ಅಧ್ಯಯಮ್ -5

1 ಭುಡವ್ನೆ ಡರೈನ್ ಬನಿತರ ನೆಂಚಿನ್ ಬುದ್ದಿ ಬೋಲ್ನು. ಕವ್ವರ ಲಡ್ಕವ್ನ ನಾನೊಬೈ ಮೊಟೊಬೈ ಕರಿ ನೆಂಚುನು, ಬುಡಿ ತಯಾಡವನಬಿ ಆಯಕರಿ ನೇನ್ಚುನು 2 ಕವರಿಚ್ಚೋಗ್ರಿನಬಿ ಗನು ಆಚ್ಛಿಕರಿಬೊಲಿನ್ ನನಿಮೋಟಿ ಬೆಹೆನ್ನ ಕರು ಇವ್ನಖಮೆ ಬರಬರ್ತಿ ಬುದ್ದಿಬೋಲ್ನು. 3 - 4 ದಿಕ್ಕಿಕೊಂತೆ ಅನಾದನ ಖರುಕಪಾಡ್. ಆಜೂ ಏಕ್ ದೀಕ್ಕೊಂ ನ್ತೆ ಲಡ್ಕರಹೊ ನಾಥಿಪೋಥತಿರಾಹೋ ರೈತೋ ಇವ್ನೆಸ್ ಆಗಡಿ ಇವ್ನ ಘೆರ್ವಲನ ಗೌರವಂದ್ಯವನಬಿ ಆಯಾ ಬನ ಸನ್ಮಾನಮ್ ಕರನಬಿ ಬೆಖದ; ಆ ದೇವ್ನಿ ದೃಷ್ಟಿಮಾ ಅಚ್ಚುಹುಯೂರುಸ್. 5 ಧಿಕ್ಕೊಂಥೀಮ್ ಎಕ್ಕಸ್ ಹುಯೂರುತ್ತೆ ವಿದವೆಬಿ ದೇವನಪರ್ ನಿರಕ್ಷೆಮೇಲಿನ್ ರಾತ್ಬಿ ದಂಬಿ ವಿಜ್ಞಾಪನೆಮ ಪ್ರಥನೇಮಬಿ ಘಾಟ್ ಹುಯಿರಿಸ್. 6 ಆಜೂ ಸುಖಭೋದಮ್ಮಚ್ಛತೆ ವಿಡವೆಬಿ ಜೀವಿತೋಬಿ ಮರಿಜವನುತರಸ್. 7 ಆಲಾದು ಆದ್ಮಿ ನಿಂದ ನಖನಟೇಕೆ ಯೋ ವಿಷಯಾಂನ್ನ ಒಪ್ಪಸರ್ಯಾಕುಸ್. 8 ಕೋಣ್ಬಿ ಸ್ವಂತ ಆದ್ಮಿನ, ವಿಶೇಶಂಖು ಇನ ಗೆರ್ವಲನ ನಕಪಡಿತೋ ಯೋ ಕ್ರಿಸ್ತ ನಾಂಕಮ್ನ ತಸ್ಕರಮ್ ಕರವಳು ನಂಬಕೊಇಂತೆ ಚೋಟ್ಟು ಹುಯಿರುಸ್. 9 ವೈಷ್ಮ ಥಿನಿಖ್ನಬಿ ಕಂಕೊಯ್ಥೀಮ್, ಬುಡೆಯವ್ನೆ ಬಡೆಯವನ ಪಟ್ಟಿಮ ನಾಸೇರವ್ನು; ಎನ್ಕೆವ್ನ ಏಕ್ ವಗ್ರಿವ್ನ ಮಾತ್ರಂ ಬೈಕೊಹುಯಿರನು. 10 ಸಕ್ರಿಯೆನಬಿರವಳಿಕರಿ ನಮ್ರಹವಳಿ ರಹಿನ್; ಇವ್ನೆ ಲಡ್ಕವ್ನ ಪಾಲಿನ್ ಅಥಿತಿಸತ್ಕಾರಮ್ ಕರಿನ್ ದೇವ್ನು ಆದ್ಮಿನ ಸಮಚರಂ ಕರವಲುಬಿ ರಾಹೋ ಸಂಕಟ್ಟಾಮ್ಮ್ ಪಡಿಗುತೆ ಅದ್ಮಿನಬಿ ಸಹಾಯಮ್ ಕರಿನ್ ಖಾರುಸ್ ಸತ್ಕಾರ್ಯಮ್ನ ಅಚ್ಚಿಥರ ಘಾಟಹುಯಿರವದೇ. 11 ವೈಶ್ಮ ಛತೆ ಭೂಡವ್ನ್ ಗಂತಿಮ ನ ಶೆರೌನು; ಯುವ್ನೆ ದೈಹಿಕ ಆಸೆಖು ಸೊಲಿನ್ ಜಯಿನ್ ದೇವ್ನಿ ಹುಕಮ್ಮ ಯಃಕರನುಕರಿಬೊಲಿನ್ ಅಲೋಚನಮ್. 12 ಎಖುನುಅದ್ಮಿ ಫಾಸ್ಟ್ ದ್ಯಾವಯುತ್ತೆ ಬರವಸೇನ ತಪ್ಪಿಗೂ ಕರಿ ಅನುಮಾನಂಖು ಖಾಪ್ಪಡಿಗೂ. 13 ಆಜೂಷತ್ಕಥೋ ಇವ್ನೆ ಗೇರ್ ಗೇರ್ಮಬಿ ಹೈಕಡ್ ಹಿಕಾಡ್ ಫಾರಿನ್ ಮೈಗಳಂಥಮನ್ನ ಶಿಕ್ಷೆಕ್; ಮೈಗಳ್ಳರಾಗುವುದಲ್ಲದೆ ಕಂಕೊಯಿತೆ ವತೆಬೊಲಿನ್ ಅಲದಾದ್ಮಿನಿ ವಿಷಯಮ್ಮ ಹತ್ಗಳವಳು ಹುಯಿನ್ ಬೋಳಿಯೇ ಕೋಯಿಂತೆ ವತೆಬೋಲವಳುಚ್ಚ. 14 ಆಜೂಷತ್ಕಥೋ ಮುಂಡ ಮೊಪಿವ್ನ ಯ್ಹಕರಿಲಿನ್ ಲಡ್ಕವ್ನ ಜನಿನ್ ಘರ್ಮ ಸಂಸಾರಾಂ ಕರಿಲ್ಯವಖರ್ಖು; ಆ ಮನಾಚ್ಚುಲ್ಯಗೂ; ಇಮ್ಮಸ್ ಕರುಕರತೆ ದೇಖಿನ್ ವಿರೋದಿಖಾರು ನಿಂದುಲ್ ನಖನ ದೇಖುಕರಸ್. 15 ಆತ್ರ ಸ್ಪರ್ ತೊಡುಆದ್ಮಿ ಅಡಿವತ್ ಧರಿನ್ ಸೈತಾನ್ನ ವಲ್ಲಮ ಪಡಿಗೂ. 16 ನಮ್ಮೂಕರತೆ ಸ್ತ್ರಿಬಿ ಯೋಧಮ್ಮ ಮುಂಡಮೊಪಿ ಚ್ಚ ಯೋಬಿ ಇವ್ನ ರಕ್ಷಿನ್ಚವಾದ. ಸಬೇಬಿ ಧಿಕೊಯಿಂತೆ ಮುಂಡಮೊಪಿವ್ನಿ ಸಹಾಯಮ್ ಕರುಕರಸ್ ಕರಿಬೊಲಿನ್ ಇವ್ನೆಬಿ ಯೋ ಭಾರಂನ್ನ ಸಬೇಪರ್ ನನಕ್ನು. 17 ಆಚ್ಚಿಥರ ಅಧಿಕಾರಾಂನ್ನ ಚಲವಣಿ ಸಬೇಮ ಪಾಸ್ಟಾರ್ನ್ನ, ಇವಣ ಮೈ ವಿಶೇಶಂಖು ದೇವ್ನಿ ವಕ್ಯಾಮನ್ನ ಬೋಲನಮೈಬಿ ಉಪದೇಶಂ ಕರಮಬಿ ಕಸ್ಟಮ್ ಕರವಲನ ಬೆಅಂಥಲ್ ಘವರಂತೆ ಉಚುಪಡನು. 18 <<ಮಟಿ ಖುನ್ದಲತೆ ಗಯ್ಯೇನಿ ಮೊಡು ಭಂಧನಮೈ, ಏಕದ್ಮಿ ಇನು ಕುಳಿನ ಅಚ್ಚುಥರ ರಹಿನ್ >> ಶಾಸ್ತ್ರಮ್ಮ ಬೋಳಿಯುತ್ತೆ ಖಯೇನ. 19 ಸಬೇವಲಪರ್ ಕೋಣ್ಬಿ ಚ್ಚಹಾಡ್ ಬೊಲಿತೋ ಬೆಆದ್ಮಿ ತಿನದ್ಮಿ ಸಾಕ್ಷಿ ಚ್ಚಕರಿ ಭೋಲಿಥೋ ಇನ ನಕೋಕಂಜಿಸ್. 20 ಪಾಪಮ್ಮ ಚಲವಲನ ಕರಾವ್ನ ಖಾಮೇ ಜೇಥಾವ್; ಅವ್ನತೆ ಮೀಗ್ಲಿ ಉತೆ ಅದ್ಮಿಬಿ ಡೇರ್ ಶೇ. 21 ತು ಪುಚವನ ಅಗಡಿಸ್ ತಪ್ಪು ಕರ್ಯೋ ಪಚ್ಚಥಪಂಖು ಷತ್ಬಿ ಕರ್ಯೋ ಮೇ ಬೋಲ್ಯೋಥೆ ವಾತ್ನ ಪ್ರಕರಾಮ್ ಚಳ್ನು ಕರಿಬೊಲಿನ್ ಬನ ಖಾಮೇಬಿ ಇಶುನ ಖಾಮೇಬಿ ಅರಿಸಲ್ಪಡಿಯುತ್ತೆ ದೇವದುಥರ್ನ್ನ ಖಾಮೇಬಿ ಖಚ್ಚಸ್ಕರಿ ಬೊಳುಕರುಸ್. 22 ಅವಸಾರಾಂಖು ಕಿನಬಿ ಮತಪರ್ ಹತ್ಮೇಲಿನ್ ಸಭೆನಿ ನ್ಯಾಯಕತ್ವ್ನ ಖಾಯಲ್ ನಕೋಕಾರಿಸ್. ಬುಜೆಕ್ ಆದ್ಮಿ ಕರತೆ ಪಾಪಮ್ಮ ತು ನಶೆರ್ನುಥೀಮ್; ತು ಪಶೆನ್ನಿತರ ರಾವನು ದೇಖಿಲಾ. 23 ಆಜೂ ಉಪ್ಪರ್ ಪನಿನ ಮಾತ್ರಮ್ ಪಿಯವಳು ನರನುಥೀಮ್ ತರಿ ಅಜೀರ್ಣನ ಬುಜು ತುನ ಆಗಡಿ ಹುವತೆ ಅಸ್ವತ್ತೇನಿ ಪರಿಹಾರಂನಕಜೆ ದಿರಚಿನರಾಕ್ನ ತೋಡು ತೊಡುಸ್ ಪಲ್ಲಿಜೊ. 24 ತೊಡಅದ್ಮಿನ ಪಪಂನಿ ಖಾಯಲ್ ಅಚ್ಚಿಲಗಿನ್ ಇವ್ನೆ ಅಂಕುನು ಆದ್ಮಿ ಕರಿಬೊಲಿನ್ ಪೈಲೆಸ್ ಮಳುಂಕರವಿಷು; ಆಲಾದು ಆದ್ಮಿ ಪಾಪಮ್ನ ಬೈಕಪಡಿನ್ ಬುಜು ಮಲಾಮ್ ಉಸೆ. 25 ಇಮ್ಮಸ್ ತೊಡುಆದ್ಮಿ ಸಕ್ರಿಯೆಮ್ನ ಅಚ್ಚಿಥರ, ಆಲಾದು ತೊಡುಆದ್ಮಿ ಸಕ್ರಿಯೆಮ್ನ ಉಜಲಮ ನಾಯ್ಥೋಬಿ ಬೈಕ್ಪಾಡ್ಶೆಕೊಯಿನಿ.