಗ್ಟ ಕರ್ತಾನಾನ ಯೇಸು ಕ್ರಿಸ್ತನ್ನ ಯಥಾರ್ಥವಾಯಿ ಪ್ರಿತಿಸ್ರಲ್ಮೆನಿ ಕೃಪೆ ಇಕೊಟ್ಟು. ಆಮೇನ್.