¹ Dari nang tuha ka uwek-uwek nang di milih man anak-anaknya nang aku ngasihi ka dalamp kabanarant man buke hanya aku, ngalainkan uga dari kabant'nya nang dah nganal kabanarant ² karna kabanarant' koalah nang dah diamp ka dalamp diri man akan ada barage man diri salama-lamanya. ³ samoga anugrah, rahmat, man damai sejahtera ada man diri dari Jubata Allah apak', man dari Jubata Yesus Kristus, Putra apak' ka dalamp kabanarant man kasih. ⁴ Aku ba repo-repo man ahe nang dah aku nangar kade sabagian dari anak-anaknyu dah idup dalamp kabanarant', lempahe kita dah narima parintah dari Jubata. ⁵ man ampeant aku minta ka kao hai uwek, bukelah seolah-olah aku nulisant' parintah barahu, ngalainkan parintah nang dah kita narima dari samula, kade kita harus ngasihi seko man nang lain. ⁶ man nianlah kasih koa, kade kita koa harus bajalant' sasuai man parintahnya. nianlah parintah koa, lempahe nang dah kao nangar dari samula, kade kao harus bajalant ka dalamp nya. ⁷ Sabab manyak sasat nang dah muok ka dunia, man kabant' nya nana ngako kade Jubata Yesus dah atakng jadi manusia. nianlah nang sasat man anti Jubata Kristus. ⁸ tele'ant lah diri nyu babaro, supaya kao nanak ka ilangan ahe nang dah diri ngaraja'ant, tapi sabaliknya supaya kao narima upah sapanuhnya. ⁹ Barang sae nang nanak taat, man nanak diamp ka dalamp ajaran Jubata Kristus, ia nanak miliki Jubata Allah. urakng nang diamp ka dalamp pangajaran'nt, ia koalah nang miliki kadua nya baik Jubata Bapa man Putra. ¹⁰ kade ada urakng nang atakng ka kao man nana ngicankg ajaran nian, amelah narima ia ka rumah nyu man ame mare salam ka ia. ¹¹ karna barang sae nang mare salam ka ia na'ap bagian ka dalamp pabuatannya nang jahat. ¹² Masih manyak hal-hal nang mao ku tulis ka kao, tapi aku bai nulisnya ka karatas man tinta. tapi aku ba arap untuk atakng ka kao man bakata langsung, leakoalah supaya sukacita diri akan jadi panuh. ¹³ salam dari anak-anak kamaru' nyu nang dimilih.